Voll ine - Der Sportpodcast

Olympia Tippspiel Rangliste

Hosted on Acast. See acast.com/privacy for more information.

#200 - Wie bau ich en Sport Community in Züri uf? (feat. Move Zurich)

Thu, 12 Mar 2026 03:20:00 GMT

Zum Jubiläum (crazy eifach 200 Folge scho?!) gihts hüt en chli anderi Folg. Während de Andri no in Indie weilt, hett de Osci sich hüt mit em Thema Community Building usenandgsetzt und defür de Karim Abdin Sanz ihglade. Er isch de Gründer vo Move Zurich und verzellt eu nebst wies isch Chraftsport mit em Ramadan z'verbinde, wie er mit Move d'Lüt in Züri zum Sport mache animiere will, wie er sini Community ufbaut hett und wie ers schafft au ah Täg wonner ned macht, sich de Arsch ufzrisse. Mier verspreched dier, es lohnt sich drihzlose! Darum, wie immer, VOLL INE lose!

Hosted on Acast. See acast.com/privacy for more information.

#199 - Bombastischi Stimmig (feat. Raffi Styger)

Thu, 05 Mar 2026 03:20:00 GMT

Wer ned hinderem Mond lebt, weiss es herrscht uf dere Welt explosivi Stimmig. Allenvorah wegem neue EVZ Logo... Natürli ned, de Konflikt im Iran gihts ned nur uf de politische Ebeni z'rede sondern au im Sport. Was bedütet die aktuell Situation, welli Uswirke hetts uf d'Sportler und welli Wettbewerb müend verschobe werde? Voll Ine + Raffi kläred uf. Glichziitig gahts wieder los mit Formel 1 und mier hends eus ned chönne neh über die neue Updates aber au die neu Staffel Drive To Survive z'rede. Z'letscht hemmer no en Blick zrugg uf Italie gwagt zum en Usblick über die ahstehende Paralympics z'rede. Du gsehsch also, es lohnt sich ine z'lose!

Hosted on Acast. See acast.com/privacy for more information.

#198 - VOLL INE Olympia Recap 2026

Sun, 01 Mar 2026 13:30:18 GMT

Die Olympische Winterspiel 2026 sind verbi und es giht einiges z'berede! Doch bevors sowiit isch no es wichtigs Announcement: VOLL INE ISCH FÜR DE SWISS PODCAST AWARD IH DE KATEGORIE SPORT NOMINIERT!Danke eu allne für de Support! Mier sind extrem stolz!

Aber zrugg zum eigentliche: Egal ob Schwizer Medailleregle, norwegischi Betrüger, Verletzige, nervigi Amis und glücklosi Kanadier! Milano Cortina hett maximal abgliefered und Voll Ine isch ready eu mit eusne High- und Lowlights z'bediene! Darum, wie immer, VOLL INE lose!

Hosted on Acast. See acast.com/privacy for more information.

Post us Milano / Cortina #3

Thu, 19 Feb 2026 09:27:19 GMT

Olympia gaht langsam am Endi zue und so au eusi Ziit in Italie. Nach 6 richtig coole Täg ziehmer Bilanz zu eusere Ziit bi de Winterspiel!

Hosted on Acast. See acast.com/privacy for more information.

Post us Milano / Cortina #2

Tue, 17 Feb 2026 15:41:16 GMT

De Loic risst alles ab im Slalom und mier mached eus unbeliebt bi de Österricher und Norweger. Olympische Spirt gseht andersch us, aber eusi Stimmig hetts ned dämpft! (im Gegesatz zu dere im Partyzelt). Z'Nacht hetts denn mit de norwegisch Skinati geh und de Daniel Yule isch eus au no über de Weg gloffe. Am nächste Tag simmer denn uf Milano zu Schwiz-Italie luege. Was sellmer sege? Geili Stimmig gaht andersch, aber Pflichtsieg isch Pflichtsieg und jetzt freuemer eus mal uf de Viertelfinal.

Ih dem Sinn, Folg 2 vo Post us Mi-Co hett wieder zünftig Gspröchsstoff. Darum, wie immer, VOLL INE lose!

Hosted on Acast. See acast.com/privacy for more information.

Post us Milano / Cortina #1

Sun, 15 Feb 2026 15:39:15 GMT

D'Schwiz isch bi Olympia richtig eine am duregeh und mier sind debi! Ih de erste Folg vom Spezialfolg vo Post us Milano / Cortina verzellemer eu über d'Erlebnis bim Rieseslalom in Bormio, wo de Pinheiro dominant Gold gwünnt und d'Schwizer uf Platz 2 und 3 verwiest. Organisation pfui, eusi Vibes hui! Wiiter redemer no über d'Federica Brignone und ihres Monstercomeback, de Sieg vo de Schwiz gege Tschechie im Ishockey und en dumme Kanadier bim Curler! Du gsehsch, es wird sicher ned langwilig. Darum, wie immer, VOLL INE lose!

Hosted on Acast. See acast.com/privacy for more information.

#197 - Franjo vor Allen (Doppelgold Edition)

Tue, 10 Feb 2026 03:20:00 GMT

S Olympia Fieber hed so krass igschlage wie d Schwiizer Skifahrer im Goldhimmel. D Voll Ine Crew belüchtet hüt was alles scho passiert isch und wieso de Yann Sommer gschider wieder is Goal gad, was mir vude Lindsey Vonn ihrem Sturz haltet und was no alles z erwarte isch, wenn denn de Osci als Korrespondent vor Ort isch. Freued üch also uf en Welt voller Freud, Träne und professionellem Halbwüsse. Drum Voll Ine!

________________________

Hosted on Acast. See acast.com/privacy for more information.

#196 - Olympia Special 2026: Usblick und Prognose

Thu, 05 Feb 2026 03:20:00 GMT

Die grosse Winterspiel stönd a und VOLL INE isch umeeee. Bevor denn de Osci selber ad Spiel gad redemer ide hüttige Folg über alles was d Spiel z biete hend. Ganz bsunders aber chammer s Ranking vude Sportarte, d volline-Medaille Prognose (mach mit bim Olympiatippspiel und gwünne es geils Souvenir vo Milano/Cortina!) und d Insights vude beidne Herre empfehle. Wenn also parat si wotsch für de Start vude Winterspiel wöri jetzt VOLL INE lose wenn ich dich wär. LFG!!!

________________________

Hosted on Acast. See acast.com/privacy for more information.

#195 - Voll Ine mit... Noe Roth und Pirmin Werner

Sun, 01 Feb 2026 03:20:00 GMT

Vor Olympia hemmer denkt mier holed zwei vo de grosse Medaillehoffnige in Podcast und gennd ihne no de Voll Ine Boost! De Noe und Pirmin sind zwei vo de beste Skiakrobate vo de Welt und nebst denn vor allem zwei sehr sympathischi Coco Locos. Sie verzelled eus über ihri crazy Sportart, d'Battles mit de Chinese, wildi Gschichte in Kasachstan, ihri Fründschaft und wieso es bi Olympia en Medaille söll regne!

Du döffsch dich also uf en richtig geili Folg freue! Darum, wie immer, VOLL INE lose!

________________________

Hosted on Acast. See acast.com/privacy for more information.

#194 - Voll Ine isch ja mal voll vergesse gange

Thu, 22 Jan 2026 03:20:00 GMT

Mit bitzeli verspötig simmer zrugg us de Winterpause und egal obs umd Erlebnis ih de Karibik oder Padel uf Zanzibar gaht, mier sind giggerig zum wieder podcaste. Neb allem wo mier us de letschte Wuche nahholled gihts au ganz viel aktuells wie d'Trainerentlassig bim EVZ, s'Skiweekend in Wenge und d'Shitshow bim AFCON Final. Mier freud eus zrugg z'si und sind heiss uf was no chund!

Darum, wie immer, VOLL INE lose!

________________________

https://form.jotform.com/253590525123352

Hosted on Acast. See acast.com/privacy for more information.

#193 - VOLL INE AWARDS 2025🏆

Wed, 24 Dec 2025 23:00:00 GMT

Ih de hüttig Folg dreiht sich alles um de Rückblick ufs Sportjahr 2025! Und wie chönntis andersch si, verleiht VOLL INE wieder d'Awards ih folgende Kategorie!:

•⁠ ⁠Holzchopf vom Jahr

•⁠ ⁠⁠Ufreger vom Jahr

•⁠ ⁠⁠Highlight vom Jahr

•⁠ ⁠⁠Team 2025

•⁠ ⁠⁠Newcomer 2025

•⁠ ⁠⁠Sportler 2025

•⁠ ⁠⁠Sportlerin 2025

•⁠ ⁠⁠Voll Ine Award

Hend dini Favorite gwunne und bisch ihverstande mit eusere Uswahl? Schriebs une ihd Kommentär! Mier sind gspannt, was du meinsch :-)

UND Z'LETSCHT NO VIELE HERZLICHE DANK, DASS DU DAS JAHR SO FLIESSLIG GLOST HESCH ❤️

________________________

Hosted on Acast. See acast.com/privacy for more information.

#192 - VOLL INE mit... Alessandra Keller

Thu, 18 Dec 2025 03:20:00 GMT

Ih de hüttig Episode hemmer d'Alessandra Keller z'Gast - Weltmeisterin 2025, Gsamtweltcupsiegerin und aktuell die besti Mountainbikerin vo de Welt. Aber wer isch d'Person hinder de Erfolgs, de Sprints und em Regebogetrikot?

Mier redet under anderem mit de Alessandra über en Tunnelbohrmaschine wo nach ihre benannt isch, (selbstgmachte) Druck dur Erfolg, de Umgang mit em Hype um ihri Person, aber au wie wichtig es isch sich selber treu z'bliebe und wieso sie die Olympische Spiel gar ned so wichtig findet.

Eus hetts extrem Spass gmacht und mier hettet no ganz viel wiiteri Frage gha. Aber wie seidmer so schön, wennmer nach de Folg no Lust uf meh gha hett, ischs en gueti Folg gsi. Darum, wie immer, VOLL INE lose!

________________________

Hosted on Acast. See acast.com/privacy for more information.

#191 - Voll Ine mit... Angelica Moser (Livepodcast)

Thu, 11 Dec 2025 03:20:00 GMT

________________________

Hosted on Acast. See acast.com/privacy for more information.

#190 - Voll Ine mit... Fabian Lienhard

Thu, 04 Dec 2025 03:20:00 GMT

________________________

Tickets für de Livepodcast mit de Angelica Moser in Züri!

Hosted on Acast. See acast.com/privacy for more information.

#189 - Am Schluss gahts immer ums Velo feat. Patrick Nogdalla vom Gümmeler Talk

Thu, 27 Nov 2025 03:20:00 GMT

Die Wuche gihts berndütschi Mundart-Power bi Voll Ine! De Pädu aka de selbsternannti Velohipster und Co-Moderator vom Velopodcast "Gümmeler Talk" isch bi eus z'Bsuech! Und will de Pädu so en Velofanatiker isch landemer egal obs um Fuessball, Tennis oder Skifahre gaht, am Schluss immer bim Velofahre!

Eus hetts brutal Spass gmacht und mega gfreut mit em Pädu döffe die Folg ufneh. Darum gib au du ihm chli Liebi und los drih bim Collab vo Voll Ine x Gümmeler Talk (Part. 1)!

________________________

Zum Gümmeler Talk

Tickets für de Livepodcast mit de Angelica Moser in Züri!

Hosted on Acast. See acast.com/privacy for more information.

#188 - Voll Ine mit... Julian Müller

Thu, 20 Nov 2025 03:20:00 GMT

Die Wuche ischs letschte Mitglied vo eusne Kollege vo 44West aber au de ehemalig Bootspartner vom Andri z'Bsuech! De Juli (aka Juley) verzellt eus die Wuche wie ihri 3 Usfahrte uf offener See mit ihrem Boot, La Luna, gsi isch, wie d'Teamdynamik funktioniert, uf was er sich bsunders und uf was er sich gar ned freud und wie sie jetzt in Weltrekordziit wennd über de Atlantik ruedere.

Du gsehsch, es mangled ned ah geile Theme. Darum, wie immer, VOLL INE lose!

________________________

Tickets für de Livepodcast mit de Angelica Moser in Züri!

Hosted on Acast. See acast.com/privacy for more information.

#187 - Noah Okafor isch d'Alisha Lehmann vo de Männernati

Thu, 13 Nov 2025 03:20:00 GMT

D’Diskussione über Hyrox gönnd wiiter, de Noah Okafor macht Drama ih de Nati, d‘U17 Nati laht eus träume, de Wettskandal im Fuessball wiitet sich us, de Patrick Fischer isch vo Voll Ine verfluecht wurde, Rolex chocht de Donald bi de US Open weich und de Kimi Antonelli isch nur guet ih Länder wo Titanim Dioxid erlaubt isch.

Du gsehsch es lohnt sich! Darum, wie immer, VOLL INE lose!

________________________

Tickets für de Livepodcast mit de Angelica Moser in Züri!

Hosted on Acast. See acast.com/privacy for more information.

#186 - Bim Super10Kampfe VOLL INE

Thu, 06 Nov 2025 03:20:00 GMT

Voll Ine macht fetti Party bim Super10Kampf! Nebst em Abschied vo de Ruederer usem Spitzesport, fiiremer au no euses Team Orange, wo alles rasiert hett! Nachem Wettkampf isch denn aber ganz im Zeiche vom Networke gstande und Voll Ine hett kei Hemmige gha sich vorem Patrick Fischer z'blamiere (sorry Fischi!)... Nebebi hetts no geniali Gspröch mit de Angelica Moser, Nici Huber, Ryan Regez, Noe Roth, Pirmin Werner und Simon Ehammer geh! Du gsehsch also mier hend en riese Gaudi gha!

Usserdem ganz hüt no um de würdelosi Abschied vo de Pia Sundhage, wo als Natitrainerin gspickt wurde isch, de Granit Xhaka, Olympia in Münche, em Louis Margot wo umd Welt ruederet und z'Letscht über alti Männer wo sich de Sack föhned.

Du gsehsch, es wird wiedermal wild! Darum, wie immer, VOLL INE lose!

________________________

Tickets für de Livepodcast mit de Angelica Moser in Züri!

Hosted on Acast. See acast.com/privacy for more information.

#185 - UTTER WOKE NONSENSE

Thu, 30 Oct 2025 03:20:00 GMT

Nebst ganz vielne persönliche Updates müemmer hüt über de UTTER WOKE NONSENSE vo moderne Fuessball rede und picked grad 7 Sache use, wo abgschafft ghöred. Denn redemer au no über de Clasico, es schwedischs Fischerdorf mit 1500 Ihwohner, Odermatt sin potentielli Rückritt, Lara Gut-Behrami ihri Schimpftirade über die Junge, Max Verstappen sini Aura, d'Involvierig vo de italienische Mafia imene fette Wettskandal ih de NBA und z'letscht au no drüber wie Sex zumene Dopingvergehe füehre cha (oder ebe ned). Du gsehsch, es giht ganz viel Sache zum ahlose! Darum, wie immer, VOLL INE lose!

________________________

We Close the Gap vo ibelieveinyou.ch

Hosted on Acast. See acast.com/privacy for more information.

#184 - VOLL INE mit... UNSPORTLICH PODCAST

Thu, 23 Oct 2025 02:20:00 GMT

Hüt hemmer Gäst bi üs wo ned umssuscht de Titel “Koriphähe” vum schwiizer Sportpodcast träged. Sie hend über vieli Jahr de schwiizer Sportlerinne und Sportler s'Fürchte glehrt. Egal ob Ehammer, Odermatt oder Gmelin wie au Gisin, sie hend keis Blatt vors Muul gnoh und für üs usegfunde öb S*x vorem Wettkampf schädlich isch… idem Sinn: Herzlich willkomme bi üs im Voll Ine Studio: d'Jungs vum UNSPORTLICH PODCAST!

Hosted on Acast. See acast.com/privacy for more information.

#183 - GAGA STIMMIG 3000 ZUM 4 JÄHRIGE

Fri, 17 Oct 2025 16:12:19 GMT

Es gid öppis zfiire!! 4 JUBILÄUM VOLL INE. Wie cha das sie?! Danke viel mal, dass ihr üs Wuche für Wuche zulosed und supportet. Ihr sind die Beschte! Ide hüttige Jubliäumsfolg gits es persönlichs Update vum Voll Ine Team und vieli wiiteri News und Shoutouts. Es gad unter anderem wiiter mitm Märli vu Shanghai und em langwiligste Dreihbuech vu de Welowelt. Mit wenig Schlaf und viel Halbwüsse beweged mir üs hüt richtig fiirabig. Also joined üs richtig Wuchenändi. VOLLINE gahts!

Hosted on Acast. See acast.com/privacy for more information.

#182 - Voll Ine mit... Eliane Christen

Thu, 02 Oct 2025 02:20:00 GMT

D'Eliane isch zrugg bi eus im Podcast und mier möched dett wiiter wo mier in Folg 131 ufghört hend. Nur isch sie nümme churz vor ihrem Karriereendi und im C-Kader vo Swiss-Ski, sondern en WM-Teilnehmerin, im A-Kader und jetzt fix im Weltcup unterwegs. Sie nimmt eus mit uf die Reis im letschte Winter und alles was dezuegfüehrt hett, dass sie jetzt doch ihre Traum im Skisport döff uslebe. Es wird sich meh als lohne hüt drihzlose. Darum VOLL INE lose!

Hosted on Acast. See acast.com/privacy for more information.

#181 - Ironman Andri & Bronze us Shanghai

Thu, 25 Sep 2025 17:11:15 GMT

Hosted on Acast. See acast.com/privacy for more information.

#180 - Queen Ditaji👑

Thu, 18 Sep 2025 02:20:00 GMT

Wie chönnts andersch si die Wuche, als dass es um d'Frau vo de Stund gaht. D'Ditaji Kambunji gwünnt überragend WM-Gold in Tokyo und zementiert sich als eini vo de ganz Grosse Athletinne ih de Schwizer Sportgschicht. Voll Ine chan nur de Huet zieh und vo ihre schwärme! Glichzitig giht aber LA-WM no ganz viel anders zum berede u.a. die verflixte 4. Plätz vom Simon Ehammer und d'Schadefreud drüber, dass de Noah Lyles ablosed. Usserdem wirds hüt wieder mal politisch. Voll Ine luegt nämlich uf d'Geschehnis bi de Vuelta und fragt sich, wer alles bi dere Rundfahrt verlore hett... Z'letscht schlüssemer no mitere schöne Nachricht ab: s'BASPO kippt d'Chürzige für J+S und haut ab 2026 sogar 28 Millione Franke obe druf! Voll Ine find, wichtig und richtig!

Du gsehsch, langwilig wird dier also ned. Darum, wie immer, VOLL INE lose!

Hosted on Acast. See acast.com/privacy for more information.

#179 - Liechtathletik-WM Preview feat. Swiss Track Check

Thu, 11 Sep 2025 02:20:00 GMT

Die Wuche isch vollpackt mit sportliche Highlights! Under anderem isch d'NFL losgange, ih de NBA wird mit dubiose Zahlige s'Salary Cap umgange, d'Schwizer Fuessballnati zerisst de Kosovo und Slowenie, d'Ishockeymeisterschaft isch gstartet und de Carlos Alcaraz zementiert sich als Nummer 1 nach sim Sieg gege de Sinner in New York. Alles Thema wo eusi hütig Co-Moderator, de Pascal vo Swiss Track Check, richtig viel Ahnig devo hett und wo mier usfüehrlich diskutieret.

Sini absoluti Expertise liht aber uf de Liechtathletik, wo hüt au s'Highlight vo de Folg darstellt. Er giht eu alli nötige Insights zu de Schwizer und Schwizerinne, Ihri Medaillechance und alles wiitere Wichtige rund umd WM in Tokyo. So bisch au du ready zum vor dine Fründe de Experte z'spiele.

Darum döffsch wie immer gspannt sie und VOLL INE lose!

________________

Liechtathletik-WM Tippspiel

Swiss Track Check uf Insta

Swiss Track Check uf Spotify

Hosted on Acast. See acast.com/privacy for more information.

#178 - De Schwingerkönig isch de wahri Chef ih dem Land

Thu, 04 Sep 2025 02:20:00 GMT

Nachere Wuche Pause isch Voll Ine zrugg! Während de eint vo eus de Halbmarathon in Stockholm usenand nimmt, findet de ander use, dass er z'chli für Basketball isch. Zuesätzlich gihts s'ESAF z'rede. Vo spannende Kämpf, Fehlentscheid und eme packende Schlussgang isch das Wuchenende alles debi gsi. Usserdem rasiert eusi Voll Ine Family rund um d'Flurina Rigling, em Fabian Recher, Max Studer und em Stefan Küng international und sorgt für Furore! Mier sind also super happy zrugg z'si! Darum, wie immer, VOLL INE lose!

Hosted on Acast. See acast.com/privacy for more information.

#177 - Primier League, Bschiss am Berg und Tennis in Athen

Thu, 21 Aug 2025 02:20:00 GMT

Hosted on Acast. See acast.com/privacy for more information.

#176 - Kevin Durant in Züri, Weltrekörd zum Spass & 3 Millione für en Ring

Thu, 14 Aug 2025 02:00:00 GMT

Ih de hüttig Folg isch alles chli extravaganter. De Oscar stolpert in Züri eifach so über de Kevin Durant – wortwörtlich. Währenddesse sitzt de Andri sit Monaten freiwillig in sinere Lernhöhle fest und in China tobet d'World Games. Usserdem springt de Mondo Duplantis wieder emal höcher als je en Mensch zuvor, und de Cristiano Ronaldo macht Nägel mit Chöpf: Verlobig mit sinere Georgina – samt Ring im Wert vo schlappe 3 Millione. Hemmer grad Sommerflaute? Villicht. Hemmer trotzdem en riese Gaudi gha bim Ufneh? Definitiv!

Darum, wie immer, VOLL INE lose!

Hosted on Acast. See acast.com/privacy for more information.

#175 - Noah Lyles hett Minus-Aura

Thu, 07 Aug 2025 20:22:05 GMT

Hüt schwümmt ned nur de Noe Ponti ah WM in Singapur, sondern au Voll Ine wenns umd d'Tour de France Femmes gaht. Darum überbrückemer das Ganze mit de Top 5-Athlete und Athletinne mit de meiste und wenigste Aura. Wer schaffts uf eusi Liste und wer hemmer vergesse? Gib eus Bscheid ih de Kommis!

Darum, wie immer, VOLL INE lose!

Hosted on Acast. See acast.com/privacy for more information.

#174 - Tour de France & Women's Euro Review

Wed, 30 Jul 2025 15:25:24 GMT

Während die ganz Welt ih de Summerferie isch, isch Voll Ine zrugg mit de Review vo de zwei grosse Events de Summer. De Pogi fahrt die Tour hei wie en Psycho und England zitteret sich im Penaltyschüsse gege Spanie durch. Emotionali Achterbahne mit ganz viel Sidestories für eusi Boys. Darum, wie immer, VOLL INE lose!

Hosted on Acast. See acast.com/privacy for more information.

#173 - Mier hend s'grösste Grümpi vo Europa gwunne!

Thu, 17 Jul 2025 02:20:00 GMT

Zueschauerrekord, Traumquote im Fernseh, fast vier Goal pro Spiel – was tönt wie d'Leistig vo Voll Ine am Ägeri Grümpi isch eigentlich s'Fazit nach de Vorrundibi de Women's Euro: Spektakel statt Langwili. Und jetzt gahts erst richtig los für d'Schwizerinne geg die furiose Spanierinne. Glichzitig zeichnet sich ab: „New Two“ statt Big Three: Alcaraz und Sinner teiled sich Grand Slams wie Panini-Bilder. D'Swiatek fegt alli vom Platz – inklusive Bencic. Und irgendwie blibt ih de Tenniswelt alles bim Alte. Parallel dezue gihts in Frankrich Crashs, Usfäll und grosses Spektakel: Niemer will s'Maillot Jaune, Visma wirkt wenig ahgriffsfreudig, am Vingegaard sini Frau stichelt – und irgendwie wirkt de Pogi trotzdem souverän wie eh und je. Wer am Schluss uf de Champs d'Elysée d'Nase vore wird ha wird sich no zeige, aber die diesjährig Tour lieferet scho jetzt wieder zünftig Stoff.

Darum, wie immer, VOLL INE lose!

Hosted on Acast. See acast.com/privacy for more information.

#172 - Voll Ine mit... Michi Vogt

Thu, 10 Jul 2025 02:20:00 GMT

Was hend Turne, Pilates, Golfe, Fische und Bobfahre gmeinsam? D'Antwort isch eifach: de Michi Vogt. De schwyzer Bobpilot ghört zu de Weltspitze ih sim Sport und isch 2022 nur knapp anere Olympiamedaille verbigrast.

Ih de hüttige Folg redemer über sin Weg als Turner bi Wange bis ufs WM-Podest, über die härti Realität im Bobsport - vo Horrorstürz bis schwere Stürz - und wieso Füehrig im Bobteam meh bedütet als de Schlitte z'lenke. Natürlich gahts au um Technik, um de Mythos Dütschland-Vorsprung, um Lieblingsdisziplinen (2er oder 4er?) und ganz vieli wiiteri Sache. Du döffsch gspannt sie, will öppis chömmer dier verspreche: De Michi isch ned nur verdammt schnell im Bob sondern aus super schlagfertig am Mikrofon.

Darum, wie immer, VOLL INE lose!

Hosted on Acast. See acast.com/privacy for more information.

#171 - Im Minefeld vom Frauefuessball

Tue, 01 Jul 2025 02:20:00 GMT

D'Jungs hend bewegti Wuche hinder sich. Während de eint mit de Ruedernati ihd Möst gaht, chauft sich de Ander es Rennvelo und lebt sini Quarterlife Crisis komplett us. Glichzitig macht d'Sportwelt ned halt und liefered eus ned ein, ned zwei sonder grad drü Grossahläss ufs Mal! Zerst muess es natürli um d'Womens Euro gah wo das Jahr ih de Schwiz ustreiht wird und segemers so, d'Jungs lehned sich mit kontroverse Meinige wiit usem Fenster...Witer gahts denn mit Wimbledon und de Frag: Alcaraz, Sinner oder doch wieder Djokovic? Und wie gsehts eigentlich bi de Fraue us? Z'letscht döff natürli au d'Tour de France ned fehle und d'Frag isch das Jahr ganz klar: Wer schlaht de Pogi?

Du gsehsch, es gaht heiss zu und her. Darum, wie immer, VOLL INE lose!

_____________________________

CODE volline20 uf KAEX.ch ihlöse!

Hosted on Acast. See acast.com/privacy for more information.

#170 - s'Pure Gegeteil vom Leo Genoni

Thu, 19 Jun 2025 02:20:00 GMT

Nach zwei Wuche Andrientzug isch de Osci au wieder im Studio und d'Jungs hend ganz viel zum Nahhole. Seigs de CL- und Nationsleaguefinal, Roland Garros, Tour de Suisse, Ruedere, Liechtathletik oder Ishockey. Die Wuche isch würkli für jede und jedi öppis debi. Darum, wie immer, VOLL INE lose!

Hosted on Acast. See acast.com/privacy for more information.

#169 - VOLL INE mit...Timon Wernas

Thu, 12 Jun 2025 04:00:00 GMT

Es stündigs Update us de Ruederwelt, de Planig fürd Lucerne Regatta (Weltcup Luzern) und no vieles meh. Dank em Timon wo hüt bi üs z Gast isch erfahrsch du, was die "revolutionäre" Neuerige im Ruedersport uf de Regatta Betrieb für Uswirkige hend. Zuedem gahts au drum, was die dasjährig Lucerne Regatta so speziell und neu macht. Die altbekannti Frag: Wie chammer de Ruedersport attraktiver mache?" isch au es Thema. Grundsätzlich en Podcast über de Sinn vunere Sportverastaltig und de Ruedersport. Viel Spass bim VOLL INE lose!

Hosted on Acast. See acast.com/privacy for more information.

#168 - Und wieder isch es Silber...

Thu, 29 May 2025 02:20:00 GMT

Es ghört leider au dezue…s Analysiere vu Niederlage. So gsche bide Schwizer Ishockey Nati. Mir vu Voll Ine sind natürlich au enttüscht aber chönt au scho paar positivi Sache usepicke. Wieso de Osci in Barca isch, besprächemer au. Eis chömmer verrate…natürlich ischer wäge öppis sportlichem det. Unteranderem redemer auno über de aktuelli Giro Stand, wo ja viel Spanning verspricht sowie wer i üsne Auge de Sieger in Rom sii chönt. Zum Schluss und wie versproche, s grosse Update us de Ruederwelt. Einersiits belüchtet mir d Schwiizer Delegation für d EM in Plovdiv. Aber es gahd au um die meh oder weniger revolutionäre Änderige, wo World Rowing beschlosse hed…zum alles usegfinde muesch VOLL INE lose! Priiis

Hosted on Acast. See acast.com/privacy for more information.

#167 - Im Westen Nichts Neues

Thu, 22 May 2025 02:00:00 GMT

Was hend die vier Sportereignis gmeinsam? De Wout van Aert gwünnt wieder mal es Renne, d Schwiizer Ishockey nati dominiert ide Vorrundi, de Max Verstappen gwünnt ide Formel 1 und de FCB isch Schwizermeister im Fuessall…zum das und no viel meh use zgfinde muesch VOLL INE lose!

____________________

DIE WICHTIGE LINKS:

LAST MINUTE AHMELDIG FÜRS SPIKEBALLTURNIER

CODE "volline20" uf KAEX.CH ihlöse!

Hosted on Acast. See acast.com/privacy for more information.

#166 - VOLL INE mit... Pedro Schmidt

Thu, 15 May 2025 02:20:00 GMT

Die Wuche isch mit em Pedro de Founder und CEO vo KAEX z‘Bsuech! Mier redet under anderem drüber wieso er während em Interview ufemene Rollstuehl hockt, sin Weg vom sichere Pharmajob ihd Startupwelt, wieso "ingnorance bliss isch", wie sie New York und LA wennd erobere, Partnerschafte mit Verein und Spitzesportler und vieles meh!

Darum, wie immer, VOLL INE lose!

Hosted on Acast. See acast.com/privacy for more information.

#165 - VOLL INE mit... Jan van Berkel

Thu, 08 May 2025 02:00:00 GMT

De Jan van Berkel isch ned nur de vierfachi Sieger vom Ironman Switzerland sondern au en richtig geile Siech. Mier redet hüt ned nur über sini Karriere als Spitzesportler und jetzt als Coach, sondern au über Theme wie “was mache wenns Tüfeli uf de Schultere ahchlopft”, Scheidige wegem Ironman, wieso er 28 Avocados im Chüehlschrank hett und vieles meh!

Grandiosi Unterhaltig isch garantiert! Darum, wie immer, VOLL INE lose!

Hosted on Acast. See acast.com/privacy for more information.

#164 - CHAT SHIT, GET BANGED

Sat, 26 Apr 2025 14:10:38 GMT

Die Wuche mit bitzli Verspötig, aber defür umso meh in Labberlune. D'Jungs redet hüt über d'Sperri vom Alex Wilson, de Meistertitel vom ZSC, Terror gege Schiris und vieles Meh! Chrütz und Quer durs Sportgschehe vo de Wuche. Darum, wie immer, VOLL INE lose!

Hosted on Acast. See acast.com/privacy for more information.

#163 - Voll Ine mit... Lorenzo Henseler

Thu, 17 Apr 2025 02:20:00 GMT

Hüt begleitemer wieder mal s'Projekt 44West bi de Vorbereitig uf d'Atlantiküberquerig im Ruederboot. Dadefür hemmer nachem Mat und em Luca mit em Lorenzo s'dritte vo vier Crewmitglieder. Er nennt sich selber de Explorer und verzellt eus ih dere Folg vo de letschte Usfahrt ufem Mittelmeer, wo sie ned nur emene Chriegsschiff begegnet sind sondern au under anderem vo ihrne Halluzinazione ufem Wasser, halbglähmte Schildkrote uf hoher See und Seechrankheite. Du gsehsch es lohnt sich also! Darum, wie immer, VOLL INE lose!

Hosted on Acast. See acast.com/privacy for more information.

#162 - Voll Ine isch wie Eurosport

Thu, 10 Apr 2025 02:20:00 GMT

Wie chönntis andersch sie gahts ih dere Wuche wieder mal um de Tadej Pogadcar und sini wilde Usritte in Flandere. Aber ned nur de Velosport beschäftigt Voll Ine die Wuche sondern au die aktuelle Ishockey Playoffs, de Goalrekord vom Alex Owetschkin, d'Verletzig vo de Frederica Brignone, de Conor McGregor und de Marathon in Nordkorea. Du gsehsch, langwilig wirds ned. Darum, wie immer, VOLL INE lose!

Hosted on Acast. See acast.com/privacy for more information.

#161 - Voll Ine mit... Elena Kratter

Thu, 03 Apr 2025 02:00:00 GMT

D'Elena Kratter isch die Wuche bi eus z'Gast und verzellt eus wie sie dur en verloreni Wett ihd Liechtathletik cho isch und prompt zwei Medaille bi de Paralympics gholt hett. Usserdem redemer under Anderem no drüber wie sie als glernti Orthopädietechnikerin und ahgehendi Medizinaltechnikstudentin ihri Prothese selber baut, wie sie d'Inklusion vom Parasport erlebt und wo sie no Verbesserigspotenzial gseht , wie sie in Paris vor 60-Tusig Mensche gloffe isch und wieso sie de Hype um de Schoggimuffin vo Paris 2024 ned verstaht, wie sie Ahlauf zum Weltrekord nimmt und no vieles meh. Du gsehsch also, es lohnt sich! Darum, wie immer, VOLL INE lose!

Hosted on Acast. See acast.com/privacy for more information.

#160 - Voll Ine mit... Salome Lang

Thu, 27 Mar 2025 03:00:00 GMT

d'Salome Lang isch die aktuell schwizer Rekordhalterin im Hochsprung und doch hett sie müess ihri Karriere im Alter vo 26 Jahr im September 2024 ufgrund vo ihrem Rugge müesse beende. Trotz de vielne Rückschläg ih ihrere Karriere isch sie immer en Frohnatur blibe und hett sich mit de Limite vo ihrem Körper abgfunde. Wie sie das gschafft hett verzellt sie dier ih de neuste Folg. Darum, wie immer, VOLL INE lose!

Hosted on Acast. See acast.com/privacy for more information.

#159 - Martin Pfister isch VOLL INE Fan & eusi Bucket List Part 2

Wed, 12 Mar 2025 23:00:00 GMT

Es sind turbulenti Ziite, de neu Bundesrat Martin Pfister hed schomal Voll Ine glost, de Marco Odermatt, d Schwiizer Langläufer und Liechathlete leistet historisches und sind so guet wie nonie unterwegs. Zuedem staht de Schwizer Ruederverband ide Kritik, was mir au churz aschniide wend…Es lauft einiges und ned z vergässe die neu Formel 1 Saison inkl. neui Staffel „Drive to survive“ isch au z gast bi üs. Drum wie immer VOLL INE lose!

Hosted on Acast. See acast.com/privacy for more information.

#158 - Eusi Bucketlist Part 1 (feat. Kai Schätzle)

Thu, 06 Mar 2025 03:00:00 GMT

En Folg mit Überraschigsgast, aber dezue spöter meh…Was gids bessers als en Sportverahstaltig z bsueche, wo mer scho lang uf de Bucket List gha hed? De Osci und ich hend gnau dass gmacht. Zwar im chopf aber mit glich viel Liedeschaft. Mir redet also nebe üsne Top 10 Sportverahstaltige auno über die fertig Qualifikation im Schwiizer Ishockey. Det erdahred ihr wie mier afangs Saison tippt hend. Üse Überraschigs Gast hüt isch de Kai Schätzle vude Schwiizer Ruedernati. Für alli Ruedernati Fans gids wiedermal en Iblick id Welt vum Schwizer Ruedersport, wos ja en neue Chef Trainier geh hed und s Team sich au starch gänderet hed. Als letzt gad au drum, öb mirs chöntet verantworte, d Velo WM imne Land wie Ruanda durezfüehre, wo en Kriegs Miliz unterstützt. Üsi meinig erfahrsch, wenn Voll Ine losisch! Let’s go.

Hosted on Acast. See acast.com/privacy for more information.

#157 - Kei Apres-Ski ufem Pazifik

Thu, 27 Feb 2025 03:00:00 GMT

Das Weekend dominieret d'Schwizer Skifahrer alles und holed en 3-fach Sieg in Crans Montana und z'mitzt im Chueche debi: De Osci. Ob er aber alles mitbecho hett nach sine Apres-Ski-Abentür? Denn gahts wiiter mitem neue Format "The Snow League" wo vom Shawn White is Lebe grüeft wurde isch und sich ufd Fahne schriebt s'Snowboarde z'revolutioniere. Hit or Miss? Zum Schluss beredemer no s'Projekt Human Impulse und fraged eu welle Snack, welles warms Esse, welles Getränk und welli App ier uf hoher See mitneh würed.

Darum, wie immer, VOLL INE lose!

Hosted on Acast. See acast.com/privacy for more information.

#156 - Für d'Schwiz und gege Züri

Wed, 19 Feb 2025 23:00:00 GMT

D'Schwizer Festspiel in Saalbach sind z'End und Voll Ine luegt zrugg uf die villicht geilsti Ski-WM vo de Neuziit. Wer sind d'Gwünner, wer d'Verlürer und wie gahts wiiter mit de Ski-Nati? Denn gahts um de Sieg vom ZSC ih de Champions Hockey League, aber Voll Ine isch ned happy (okay vor allem de Osci). Z'letscht luegemer no uf s'Endi vo dere Odysse rund ums Dopinvergehe vom Jannik Sinner. Du gsehsch, langwilig wirds ned! Darum, wie immer, VOLL INE lose!

Hosted on Acast. See acast.com/privacy for more information.

#155 - Schwizer Festspiel in Saalbach und RIP Drake (feat. Noah Auf der Maur)

Thu, 13 Feb 2025 03:00:00 GMT

Ih de Absenz vom Andri springt es anders Voll Ine Familymitglied ihd Bräsche und liefered ab mit sinere Expertise. Zemme mit em Noah redet de Oscar die Wuche über die aktuelle Festspiel ah de Ski-WM und wie d'Schwiz grad d'Skiwelt uf de Chopf stellt. Denn gahts natürli wiiter mit em Super Bowl und de Verschwörigstheorie rund um d'Taylor Swift bevormer zu Schluss no über de Sieg vo de Belinda Bencic nach ihrere Babypause in Abu Dhabi müend rede.

Darum, wie immer, VOLL INE lose!

Hosted on Acast. See acast.com/privacy for more information.

#154 - Voll Ine mit... Roman Röösli & Andrin Gulich [Exklusives Interview zum Rücktritt]

Sun, 02 Feb 2025 05:00:00 GMT

Sie ghöred zu Voll Ine wie es Glace zumene heisse Summertag. S'Erfolgsduo Roman Röösli und Andrin Gulich verkündet darum bi eus exklusiv und usfüehrlich d'Beweggründ zu ihrem Rücktritt. Mier werfed en Blick zrugg uf ihri Karriere, ihri Ziite als Team und natürli de Gwünn vo de Bronzemedaille in Paris 2024. Du döffsch dich also ganz fest uf es bombastisches Interview freue!

Darum, wie immer, VOLL INE lose!

Hosted on Acast. See acast.com/privacy for more information.

#153 - Voll Ine mit... Livio Stadler

Thu, 30 Jan 2025 03:20:00 GMT

De Livio isch en langjährig Bekannte usem Voll Ine Universum, darum isch es scho fast en Schand hetts so lang brucht, bis er bi eus gsi isch. Darum freuemer eus umso meh hetts jetzt klappt! Mier lueged mit em Livio uf die aktuelli Saison, sini Verletzige, sin Werdegang vom Bambini zum Profi bim EVZ, d'Meistertitel 2021 und 2022 sowie ufd Rolle vom Dan Tanges bim Erfolg vom EVZ.

Mier chönnd eu verspreche, es wird en grandiosi Folg! Darum, wie immer, VOLL INE lose!

Hosted on Acast. See acast.com/privacy for more information.

#152 - Wer isch de Henry Bernet?

Sat, 25 Jan 2025 08:48:57 GMT

Mer glaubts chum, aber es isch die ersti reguläri Folg vom Voll Ine Podcast 2025?! Darum startemer au grad mit ere Review vo de letschte paar Wuche und lueged zrugg uf d'Interviews mit em Fabio, de Noelle und de Nina. Und wies de Zuefall will isch am Tag vo de Ufnahm grad de Damien Brunner, notabene en Chindheitsheld vo Voll Ine zruggtrette. Logisch wird denn in Nostalgie gschwelgt. Denn hett de Osci no en chlini Überraschig für de Andri (und villicht für die ganz Community) parat, wo de Andri fast usem Stüehli haut.

Es gaht denn aber au no los mit Tennis und de Frag "Wer isch de Henry Bernet" und Voll Ine präsentier wieder mal ihres Halbwüsse zum AO Final zwische em Sinner und Zverev. Denn gahts wiiter mitem Interview von Svindal, wo behauptet, dass der Marco Odermatt für de Erfolg vom ganze Schwizer Männerteam zueständig isch. Z'letscht gahts denn um Geld, sehr viel Geld. Hesch du gwüsst, dass die 20 grösste Fuessballverein uf de Welt en Umsatz vo 11 Milliarde(?!) generiert hend? Craaaazyy.

Darum, wie immer, VOLL INE lose!

Hosted on Acast. See acast.com/privacy for more information.

#151 - Voll Ine mit... Nina Brunner

Thu, 16 Jan 2025 03:20:00 GMT

Üse hüttig Gast brucht würkli kei Vorstellig. D'Nina Brunner isch erst grad zemme mit ihrere Partnerin Tanja Hüberli mit em Pris vom Schwizer Team vom Jahr uszeichnet wurde und isch hüt zum Plaudere bi eus. D'Nina verzellt eus vo allem wo siit em Gwünn vo de Olympia-Bronzemedaille in Paris passiert isch. Nebst dem luegemer druff was sie jetzt ih ihrem Sabbatical macht, wieso sie trotzdem no Sport triebt, wie sie mit em Rummel umgaht, wie sie d'Ziit ohni Tanja erlebt und vieles meh. Du gsehsch also hüt lohnt sichs no meh als suscht zum VOLL INE lose!

Hosted on Acast. See acast.com/privacy for more information.

#150 - Voll Ine mit... Noelle Ingold

Thu, 09 Jan 2025 03:20:51 GMT

Hüt bsuecht eus d'Noelle Ingold im Voll Ine Studio! D'Noelle isch eis vo de Mitglieder vom neue Schwizer Fraue Continentalteam Nexetis und verzellt eus hüt wie sie als meh oder weniger Querihstiegerin bim Team glandet isch, was sie sich vom neue Team für d'schwizer Radlandschaft und sich selber erhofft sowie wie sie hofft im nächste Jahr ahzgriffe!

Darum, wie immer, VOLL INE lose!

Hosted on Acast. See acast.com/privacy for more information.

#149 - Voll Ine Awards 2024

Thu, 02 Jan 2025 03:00:16 GMT

2024 isch verbi und Voll Ine macht de Jahresrückblick! Das Mal hemmer eus aber entschiede ned chronologisch durchs Jahr z'gah sondern Awards z'verleihe ih de Kategorie:

Holzchopf vom Jahr
Ufreger vom Jahr
Highlight vom Jahr
Team vom Jahr
Newcomer vom Jahr
Sportler vom Jahr
Sportlerin vom Jahr
Voll Ine Spirit Award

Wenn also nomal is 2024 wottsch abtauche und usefinde, wer gwunne hett, denn los VOLL INE!

Hosted on Acast. See acast.com/privacy for more information.

#148 - Voll Ine mit... Fabio Scherer

Wed, 25 Dec 2024 23:00:24 GMT

Euse hüttig Gast sett als Sieger vo de 24 Stund vo Le Mans eigentlich viel berüehmter si als er isch. Aber wie de Fabio selber seid, fehlt ih de Schwiz d'Plattform für de Motorsport. Darum taucht Voll Ine hüt mit ihm ih die Welt ih und findet under Anderem use, wies isch geg de Max Verstappen und Lando Norris Kart z'fahre, wieso Geld oftmals alles isch, wies isch mit 300 km/h im Dunkle is Ungwüsse z'fahre, wie er miteme brochene Fuess 9 (!) Stund gfahre isch zum s'wichtigste Renne vo de Welt gwünne und wieso gern mal wür ih de Indycar-Serie fahre. Du döffsch würkli gspannt si, will de Fabio isch ned nur verdammt schnell sondern au es Naturtalent am Mikrofon!

Darum, wie immer, VOLL INE lose!

Hosted on Acast. See acast.com/privacy for more information.

#147 - 5 eifachi Schritt wie du ah Wiehnachte ned fett wirsch

Wed, 18 Dec 2024 21:01:07 GMT

Voll Ine isch ih vorwiehnachtlicher Stimmig und darum chönnti de Knatsch zwische de FIS und de Athlete ned zumene bessere Ziitpunkt cho, will was wär Wiehnachte ohni Stress und Strit, oder? Darum beurteilemer d'Argument vo de Strithähn und diskutiered wasmer mit 400 Mio extra so chönnti ahstelle. Denn gahts witer mit Technologie. Gnauer gseit Laufschueh und was sie damit z'tue hend wieso (vor allem Fraue) grad Weltrekord pulverisieret. Z'letscht gebemer dier no paar Tipps mit uf de Weg wie du d'Festtäg chasch gnüsse ohni dass es zuesätzlichs Fettpolster bechumsch.

Darum, wie immer, VOLL INE lose!

Hosted on Acast. See acast.com/privacy for more information.

#146 - Gout Gout

Sat, 14 Dec 2024 08:31:57 GMT

Wenn du bis jetzt no ned vom Gout Gout ghört hesch, denn wirsch spötistens jetzt vom nächste Superstar ih de Liechtathletik ghöre. De Gout Gout isch nämli 16i und rennt de 100 und 200 Meter schneller als damals de Usain Bolt. Darum luegt Voll Ine was dehindersteckt. Wiiter gahts denn mit de Premieresieg vom Justin Murisier und Thomas Tumler, wo im höche Alter vo 30+ ihri erste Weltcupsieg ihfahred... oder wie Voll Ine seid, "de Orgasmus isch ewig usezögeret worde*. De Noe Ponti döff die Wuche aber au ned z'churz cho. Nachdem er die Wuche Weltmeiser (inkl. Weltrekord) wurde isch, luegt Voll Ine was sis Gheimnis isch und wie viel mal er no müesst en Weltrekord breche zum an Michael Phelps anecho. Z'letscht gahts denn no um de Lian Bichsel, wo sis NHL-Debüt geh hett und das grad miteme Goal zelebriert hett. Wieso verzichtet d'Schwizer Nati uf ihn? Voll Ine checkts ned.

Darum, wie immer, VOLL INE lose!

Hosted on Acast. See acast.com/privacy for more information.

#145 - Gmeinsame Hass uf d'Polizei > Gegesiitige Hass

Thu, 05 Dec 2024 03:20:55 GMT

Ih de hüttig Folg dreiht sich zerst mal alles um s'Skandalderby zwischem FCZ und GC. Wenns sportlich scho nix z'berede giht, denn wenigsten was absiits vom Platz passiert! GC Fans werdet stundelang vo de Polizei schikaniert und schaffeds ned as Spiel und Voll Ine debattiert mit Informatione us erster Hand über d'Verhältnismässigkeit vom Ihsatz. Wiiter gahts denn mit bürokratischem Wahnsinn und de Frag wie schwizerisch wottmer si, wenns um de Ihsatz vom Schwizer Wappe im Sport gaht?! Darum es paar Gegevorschläg vo Voll Ine wasmer suscht no ihsetze chönnd. Z'letscht gahts no um de neusti Dopingfall us de Tenniswelt und d'Frag wiemmer in Zuekunft mit de Schwellewert bi Mikrodosene set umgah.

Darum, wie immer, VOLL INE lose!

Hosted on Acast. See acast.com/privacy for more information.

#144 - talk the talk, walk the walk

Thu, 28 Nov 2024 03:20:47 GMT

Voll Ine isch zrugg miteme chline Experiment! Und zwar bringemer de Videopodcast (villicht) zrugg! Aber kei Angst Voll Ine blibt Voll Ine und darum gihts au die Wuche wieder die klassische Top 3 ;-)

Ahfah tüend d'Boys mit em Abschied vo ihrem gliebte EVZ Trainer am Dan Tanges, wo us persönliche Gründ sin Vertrag uflöst und Endi Saison zrugg zu sinere Familie nach Schwede gaht. Darum hett sich Voll Ine entschiede nomal zrugg z'luege uf die letschte 7 Jahr mit ihm. Danach gahts wiiter mit de Rueder-WM 2027, wo in Luzern ufem Rotsee stattfinde wird und glaubed eus, Voll Ine isch es ultrapeinlich, dass das Thema untergange isch! Nichtsdestotrotz, nehmemer eu mit uf en Reis uf de schönsti (Rueder-)See vo de Welt und verzellet eu, wies isch dett zwar (de Andri isch dett immerhin Weltcupsieger wurde) und was es für d'Ruederschwiz bedütet! Zum Abschluss wagemer no en Blick uf Las Vegas, gnauer gseit uf de Max Verstappen, wo sin 4ti WM-Titel gwünnt und sich fast scho unsterblich macht!

Du gsehsch also, langwilig wirds ned. Darum, wie immer, VOLL INE lose!

Hosted on Acast. See acast.com/privacy for more information.

#143 - VOLL GLABBERET 1: Alles isch hützutags s'neue Rauche

Fri, 22 Nov 2024 18:29:02 GMT

Mit bitzli Verspötig (sorry hett Schnee geh) die neusti Folg VOLL INE! D'Boys sind in Labberlaune: Vo Kopehage-Weekend über Social Media Boxfights und Siitze isch s'neue Rauche isch bitzli was für alli debi! Ih dem Sinn, wie immer, VOLL INE lose!

Hosted on Acast. See acast.com/privacy for more information.

#142 - Sport und Politik: 74 Millione für en Medaille, Trump mach Sportwashing und Audi gaht pleite?

Thu, 14 Nov 2024 03:20:28 GMT

Nachere chrankheitsbedingte Zwangspause sind d'Boys zrugg us de Strafbox und ready zum politisch werde. Mer seid zwar Politik und Sport settet ned gmischt werde, aber hüt chund de wahri Bewies defür, dass sie eigentlich es unzertrennlichs Paar sind.

Los gahts nämlich miteme Artikel vo de NZZ, wos drum gaht, dass jedi Schwizer Medaille 74 Millione chostet. Voll Ine analysiert d'Schwizer Sportförderig und erchlärt eu wieso in Holland en Medaille 10x (!) weniger chostet. Sind d'Holländer eifach die bessere Sportler oder steckt es anders Gheimnis dehinder?

Nachher gahts wiiter mitere Diskussion, ob de Donald Trump dank Sportwashing d'Wahl gwunne hett oder ob er de Sport eifach perfekt als Marketinginstrument verwendet hett zum jungi Männer mobilisiere. Isch das legitim oder verwerflich? Voll Ine diskutiert!

Z'letscht wird wieder über Qatari Geld gredt. Konkret gahts um de Ihstieg vom katarische Staatsfond bi Sauber/Audi F1. Und im Gegesatz zu suscht kritisiert Voll Ine ned s'Ölgeld sondern de Konzern wo churz devor staht 30'000 Lüt z'entlah. Isch es richtig als strugglendi Marke mit Gwünnihbrüch 1 Milliarde z'verwende für der Formel 1 Ihstieg und was passiert mit de Traditionsmarke Sauber?

Du gsehsch, es giht en wildi Folg mit seeeeehr viel Diskussionspotenzial. Darum gib eus dini Meinig ih de Kommentär ab!

Ih dem Sinn, wie immer, VOLL INE lose!

Hosted on Acast. See acast.com/privacy for more information.

#141 - Voll Ine mit... Luca Fayd‘herbe

Thu, 31 Oct 2024 03:20:05 GMT

Zum zweite Mal isch 44west.ch bi üs z Gast. Dasmal isches de Luca. Sit de letzte Folg (Nr.98) isch einiges gange bi ihne. Sie hend ned nur fascht ufgeh bim Ruedere ufem Mittelmeer nachdem verschiedensti Notfallszenarie itroffe sind, sondern sie hend au vieli neui Sponsore und Erfahrige gsammlet. De Luca verzellt idrücklich die ganze Details vu dene Abentür. Es isch en authentische und nachempfindsami Story, das chömmer euch sege! Losed also Voll Ine wie immer und ihr werdet ned enttüscht.

Hosted on Acast. See acast.com/privacy for more information.

#140 - Voll Ine mit... Franco Noti

Thu, 24 Oct 2024 02:20:54 GMT

Eusig hüttig Gast isch es wahres Multitalent und hätti werschinli ih 3 Sportarte chönne Profi werde!

De Franco Noti hett als erfolgriche Mittelstreckeläufer lang mit Paris 2024 gliebäuglet. Nach mehrere Verletzige isch er eines Tages im Trainingslager us Frust uf es Velo ghocket und über 500km am Stuck gfahre. Das wiederum hett sini Passion fürs Velofahre entfacht und fast dezue gfüehrt, dass er bi Bora-Hansgrohe glandet wär. Wies de Zuefall aber hett welle, hett zum gliche Ziitpunkt Alignhi Red Bull Racing lüt no Cyclors gsuech (Anm: Cycler & Sailor).

Jetzt isch de Franco in Barcelona beheimatet gsi und verzellt eus über sis Abentür am Louis Vitton Cup wo Alinghi leider d‘Quali ned für de Americas Cup gschafft hett. Das heisst aber ned, dass de Franco ned gueti Gschichte zum verzelle hett!

Darum, wie immer, VOLL INE lose!

Hosted on Acast. See acast.com/privacy for more information.

#139 - 3 Jahr VOLL INE

Tue, 15 Oct 2024 02:20:38 GMT

Voll Ine wird 3 und d'Boys hettet fast ihres eigene Jubiläum verpasst. Aber wie seidmer so schön? Überraschige mached s'Lebe schön!

Hüt bespreched d'Jungs wieder emal wie krass de Pogadcar isch, vergliched sini historischi Saison mit de Allergrösste und diskutiert wie bitter die Saison eigentlich für de Evenepoel muess gsi si trotz sim grosse Erfolg im Schatte vom Tadej z'stah. Wiiter gahts denn mit em (wenig überraschende) Abschied vom Rafael Nadal und de Frag: "Wenn settmer eigentlich zruggtrette?". Urteil Voll Ine: Weiss doch au ned. Z'letscht werfed de Andri und Osci ih de Top 3 au no en Blick ufd Schwizer Fuessball Nati und fraged sich ob de Murat Yakin no tragbar isch als Trainer. Wird Voll Ine polemisch oder bringets mal usnahmswis au schlagfertigi Argument? Werschinli beides...

Aber das isch noned Alles! En beliebti Rubrik us vergangener Tage giht ihres Comeback! S'Thema vo de Wuche mit wüsseschaftliche Hintergründ! Konkret gahts umd Frag, wie guet und wichtig Alternativtraining für Sportler isch.

Darum mini Liebie, wie immer, VOLL INE lose!

Hosted on Acast. See acast.com/privacy for more information.

#138 - Don't be a SINNER

Thu, 03 Oct 2024 02:20:27 GMT

Nach ungewollter Pause sind d'Boys zrugg mitere reguläre Folg und belüchtet zum Ahfang grad d'Velo-WM in Züri. Z'rede giht vor allem de Kontrast wo die WM mit sich bracht hett. D'Jungs bespreched ihri Gedanke zum tragische Unfall am Donstig und em Volksfestcharakter vom Sunntig. Zuesätzlich werded d'Lobeshymne für de Tadej "Pogi" Pogadcar uspackt und es wird philosophiert ob er dopt isch oder ned. Gib du eus dini Meinig dezue ih de Abstimmig ab!

Doping isch sowieso es Thema wo sich wie en rote Fade durch die Folg zieht. Bim zweite Thema gahts nämlich ums vermeintliche Dopingvergehe vo de Weltnummer 1 Jannik Sinner. Am Italiener drohet nach 2 positive Tests nämli 1-2 Jahr Straf. Doch d'Voll Ine Boys sind ned sich natürli ned gan einig, ob er jetzt schuldig isch oder ned...

Z'letscht belüchtet de Andri und de Osci no was en übervolle Kalender im Fuessball mit em Missbruch vo Schmerzmittel und Doping z'tue hett. Ja du gsehsch, au bim dritte Thema vom Tag chummts wieder vor. Zum Glück kenntmer sich bi Voll Ine mit Schmerzmittel us...

Darum, wie immer, VOLL INE lose!

Hosted on Acast. See acast.com/privacy for more information.

#137 - Liga de Quito & Simple Pleasures

Thu, 19 Sep 2024 02:20:28 GMT

De Andri isch zrugg us Ecuador mit eme Fuessballshirt als Souvenir. Glichzitig hett de Osci Motivation gfunde is Gym z’gah will er dett muess Dusche. Ier gsehnd d’Boys sind nachere chline Absenz wieder zemme im Studio und labbered wieder ganz schön viel.

Dasmal wird mit ganz viel gföhrlichem Halbwüsse über die neui Champions League, die neu National League Saison und die kommendi Velo-WM diskutiert. Isch es en guet vorbereiteti Folg? Wahrschinlich ned. Hend d’Boys en huere Gaudi gha mitenand? Safe.

Darum, wie immer, VOLL INE lose!

Hosted on Acast. See acast.com/privacy for more information.

#136 - Solotrip am Mikrofon

Thu, 12 Sep 2024 02:20:10 GMT

Ih de hütig Folg gihts en Portion Churznews. De Osci isch allei vorem Mikro wrapped die Wuche mit em wichtigste us de Sportwelt zemme: Vo de Nations League, über Warholm vs. Duplantis, US Open, Formel 1, Breakdance und Paralympics isch alles debi. Darum, wie immer, VOLL INE lose!

Hosted on Acast. See acast.com/privacy for more information.

#135 - Voll Ine... mit Marcandrea Hunkeler & Noah Auf der Maur

Fri, 06 Sep 2024 16:31:48 GMT

De Marci und Noah sind im Voll Ine Universum kei Unbekannti. Sie sind Inhaber vom Padelhub Luzern. Hüt gahts aber ned um Padel sondern um Flag Football.

Die Beide sind Teil vo de Schwizer Nati, wo ah de WM Bronze gwunne hett. Darum sind sie die beste Gäst zum eus meh über die Sportart, wo ab 2028 olympisch isch, z’verzelle.

Darum, wie immer, VOLL INE lose!⚡️

Hosted on Acast. See acast.com/privacy for more information.

#134 - Voll Ine mit... Marc Maurer (Co-CEO vo ON)

Thu, 29 Aug 2024 02:20:06 GMT

Hüt gahts ab uf Züri id On Labs. Üse hüttig Gast isch de Marc Maurer. Co-CEO vu höchstpersönlich. Grad am Afang verzellt er, wieso er immer no selber viel Sport macht und was das mit de Philosophie vu On ztue hed. Es gad under anderem au um d Gheimnis wieso ON so erfolgrich isch und was de Sport sich devo abschnide chönti. Welli Regle er bimne Olympia Schueh gern mal breche würd und wie oft de Roger Federer tatsächlich in Züri bi ON schaffed, gfindsch die hüttige Folg use!

Also wie immer...VOLL INE lose!!!

Hosted on Acast. See acast.com/privacy for more information.

#133 - Voll Ine mit... Alan Frei

Thu, 22 Aug 2024 02:20:50 GMT

Üse hüttig Gast kenned einigi vo eu werschinli, villicht ned als Sportler, aber als Gründer vo Amorana. De Alan Frei hett nachem Verchauf vo de Onlineplattform 2022 starch ah Übergwicht glitte und sich entschiede er muess was ändere. Statt dass er aber eifach nur abnimmt, verchnüpft er das Ganze mit eme Ziel: Er will ah die Olympische Winterspiel 2026. Gar ned eifach als ü40-Athlet ohni wirklichi Vorkenntnis imene Sport.

Trotzdem isch er eine vo de Gründer vom phillipinische Curlingteam und versuecht jetzt sich zemme mit sim Team z'qualifiziere. Isch Curling würkli en Sport? Was für Zuefäll stecked hinder dere Idee? Wie bereitet er sich als Newbie uf so en Ufgab vor? Wie gross isch de Hype ih de Philippine? Das sind nur einigi vo de Frage wo er eus ih dere Folg wird beantworte.

Darum, wie immer, VOLL INE lose!

Hosted on Acast. See acast.com/privacy for more information.

#132 - Zrugg us de Summerpause mit Rad und Olympia

Thu, 15 Aug 2024 06:35:49 GMT

Olympia isch verbi. Es isch genau andersch usecho als denkt. De Osci isch in Paris gsi und de Andri ned. Während de Oscar mit de Schwiizer Rueder Nati umd Hüser vu de Stadt zoge isch, isch de Andri dehei gsi und hed Olympia als Fan verfolgt. Was er i dere Ziit suscht no erlebt hed bim Velofahre isch au es Thema i dere Folg. Es gid also es Update vude letzte Wuche und s grosse Olympia Fazit. Voll ine lose lohnt sich!!!

Hosted on Acast. See acast.com/privacy for more information.

Post us Paris #3 - Ab ihd Möst mit em Roman & Andrin

Sat, 03 Aug 2024 20:17:38 GMT

BRONZE FÜR D'SCHWIZER RUEDERER! De Roman und Andrin holet sich Edelmetall und d'Jungs gönd VOLL INE! Was mit em Renne ahgfange hett, hett mitere wilde Nacht uf de Strasse vo Paris. Wie das usecho isch?...

Hosted on Acast. See acast.com/privacy for more information.

Post us Paris #2 - Rendez-vous mit em Stefan Küng

Thu, 01 Aug 2024 20:06:14 GMT

Hüt hemmer kei Livesport gseh defür es Rendez-vous mit em Stefan Küng gha. Wie es dezue cho isch und was de Carlos Alcaraz mit dem ztue het, ghörsch ih de neuste Folg vo Post us Paris. Darum VOLL INE lose!

Hosted on Acast. See acast.com/privacy for more information.

Post us Paris #1 - Chli stinke muesses

Wed, 31 Jul 2024 20:07:01 GMT

Es laufet die Olympische Spiel und ei Hälfti vo Voll Ine isch debi. De Andri wiled momentan ih de Schwiz, aber de Osci hett mit 3 wunderbare Jungs en guete Ersatz gfunde. Während de erste Episode vo eusem daily Debrief gahts um eusi Ihdrück vo Paris, de Tag ah de Ruederstrecki und wieso Kanu besser isch als Ruedere. Wenn also meh über s'Erlebnis ah de Olympische Spiel wottsch erfahre, los VOLL INE!

Hosted on Acast. See acast.com/privacy for more information.

#131 - Voll Ine mit... Maria & Eliane Christen

Thu, 25 Jul 2024 02:20:26 GMT

Hosted on Acast. See acast.com/privacy for more information.

#130 - Alli mached Summerpause, nur Voll Ine ned

Thu, 18 Jul 2024 15:53:52 GMT

Ladies and Gentlemen, es isch Summer, es isch warm und es isch einiges passiert ih de letschte Wuche, wo mier müend ufarbeite. Während de Osci sich ih de EM-Stadie vergnüegt und eis EM-Spiel nachem andere konsumiert, macht de Andri ah de Tortour mit und gönnd sich en 19-Stunde-Schicht ufem Velo. Unterschiedlicher chönntet die beide Erlebnis ned si, aber öppis isch garantiert: D'Voll Ine Jungs sind voll ine gange und hend defintiv Spass gha. Was mier debi alles erlebt hend, tüemmer ih de neuste Folg ufarbeite. Vo dem her, los doch ine und gönn dier die neusti Folg Voll Ine!

Hosted on Acast. See acast.com/privacy for more information.

#129 - Voll Ine mit... Flurina Rigling

Thu, 11 Jul 2024 02:20:39 GMT

Hüt hemmer d’Ehr mit de Flurina Rigling z’rede. Sie isch ned nur en üssert erfolgtichi Paracylcerin mit ihrne 18 WM-Medaille, sondern au en absolut inspirierendi Person.

Sie verzellt eus under Anderem wie sie zum Paracycling cho isch, wie sie mit ganz viel Erfindertum d’Herusforderige im Alltag meisteret, wie de Parasport no müesst gförderet werde und was für Ambitione sie hett in Bezug uf die Paralympische Spiel und d’Heim-WM 2024.

Darum lohnt sichs, wie immer, VOLL INE lose!

Hosted on Acast. See acast.com/privacy for more information.

#128 - Hawk Thua & Schwiz im Final

Thu, 04 Jul 2024 02:20:54 GMT

Nach de ganz churze Summerpause isch Voll Ine zrugg in Vollbsetzig und ready zum is Mikro spucke. Die hüttig Folg staht ganz im Zeiche vo de EM und mier chönnd eu sege Voll Ine isch wieder mal uf de Hypezug vo de Schwizer Nati (Sorry für alles wasmer gseit hend Muri 😘). Wie stahts um eusi Prognose, wie laufts im Tippspiel, wo drückt de Schueh bi de Favorite und was risst d'Schwiz no? Das alles und meh besprechemer im erste Teil.

Anyway, Tour de France döff au ned fehle und will de Oscar kei Ahnig hett was bisher gloffe isch, verzellt de Andri im alles, was es z'wüsse gilt. Wie stahts um d'Favorite? Rissed eusi Schwizer was? Isch es die besti Tour sit langem? Wer stoppt de Pogi? Fragen über Fragen.

Darum verschwend kei Ziit und los die neusti Folg!⚡

Hosted on Acast. See acast.com/privacy for more information.

#127 - Voll Ine mit...Fabian Recher

Fri, 21 Jun 2024 16:35:07 GMT

Ide hütige Folg isch de Fabian Recher Gast bi üs im Podcast. De Fabian isch sit Geburt im Rollstuehl und ufem Wäg zum beschte Para-Radsportler (Handbike MH4) vude Welt. Er verzellt, wie er als Chind Fuessball gspielt hed und wie er denn zum Handbike fahre cho isch. Usserdem isch d Velo WM 24 in Züri es grosses Thema. De Fabian isch ned numme Medaillekandidat sondern au Ambassador. Was de Parasport ide Schwiz füren Bedütig hed, mit wellne Useforderige de Fabian täglich z Kämpfe hed und wie schnell er mit sim tüüre Sportgrät unterwegs isch, das erfahrsch alles ide neuste Folge.

PS. Au de Böbi (Christoph Janssen) hed en Uftritt ide hüttige Folge. Also schön brav Voll Ine lose!

Hosted on Acast. See acast.com/privacy for more information.

#126 - EM-Spezial

Fri, 14 Jun 2024 07:38:55 GMT

Die hüttig Folg staht ganz im Zeiche vo de Fuessball-EM. Egal ob du Fan oder ned Fan bisch, du chasch dier sicher was vo eus zwei Fuessballbanause abhole fürs Public Viewing oder de Stammtisch. Du gsehsch Fuessballerfloskle, gföhrlichs Halbwüsse und gwagti Prognose sind garantiert. Darum, wie immer, VOLL INE lose!

Btw, wenn du glaubsch du heschs bessere Fuessballwüsse als Voll Ine, denn chum ih eusi Tippgruppe und zeig eus wer de Meister isch: VOLL INE SRF TIPPGRUPPE. Mier freued eus uf dich ;)

Hosted on Acast. See acast.com/privacy for more information.

#125 - Voll Ine mit... Nici Huber aka Hubercop

Thu, 13 Jun 2024 02:20:59 GMT

De Nici isch zrugg. De allerersti Voll Ine Gast allerziite isch wieder bi eus im Interview und hett einiges z'verzelle. Sit em letschte mal wonner da gsi isch, hett er 360-Tusig Follower uf Insta gwunne und en Medaille ah de WM gwunne. Wie er mit dem Ganze umgaht und welli Ups and Downs er ih de Zwischeziit erlebt hett, verzellt er eus die Wuche im Podcast. Darum, wie immer, VOLL INE lose!

___________________________

Hosted on Acast. See acast.com/privacy for more information.

#124 - Wieso Verein sterbet (oder ebe doch ned)

Thu, 06 Jun 2024 02:20:00 GMT

The boys are back in town mitere neue Folg VOLL INE! Wie chönnts andersch si, muess de Oscar grad über de Champions League Final rede. Scho klar, wenn sin Lieblingsverein gwünnt und au no de Kylian Mbappe verpflichtet. Denn gahts aber scho bald wiiter mit andere Ultimate Champions, konkret ih de Liechtathletik. De Weltverband verspricht sich nämlich mit dem neue Format meh Fernsehihnahme, Zueschauer und vor allem die ultimative Champions ih de jewilig Disziplin. Was das genau bedütet? Voll ine luegt hinter d'Kulisse. Z'letscht gahts ih de Top 3 no um die beginnendi Tour de Suisse, wo au Voll Ine ih de eint oder ander Funktion wird vor Ort si. Sportlich analysieremer no wer alles debi isch und was für Chance sich d'Schwizer döffed usrechne.

Das isch aber no lang ned alles! S'Thema vo de Wuche fiirt sis Comeback und wie de Titel vo dere Folg scho verratet ganz ums Schwizer Vereinslebe. Konkrete luegemer en Studie ah wo die Wuche publiziert wurde isch, wo analysiert wie sichs Schwizer Vereinslebe entwickled. Voll Ine also wieder mal irgendwo zwische Fakte und Halbwahreheite.

Du gsehsch zuelose lohnt sich. Darum, wie immer, VOLL ine lose!

___________________________

Hosted on Acast. See acast.com/privacy for more information.

#123 - Es isch ned alles Gold was silbrig glänzt

Thu, 30 May 2024 02:20:13 GMT

Hosted on Acast. See acast.com/privacy for more information.

#122 - Mini Grossmuetter im Kader, scho wieder die Dütsche & Dominator Tadej

Thu, 23 May 2024 02:20:32 GMT

Guete Morge! Voll Ine isch ume und nimmt dich hüt mit uf en Reis is Universum vude Modefans und em Halbwüsse. Au en Premiere gits mit de Voll Ine "Kurz-News", wo mir im Schnelldurchlauf alli erwähnenswerte Sport Ereignis us dere Wuche bespreched. Ruedere isch au i dere Wuche Thema (Gratuliere Jungs und Mädel). Wieso es 38 Mann-Kader fürd Fuessball EM viel z gross isch und wieso de Halbfinal für Isockey Nati nur Note 4.5 wör geh ghörsch ide Top3 vu dere Wuche. Am Schluss isch de grossi Dominator Tadej Pogacar Thema. Er isch de FC Bayern Münche zude beschte Ziite, de Max Verstappen und the big Three im Tennis glichzitig nur sympathisch. Wie chan en schiinbar 15 jährige de Radsport glichzitig so langwilig und spannend mache? All das und no viel meh Gelabber ide neuste Folg vum Voll Ine Podcast. Bliib gsund, mach viel Sport und wie immer: VOLL INE!

___________________________

Hosted on Acast. See acast.com/privacy for more information.

#121 - Abdulaziz Al-Khathran & Brad Isbister

Thu, 16 May 2024 02:20:37 GMT

Es isch en Früehligstag im Mai und Voll Ine weiss ned so recht über wasmer die Wuche rede sell. Bevormer üsses Labberabentür ahfönd gihts aber no exklusivi News vom Andri bezüglich sinere Ruederkarriere! Denn redemer scho bald mal über alles und nüt, klassische Chitchat-Podcast halt. Es gaht um Frage wie "Welle Randomsportler wo alli vergesse hend, isch no regelmässig ih dim Chopf?" bis zu "Hesch du im Sport au so en unnötige Patritismus'"

Mal öppis anders, aber mier hoffed es gfallt dier!

Darum, wie immer, VOLL INE lose!

___________________________

De gleakti Chatverlauf vom Christian Horner

Hosted on Acast. See acast.com/privacy for more information.

#120 - Fischers Startruppe, Breaking Bad (Handballedition) & Pyros im Familiesektor

Wed, 08 May 2024 02:20:55 GMT

D'Jungs sind zum 120. Mal zrugg und wieder mal in Plauderlaune.

Nachdem letscht Wuche scho gwährweisled wurde isch, wer Schwizer Meister im Ishockey isch, holt sich de ZSC de Pokal. Voll Ine Verdikt: Hemmer ja scho immer gseit (also hemmer ned würkli, aber glich). Und chum isch d'Meisterschaft verbi luegemer au scho vorwärts uf die kommendi Ishockey-WM. Gihts mit de Starttruppe endlich de langersehnti Titel oder wieder es Viertelfinalout gege Dütschland? Voll Ine analysiert!

Denn redemer no über de vermeintlichi Doping Fall vom Nikola Portner. Crystal Meth gihts also ned nur bi Breaking Bad sondern au im Handball. Doch de Fall wirft Frage uf und Voll Ine fragt sich, ob alles mit rechte Dinge zue und her gange isch?

Z'letscht werfemer no en Blick uf die skandlöse Cup-Halbfinals vo letschter Wuche und versuechet mit Lösige fürs Hooliganproblem um de Egge z'cho. Mal ernst, mal weniger ernst.

Darum, wie immer, VOLL INE lose!

Hosted on Acast. See acast.com/privacy for more information.

#119 - En Run Club isch au nur en Harley Davidson

Thu, 02 May 2024 02:20:00 GMT

Hüt wirds chaotisch, d'Jungs sind nämlich in absoluter Gaga-Stimmig.

Zerst gihts en ganz churze Rückblick ufd Rueder-EM in Ungarn.

Denn gahts ih de Top-3 los mit em Comeback vom Marcel Hirscher und Voll Ine fragt sich obmer bald tusigi vo Holländer werdet ah de Strecki gseh. Denn gahts witer mit em Stan Wawrinka (ja mier sind au überrascht, dass er no spielt). Er isch nämlich ine chline Kryptoskandal involviert und hett sich mit NFTs es ordentlichs Sackgeld verdient. Jetzt folgt d'Sammelklag. Als dritts redemer no über de Valtteri Bottas, wo ih de Formel 1 hine umedümplet. Dafür laufts ihm umso besser ih de Gravelszene, wonner sich grad fürd WM im Oktober qualifiziert hett. Chum z'glaube!

Usserdem fiired s'Thema vo de Wuche sis Comeback und mier bespreched wieso alli grad Marathons laufed?! Alles komplett gfreestyled und ohni Struktur. Dafür unterhaltsam (behauptet mier).

Darum, wie immer, VOLL INE lose!

Hosted on Acast. See acast.com/privacy for more information.

#118 - Gedanke vor de Rueder-EM in Szeged mit Voll Ine

Thu, 25 Apr 2024 02:20:13 GMT

Yo, yo, yo! Herzlich willkomme zu einere vo de chürziste Folge vo Voll Ine ever! D'Jungs imrpovisieret sich was zemme und phaltets churz: Es gaht hüt usschliesslich um d'Rueder EM in Szeged, wo ah dem Wuchenend stattfindet (d'Renne chasch uf worldrowing.com und hoffentlich am Sunntig im SRF verfolge). Wie stönd d'Chance vom Andri sich sin ersti EM-Titel z'hole? Wie gsehts us mit de andere Schwizer Boot? und wie viel Medaille gihts das Wuchenend fürd Schwiz? Das alles ih de neuste Folg. Darum, wie immer, VOLL INE lose!

Hosted on Acast. See acast.com/privacy for more information.

#117 - Andri und die starken Männer

Thu, 18 Apr 2024 02:20:43 GMT

In Vollbesitz vo eusne Chräft simmer die Wuche wieder in Originalbesetzig zrugg und natürli in absoluter Plauderluune. Zerst müemmer natürli über de Rueder-Weltcup in Varese rede, wo de Andri geg die grosse und böse Manne gstartet isch. Darum verzellt er am Oscar wies gsi isch u.a. geg de Olli Zeidler z'fahre und was sini Ihdrück gsi sind bi de Schwere. Usserdem luegemer no uf die andere Schwizer Boot und analysieret ihri Resultat. Denn luegemer au no nach Leverkusen, wos gschafft hett d'Dominanz vo Bayern Münche z'breche. Mittendrin zwei Männer mit em "X" im Name: Xabi (Alonso) und (Granit) Xhaka. Zwei vo de wichtigste Baustei vom Meistertitel vo Leverkusen. Z'Letscht gahts au no uf Afrika und zwar einisch längs durch Afrika zum gnau si. De Russel Cook durchquert nämlich als erste Mensch die kompletti Längi vo Afrika und lauft 385(!) Marathons ih weniger als emene Jahr! Das verahlasst eus über eigeni dummi Challenges nahzdenke und wer weiss, villicht machemer sie ja irgendwenn au. Anyway, du gsehsch es giht einiges zum bespreche die Wuche. Darum, wie immer, VOLL INE lose!

Hosted on Acast. See acast.com/privacy for more information.

#116 - Gedanke vor em Weltcup Ι mit Pädi Brunner

Thu, 11 Apr 2024 16:48:56 GMT

Hallo liebi Fans vum Ruedersport! Das isch e Folg für üch. Da de Osci bizli chrank isch (gueti Besserig!) macht de Andri hüt es lockers Gspröch mit Pädi Brunner aka Ballon. Es gad um de herti Winter und wieso de üs Schwizer Ruederer so parat macht. Was gad eim vorem Saisonstart und weniger als 24h vorem Weltcupstart dur de Chopf? Gfindets use idem ihr de Podcast losed. Eis isch aber sicher, de Pädi und de Andri werdet ab morn VOLL INE ga!

Hosted on Acast. See acast.com/privacy for more information.

#115 - Polnischi Spielsucht, italienischi Überschwemmige & holländischi Chopfsteipflaster

Thu, 04 Apr 2024 02:20:05 GMT

Während de Oscar in Pole sinere Spielsucht nahgaht, versinkt de Andri in Italie im Wasser. Glichziitig dominiert der Van der Poel ah de Flanderrundfahrt uf de Chopfsteipflaster, d'Fraue fahred villicht kei Tour de Suisse meh und im Ishockey gihts die beste Playoffhalbfinals sit Jahre! Darum, wie immer, VOLL INE lose!

Hosted on Acast. See acast.com/privacy for more information.

#114 - Voll Ine Hörerfrage Special

Thu, 28 Mar 2024 03:20:14 GMT

Nachdem mier zuvor 2 Wuche gfehlt hend, simmer zrugg und beantwortet die Frage, wo eu under de Finger brennet! Wenn rennt de Oscar endlich en Marathon? Mit wem wür sich de Andri gern es Hotelzimmer teile? Isch Sex vorem Wettkampf guet oder schlecht? Das und no vieles meh ih de neuste Folg! Darum, wie immer, VOLL INE lose!

Hosted on Acast. See acast.com/privacy for more information.

#113 - Update usem Voll Ine Universum (wieso mier weg gsi sind)

Sat, 23 Mar 2024 14:54:39 GMT

Nachere churze Pause simmer zrugg! S isch viel passiert, au bim Andri und sim Olympia Traum. De Osci verzellt vu sim super SportSunntig in Madrid und all das macht die hüttig Ileitig lang. Ide Top3 vu dere Wuche gönd mir druf i wieso s guet isch dass de Marco Odermatt usegfuled isch und wieso die neue EM Fuessballtrikots zum Teil recht kacki sind…zudem natürlich nochli Playoff Action mitm EVZ! Losed Voll Ine hopp hopp.

Hosted on Acast. See acast.com/privacy for more information.

#112 - Pogačar machts solo, Christian Horny & Goldenboy Ehammer

Thu, 07 Mar 2024 03:20:13 GMT

Yooo...Voll Ine entschuldigt sich scho mal im Vorus für die hütigi Folg. Selte simmer so unvorbereitet, aber so unhinged wie hüt gsi. Es wird also en wildi Fahrt.

Fast so wild wie die vom Tadej Pogačar, wo bi de Strade Bianche mit sim Solo allne devo fahrt und scho mal es Zeiche gegenüber de Konkurrenz uselaht. Wer sell de Mah eigentlich stoppe?! Wild wirds au ih de Formel 1, wo bim aktuelle Dominator Red Bull en Bürgerchrieg usbroche isch, will de Christian Horner oder wie mier ihn nennet, Horny, vermeintlich seich gmacht hett. Voll Ine hett exklusivi Leaks und stellt sie eu zur Verfüegig (siehe unten). Wild isch au das, was de Simon Ehammer uspackt hett. GOLD im Siebekampf ah de Halle-WM in Glasgow. Voll Ine isch sich sicher, Paris 2024 chan cho für de Golden Boy us de Schwizer Liechtathletik! Hemmer scho die erste Vorbote vonere Olympiamedaille?

Darum, wie immer, VOLL INE lose!

_______________________________

Hosted on Acast. See acast.com/privacy for more information.

#111 - Voll Ine mit... Stefan Küng

Thu, 29 Feb 2024 03:20:32 GMT

Eusi hüttig Gast brucht eigentlich kei Intro. De Stefan Küng ghört zu de beste Radfahrer vo de Welt und isch de heissisti Medaillekandidat vo de Schwiz ah Olympia und de Heim-WM im September.

De Stefan verzellt eus über sini neui Leaderrolle im französische Team Groupama–FDJ, wies für ihn isch mit de Netflixcrew im Bus z'si, wie er sich ufd Früehjahrsklassiker freud (insbsondere Paris-Roubaix), welli Fahrer de perfekti Allrounder usmached, wer zu sine Favorite bi Olympia ghört, wie sehr er sich ufd Heim-WM im September freut, wieso d'Schwiz im Verglich zu Spanie sehr velounfründlich isch, wie er mit Rückschläg wie sin schweri Sturz bi de EM 2023 umgaht und wieso sis Motto isch "it is, what it is".

Du gsehsch, mier hend eus würkli alli ine Rusch gredt (und glaub eus mier hettet no so viel Frage uf Lager gha). Darum, wie immer, VOLL INE lose!

Hosted on Acast. See acast.com/privacy for more information.

#110 - So tickt ein Blick-Journalist feat. Nicola Abt

Thu, 22 Feb 2024 03:13:19 GMT

Wie du ufgrund vom Titel richtig vermuetisch isch Voll Ine hüt im Boulevard unterwegs. De Nicola Abt, sinersits Sportjournalist bi Rignier/Blick und Host vom Podcast "Chopfstark", isch z'Gast bi üs. Was als en spontani Ahfrag an Andri gstartet hett, hett mitere komplette Podcastfolg geendet. Falls also scho immer mal hesch welle wüsse wie Sportmedie funktionieret, wieso bim Blick so gschriebe wird und was en gueti Story usmacht, denn bisch genau richtig! Darum, wie immer, VOLL INE lose!

Hosted on Acast. See acast.com/privacy for more information.

#109 - Wer isch de Jon Rahm, Vetterliwirtschaft im Ishockey & Swifties übernehmed de Super Bowl

Thu, 15 Feb 2024 03:07:43 GMT

Hosted on Acast. See acast.com/privacy for more information.

#108 - Ab zu Ferrari, s'Feld vo hine ufruume & DJ Bobo als Halftimeshow

Thu, 08 Feb 2024 03:30:57 GMT

Hallo Sportsfründe! Voll Ine isch zrugg mit de hottiste und aktuellste News us de letschte Sportwuche und dammi hett ein Mah abglieferet. De Lewis Hamilton schockt d'Formel 1 Fans mit sim überraschende Wechsel zu Ferrari. Doch ob er dett glücklich wird oder eher sini Legacy verbaut? Voll Ine deckt uf! Zuesätzlich belüchtemer die besti Fahrt im Lebe vom Daniel Yule, wo in Chamonix historisches schafft und vo Platz 30 sich no de Sieg holt im Slalom. Z'letscht luegemer no uf de Super Bowl und gennd dier chli was mit, damit du am Sunntig mit unnötigem Wüsse chasch brilliere. Darum, wie immer, VOLL INE lose!

Hosted on Acast. See acast.com/privacy for more information.

#107 - Vergesseni Sportlegende

Thu, 01 Feb 2024 03:30:52 GMT

Ih de hüttige Folg widmemer eus zwei vergessene Legende us de Sportwelt und nehmed eu mit uf es wilds Abentür dur d‘Gschicht📚

Vorher luegemer aber uf de Triumph vom Jannik Sinner gege de Daniil Medwedew ah Australian Open. Voll Ine find „Carota Boy“ isch on Fire gsi🔥

Als zweits Thema gömmer de viele Verletzte im Skizirkus nah und fraged eus göbnd im Weltcup bald d‘Fahrer:inne us? Darum besprechemer möglichi Gründ und Lösigsahsätz geg die Verletzigsmiserie🤕

Zum d‘Top-3 abrunde verabschiedemer eus vom Andy Schmid, erw absolute Legende vom Handball🤾‍♂️

Darum, wie immer, VOLL INE lose!⚡️

Hosted on Acast. See acast.com/privacy for more information.

#106 - Broccolipizza und Overnight Oats

Thu, 25 Jan 2024 03:30:07 GMT

Let them cook🥘!

Hüt wird bi Voll Ine kochet. Mier zeiged eu je 3 vo eusne gsunde und schnelli Lieblingsrezept für dini Inspiration. Nebst Broccolipizza und Overnight Oats gihts au no Rezept für Shashuka, Couscoussalat, Mexican Bowl und Süesskartoffel-Kichererbse Curry. Du gsehsch, gsunde und geile Shit!

Vorher redemer ih de Top 3 aber no über Skifahre und belüchtet de Cyprien Sarrazin chli gnauer. Denn belüchtemer die aktuelli Form vo de Lena Häcki-Gross und chömmed zum Schluss Biathlon > Langlauf. Z‘letscht werfemer no en Blick ufd Australian Open und fraged eus ob öpper de Novak Djokovic chan stoppe…

Darum, wie immer, VOLL INE lose!

Hosted on Acast. See acast.com/privacy for more information.

#105 - Odi packt de Schwengel us, chräftigi Manne im Bob und Velo mit Flügel

Thu, 18 Jan 2024 03:29:30 GMT

D'Voll Ine Boys sind hüt wieder mal online unterwegs. De eint im Nebelloch und de andere bi de Richkids in St. Moritz. Entsprechend gihts was z'berede...

und wenig verwunderlich redemer die Wuche über d'Machtemonstration vom Marco Odermatt am Lauberhorn. De huere Siech chan au nix falsch mache Dammi. Anyway, de Andri trainiert zemme mit de Bobfahrer im Gym und wunderet sich wo sini Gains blibed. Z'letscht rundemer d'Top-3 mit eme zuckersüesse Red Bull ab.

Als Thema vo de Wuche hemmer das mal d'Rolle vo de Trainingspause für d'Regeneration debi. Dos & Don'ts und vor allem dummi Sprüch sind eu gwüss. Darum, wie immer, VOLL INE lose!

________________

Hosted on Acast. See acast.com/privacy for more information.

#104 - Usblick ufs Supersportjahr 2024

Thu, 11 Jan 2024 03:30:57 GMT

Yoooo...Wie viel geili Events erwartet eus eigentlich im 2024?! Voll Ine nimmt s'nächste Supersportjahr gnauer under d'Lupe! Velo-WM in Züri, Americas Cup in Barcelona, Fuessball-EM in Dütschland und Olympischi Spiel in Paris sind nur es paar vo de Events wommer belüchtet. Darum, wie immer, VOLL INE lose!

Hosted on Acast. See acast.com/privacy for more information.

#103 - Voll Ine mit... Roman Röösli & Andrin Gulich [LIVE]

Sun, 07 Jan 2024 03:00:07 GMT

Sie sind ned nur Gsamtweltcupsieger, Europameister und Weltmeister 2023 im 2er-Ohne, sondern vor allem geili Sieche. De Roman und de Andrin hend de Weg zu eus in Seeclub Zug gfunde und hend mit eus de erste Livepodcast bestritte. Nebst ganz viel Ruedertalk wird vor allem viel glachet. Darum, wie immer, VOLL INE lose!

________________

Chauf Tickets für de Live-Podcast am 5. Januar mit em Roman Röössli und Andrin Gulich

Hosted on Acast. See acast.com/privacy for more information.

#102 - Wie wird ich mental stärcher? feat. Christoph "Böbi" Janssen & Pascal Lehmann

Fri, 22 Dec 2023 03:30:38 GMT

Wie de Titel vo de hüttige Folg verrated dreiht sich alles um d'Frag "wie wird ich mental stärcher"? Für das hemmer eus mit em Böbi und em Pascal zwei absoluti Experte ufem Gebiet gholt, wo dier ned nur es sehr unterhaltsams Gspröch lieferet sondern au Technike nöcher bringed wie du mental stärcher wirsch, egal ob im Alltag oder Sport!

Nonie isch en Folg vo eus so lang gsi (glaub eus mier hettet nomal 2 Stund chönne rede!), aber das hett en guete Grund: Mier lueged under anderem uf Theme wie gschidi Zielsetzig, Visualisierig, Diszilpin, (Selbst-)Reflexion, Zwifel, Ufwärts- und Abwärtstrends, optimali Leistigszueständ, Flow und no vieles meh.

Darum gib dier die 2 Stund und tue, wie immer, VOLL INE lose!

_______________________________

Folg am Böbi uf Instagram

Folg am Pascal uf Instagram oder bsuech sini Website www.lehmann-mental.ch

Chauf Tickets für de Live-Podcast am 5. Januar mit em Roman Röössli und Andrin Gulich

Peace

Hosted on Acast. See acast.com/privacy for more information.

#101 - Viel Geld und z'wenig z'Esse

Thu, 14 Dec 2023 03:30:12 GMT

Hüt wird mal persönlicher. Konkret redemer über s'Thema Essstörige im Spitzesport und de Andri verzellt über sini Struggles mit sim Gwicht und wie das sis Essverhalte beihflusst. Vorher redemer ih de Top-3 drüber ob de neui Mega-TV-Vertrag vo de Premier League d'Fuge im europäische Fuessball wiiter ufrisse wird, wasmer sich als Baseballer mit 700 Mio US Dollar alles chan chaufe und wie de Skizirkus wege Fluor duregwirblet wird. Darum, wie immer, VOLL INE lose!

________________