Emociónate coa radio

Emociónate CEIP de PETELOS - Mos

Mon, 13 Mar 2023 19:44:32 GMT

E chegou o derradeiro programa, e non imos dicir último porque haberá máis, e tivemos a sorte de que nos acompañaran os mellores. A doce voz de Uxía, a arte de Xulio Lorenzo e as Malvelas!!! Como credes que foi este programa??? Divertido, entrañable, emocionante e todo o que te poidas imaxinar. Nel entrevistamos á alcaldesa de Mos, Nidia Arévalo, a Uxía, a cada unha das Malvelas, tamén a Xulio Lorenzo, ás profes responsables da radio, á atleta Soledad Castro, á ex profesora Balbi e ao arqueólogo Mario que entrou dende Londres para contarnos como van as súas investigacións e estudos. Foi un programa no que aprendemos leccións de vida moi tenras, nos que coñecemos a faceta de locutora de Uxía Senlle, no que nos contaxiamos da ledicia e das gañas de vivir das Malvela, no que a profe Raquel puxo todo o posible e máis para que saira un programa incrible, no que Balbi lembrou como se construíu o centro e como era o ensino hai tantos anos cando ela era mestra nunha pequena escola de aldea... foi un programa no que bailamos, sorrimos, gozamos e todo grazas ao alumnado, ás súas profes, a unha alcaldesa comprometida e ás boas xentes e músicos de Mos que facendo gala dunha inmensa xenerosidade engrandeceron cada minuto. GRAZAS!!!!

Hosted on Acast. See acast.com/privacy for more information.

Emociónate CEIP Carballedo de Cerdedo-Cotobade

Mon, 13 Mar 2023 19:08:53 GMT

Arroupados pola natureza o alumnado do CEIP Carballedo de Cerdedo-Cotobade recibíunos cos brazos abertos dispostos a realizar o programa ·"Emociónate coa Radio" na súa fermosa biblioteca. Alí todas e todos xuntos entrevistamos ao alcalde Jorge Cubela para dar logo a benvida ao deseñador Víctor Rivas. Con él demos entrada a través do fío telefónico ao exitoso escritor Antonio Teijeiro e con eles os dous falamos da escrita, do mundo da ilustración e de como se combinan as diferentes profesións para que nas nosas mans acaben fermosas xoias literarias e de banda deseñada coas que gozar do noso tempo de lecer. Da man dos dous coñecemos o mundo do deseño nos EEUU e como é traballar para diferentes públicos. A escritora Malores Villanueva uníuse á conversa e tamén nos amosou a súa ollada do mundo das verbas e dos libros, da importancia da formación, dos rincóns fermosos de Cerdedo-Cotobade ... Coas titoras e coa dirección do centro educativo despedimos este programa dando paso ás voces das familias e as súas lembranzas de como chegou a radio aos seus fogares.

Hosted on Acast. See acast.com/privacy for more information.

Emociónate CEP Pedro Caselles Beltrán - Tomiño

Sun, 08 Jan 2023 21:54:19 GMT

Este foi un programa cheo de bonitas sorpresas. A alcaldesa de Tomiño, Sandra González, non quixo perder a oportunidade de desfrutar da radio e fíxenos confidencias sobre a súa etapa de estudante tanto na EXB como na Universidade. Eder González, do grupo América, puxo ritmo ás ondas e tocou algúns dos seus temas favoritos e non faltaron as palmas para acompañar. O exalumno Esteban Gómez Español formou parte do equipo e formulou algunhas das preguntas das entrevistas, entre elas, a do deportista e exalumno Manuel Ochoa que ven de acadar a medalla de prata na Copa do Mundo de Slálom Extremo. Adestramento, disciplina e tenacidade son algunhas das claves deste super deportista ao que non lle da medo enfrontarse a calquera proba deportiva. Tamén estivo con nós Gabriel, colaborador de Emociónate coa Radio e propietario da exposición de radios antigas que nos acompañou por todos os centros educativos. Con él descubrimos ese fermoso mundo da radio. A profe de educación física presentounos a Patrulla Verde e xunto ao director despedimos o programa dende un centro no que saben moito de integración e no que traballan a diario para que as persoas con necesidades específicas sexan máis autónomas e mesmo entendidas. Na entrevista explicáronnos como cada semana o alumnado NEAE sae xunto ao seu profesorado a facer a compra ou tomar un almorzo e facer recados precisos para o día a día dunha persoa. Escoiten e terán un día moito mellor!!!

Hosted on Acast. See acast.com/privacy for more information.

Emociónate CEIP da Ribeira Torneiros - O Porriño

Sun, 08 Jan 2023 21:52:35 GMT

O alumnado do CEIP da Ribeira en Torneiros, vivíu o retorno de dous exalumnos moi especiais, o alcalde Alejandro Lorenzo, que se achegou ao centro para ser entrevistado no noso programa e lembrar o seu paso por este colexio. A deportista e xogadora da selección galega e española de balonmán, Verónica Acuña, tamén nos acompañou para contarnos como o balonmán apareceu na súa vida. Foi neste centro onde ela e moitas nenas e nenos tomaron contacto con este deporte da man de Fernando Godoy e Rubén Fernández, adestradores daquela do Club Balonmán Porriño. Hoxe siguen formando parte desta fermosa familia do Club Balonmán pero noutras facetas. Fernando Godoy que lidera unha importante empresa familiar do mundo do granito é patrocinador do Club pero tamén un empresario que leva o nome do Porriño a obras, rúas, edificios, certames e feiras emblemáticas de todo o mundo. Con todos eles falamos do deporte, da actualidade e potencial do Porriño e da infancia. Tamén de como se escoitaba nos 80 a radio. A xornalista e locutora de Radio Vigo, María Díaz, fixo unha parada no seu micro para achegarse aos nosos a través do fío telefónico e ser entrevistada polo alumnado do CEIP da Ribeira de Torneiros. Grazas a todos e todas as que fixestes posible este programa!!! Premede play e desfrutade destas persoas tan entrañables e cheas de boas intencións!!!

Hosted on Acast. See acast.com/privacy for more information.

Emociónate CEIP plurilingüe de Quintela - Redondela

Sun, 08 Jan 2023 21:51:09 GMT

No CEIP Plurilingüe de Quintela, en Redondela, tiñan todo previsto para a nosa chegada. Unha das mestras é unha experta xornalista que sabía todo o que iamos precisar. Así comezamos o programa entrevistando á alcaldesa Digna Rivas e ao Director Xeral de Faro de Vigo, Rogelio Garrido, e con eles rescatamos as lembranzas da radio nos fogares. Rogelio Garrido falounos da evolución dos medios de comunicación e de como a era dixital mudou a profesión. Como estabamos a falar de xornalismo non quixemos deixar escapar a oportunidade de entrevista ao xornalista e locutor Justo Péon, que durante corenta anos dirixíu o Hoy por Hoy Pontevedra. Se queredes coñecer os seus próximos proxectos non deixedes de escoitar este programa no que nos volveu acompañar Sara Vilas da editorial Galaxia. O mestre Tatán de Tanxarina e artífice do marabilloso Festival Internacional de Títeres de Redondela abríunos as portas ao mundo da ilusión e coñecemos ese marabilloso mundo dos títeres e da creatividade pero tamén do esforzo. Con él e coa dirección do centro educativo despedimos un programa no que non faltou o bo humor. Se levas un artista dentro e che gusta o xornalismo, non deixes de escoitar este programa!!!

Hosted on Acast. See acast.com/privacy for more information.

Emociónate IES RIBEIRA DO LOURO O Porriño

Sun, 08 Jan 2023 21:43:26 GMT

Hoxe fixemos un "Emociónate coa Radio" con locutores e locutoras de luxo. O alumnado voluntario de radio do IES Ribeira do Louro protagonizou este entretido programa no que entrevistamos ao alcalde Alejandro Lorenzo e ao xerente do Clúster de Galicia que nos descubríu ata onde pode chegar o granito do Porriño e a súa potencialidade. Tamén entrevistamos ao gañador do Premio de Textos teatrais Roberto Vidal Bolaño, José Luis Baños, co que coñecemos un pouco máis a fondo o proceso da escrita. A valente Xoana O Campo puxo o momento máis melodioso cantando en directo para todas e todos nós e coa súa doce voz falounos de compromiso e das súas letras reinvindicativas que anceian un mundo máis xusto e igualitario. Co profesorado falamos das opcións educativas que ofrece este centro e co seu profesor do taller de radio rescatamos lembranzas de como chegou a radio aos seus fogares. Parabéns mozas e mozos do IES Ribeira do Louro polo voso traballo!!! Foi xenial traballar con vós. Escoitennos e comprobarano!!!

Hosted on Acast. See acast.com/privacy for more information.

Emociónate Pintor Antonio Fernández de Tomiño

Sun, 08 Jan 2023 21:41:46 GMT

A integración como norma dunha sociedade, como necesidade vital e como regra xeral para andar polo mundo foi o eixo sobre o que virou este programa realizado co alumnado e profesorado do CEIP Pintor Antonio Fernández de Tomiño. Eles e elas decidiron que era unha cuestión tan importante que debíamos xuntos e xuntar reflexionar e afondar nela. Por este motivo, falamos desta cuestión coa alcaldesa Sandra González pero tamén con Rafa, responsable de AVELAíÑA SAÚDE MENTAL e con Feliciano da asociación San Xerome . A nosa saúde mental é moi importante, tanto ou máis ca saúde física. Unha boa educación tamén pode axudar a unha mellor saúde mental, a actitude solidaria, comprensiva e empática dunha sociedade tamén pode contribuír en grande medida a unha boa saúde mental. Visibilizala, normalizala e non sentirse complexo por cuestións de saúde mental é algo no que estas asociacións e o alumnado do CEIP Pintor Antonio Fernández de Tomiño xa traballan. Con nós tamén estivo o xefe territorial de Educación, César Pérez Ares, para adiantarnos os grandes retos e proxectos que afronta o Ensino e tamén para compartir con todas e todos nós as súas lembranzas dos primeiros anos como mestre. Preme play e queda con nós!

Hosted on Acast. See acast.com/privacy for more information.

Emociónate CEIP Sobrada de Tomiño

Sun, 08 Jan 2023 21:40:04 GMT

Música de acordeón e gaita protagonizaron o intenso programa realizado no CEIP Sobrada de Tomiño. Queren emocionarse? Pois non dubiden en escoitar este programa no que o alumnado entrevista á alcaldesa, Sandra González; á veciña e eterna colaboradora Fina; ao presidente da ANPA; á profe Carmela responsable da actividade; aos músicos Mario e Suso e ao xornalista e locutor de Radio Municipal de Tui, Jose Font. Todos e todas eles e elas fan un equipo humano que coopera no día a día para que o centro educativo sexa unha pequena sociedade colaborativa. E fano ben, porque así o sentimos nós ao longo deste programa. Tamén tivemos con nós á Comunidade Veciñais en Man Común de Sobrada que quixo ofrecernos o fermoso auditorio da súa casa para realizar este programa. Grazas a todas e a todos por darnos esta importante lección de traballo en equipo!!!

Hosted on Acast. See acast.com/privacy for more information.

Emociónate CEIP Cabada Vázquez de A Estrada

Sun, 08 Jan 2023 21:38:01 GMT

A Directora Xeral de Innovación e Ordenación Educativa, Judith Fernández, foi a primeira entrevistada do programa realizado co alumnado do CEIP Cabada Vázquez de A Estrada. Con ela descubrimos a súa faceta profesional pero tamén algunhas pinceladas da súa traxectoria de estudante. O xornalista Lois Docampo e a xornalista Lorena Cochón cambiaron de rol para pasar a ser os entrevistados/das e responder a cada unha das cuestións formuladas polo alumnado e así descubrimos se de cativos soñaban con ser xornalistas ou como é o día a día dun profesional que afronta a responsabilidade de cubrir unha comarca. Con eles os dous exploramos a súa profesión. Andrea Porto da Banda da Loba deixou por uns intres a súa aula onde é profesora para achegarse ao CEIP Cabada Vázquez e relatarnos os seus mellores momentos como estudante e como se formou a Banda da Loba, que hoxe xa ten a axenda chea de concertos. O alumnado e o profesorado quixeron adicarlle a súa aula de música e colocaron un fermoso cartel co seu nome na porta, Andrea Porto!. Neste programa tan cheo de ilusión e bos sentimentos non faltou a música, da boa por certo. O alumnado da man da súa mestra de música interpretou varias pezas de percusión e música de vento e todas e todos bailamos ao ritmo dos seus sons. ¿Sona ben verdade? Pois queden con nós.

Hosted on Acast. See acast.com/privacy for more information.

Emociónate CEIP Amor Ruibal de Barro

Sun, 08 Jan 2023 21:37:44 GMT

Non vos podedes imaxinar o fermoso que foi este programa de "Emociónate coa Radio". O noso equipo de radio vivíu un reto que, finalmente, foi moi doado de superar. Imaxínanse a uns e unhas pequenas locutoras de educación infantil? Pois, preman o "play" e escoiten como sendo tan pequeniños podemos falar de asuntos de moita interese para os adultos. Comezamos o programa entrevistando ao alcalde Xosé Manoel Fernández Abraldes. A continuación falamos coa responsable da Oficiña de Información Xuvenil (OMIX) que tanto acompaña a mocidade con información útil sobre becas, traballos, formación, tempo de lecer... Pedro Torres Diz, director da Banda de Música Xuvenil de Barro, tamén nos acompañour e descubrimos o importante que é a música na educación dun cativo e para nutrir o noso cerebro de moitas cousas boas para o noso futuro. José María Tobío, xerente do GDR Pontevedra- Morrazo, estivo con nós ao outro lado do fío telefónico contándonos cal é o traballo dun Grupo de Desenvolvemento Rural e que novos proxectos afrontan os concellos para facerse máis fortes, máis competitivos e máis atractivos. A dirección do centro educativo despedíu un programa no que escoitamos a música dalgúns alumnos do centro educativo que son tamén alumnos da escola da Banda Xuvenil de Barro. Acompáñennos!!!

Hosted on Acast. See acast.com/privacy for more information.

Emociónate CEIP Manuel Villar Paramá de A Estrada

Sun, 08 Jan 2023 21:37:25 GMT

O alcalde Jose López Campos achegounos as súas lembranzas da infancia e o seu paso pola escola pero tamén respondeu ás preguntas do alumnado do CEIP Manuel Villar Paramá de A Estrada sobre o presente e o futuro da súa vila. O locutor e monologuista Pablo García “Chichas” e o seu programa radiofónico "Salta da Cama" desveláronnos os segredos para ter sempre unha ollada cómica da vida. Con eles falamos de A Estrada. Sara Vila de editorial Xerais rescatou da memoria os mellores momentos da editorial e dos eus corenta anos de traxectoria. Os retos educativos e a innovación foron un dos temas que abordamos da man das profesoras responsables desta actividade no centro educativo. O alumnado dos últimos cursos amosouse profesional e implicado e dende o noso programa queremos convidalos a escoitalos porque paga a pena!!!

Hosted on Acast. See acast.com/privacy for more information.

Emociónate CPI Arquitecto Palacios de Nigrán

Sun, 08 Jan 2023 21:37:10 GMT

Todo o alumnado do CPI Arquitecto Palacios de Nigrán participou no noso programa "Emociónate coa Radio", dende as e os máis cativas e cativos ao alumnado de último curso. Uns no seu papel de atento espectador e outros e outras como locutores. Metidos no seu papel seguiron cada unha das entrevistas. O Delegado do Estado no Consorcio da Zona Franca de Vigo, David Regades Fernández, abríu o programa respondendo a cada unha das preguntas e amosándonos o seu lado máis familiar. Tamén nos adiantou os proxectos futuros da Zona Franca e os seus plans de expansión. O exalumno Hugo Pereira Chamorro, politólogo e xornalista, lembrou o seu paso pola escola e transmitíunos unha inxección de enerxía e vitalidade trasladando tamén o seu profundo agradecemento ao profesorado do centro co que foi medrando e que lle deu ás para voar tan alto. Pedro Rodríguez Villar de Teatro Do Ar, xornalista, guionista, director de teatro, creador de emocións, escritor… Ilusión en estado puro, participou dende o fío telefónico e, coas súas verbas, deu exemplo da importancia de crer nos soños e traballar para conseguilos. Unha vez máis tivemos a sorte de acompañar a actualidade con ducias de emocións e a compañar dun equipo directivo e dun profesorado cómplice e cheo de vitalidade. GRAZAS CPI ARQUITECTO PALACIOS!!!!

Hosted on Acast. See acast.com/privacy for more information.

Emociónate CEIP Atios - Porriño

Sun, 08 Jan 2023 21:36:54 GMT

Antes de chegar o Nadal tivemos a sorte de vivir a maxia no noso programa. No CEIP de Atios en Porriño acompañounos o alcalde, Alejandro Lorenzo e tamén un anxo, o escritor Anxo Iglesias, Premio Merlin de Literatura Infantil 2022, respondeu rápido e con ilusión á nosa proposta e alí estivo, con nós ao longo de todo o programa facendo maxia coas palabras e os sons, rapeando unha poesía e ofrecendo o mellor dos agasallos, o da cultura. Como estabamos a falar de palabras, tamén nos acompañou Albino Alonso responsable da biblioteca pública municipal e con él fixemos un longo percorrido polos moitos premios que ten recibido a súa biblioteca e por todos os servizos que ofrece adaptándose ás novas necesidades das e dos usuarios. Enma e Jose Luis tiveron un oco para estar tamén no CEIP de Atios e no noso programa. Ela, ex alumna e mellor expediente de enfermería no 2022; él, ex director que ao longo de máis de 17 anos guiou o rumbo deste fermoso centro educativo. A dirección do centro e as titoras despediron con nós este programa tan cheo de emocións e do que nunca nos esqueceremos.

Hosted on Acast. See acast.com/privacy for more information.

Emociónate CEP Xesus Ferro Couselo de Valga

Wed, 14 Dec 2022 17:00:00 GMT

Grazas ao alumnado e ao equipo de dirección do CEP Xesús Ferro Couselo. Foi un inmenso pracer facer radio con todas elas e eles, xornalistas aplicados que prepararon unha boa batería de preguntas para entrevistar ao seu alcalde, a un dos exalumnos máis salientables, Samuel Rial Maneiro; ao seu locutor da radio local, Daniel Seijas e á piragüista Nerea Novo. Se queren contaxiarse de toda esta ledicia queden con nós e preman no PLAY!!!

Hosted on Acast. See acast.com/privacy for more information.

Emociónate CEIP As Solanas de A Guarda

Tue, 13 Dec 2022 20:03:23 GMT

O alcalde da Guarda, Antonio Lomba, abríu o programa realizado polo alumnado do CEIP AS SOLANAS para logo dar paso á entrevista ao profesor e historiador local Miguel Villa. Neste programa coñeceremos os segredos mellor gardados da historia da Guarda, as claves para o éxito no sector Turismo e achegarémonos á profesión das redeiras da man de Carmen. A Guarda foi un dos escenarios dunha serie que Porto Cabo graba para unha canle internacional. Por momentos as vilas e prazas da Guarda convertérsonse en sets, en localizacións de película … En pouco máis de 10 anos, Portocabo posicionouse como unha produtora de referencia nos principais mercados europeos, establecendo unha rede de alianzas para producir ficción para o mercado global e abrindo España á coprodución internacional de ficción televisiva. Liderando a compañía, Alfonso Blanco é hoxe un dos produtores executivos e showrunners máis importantes, recoñecido como un dos 50 líderes máis influentes do audiovisual iberoamericano pola prensa especializada e o primeiro galego membro da Academia Emmy Internacional Awards. Alfonso Blanco cóntanos como é o actual mundo do sector audiovisual neste entretido programa!!!

Hosted on Acast. See acast.com/privacy for more information.

Emociónate CEIP Xunqueira 2 Pontevedra

Mon, 12 Dec 2022 21:25:53 GMT

O alumnado do CEIP XUNQUEIRA 2 de Pontevedra púxose na pel dun locutor e entrevistou ao alcalde Miguel Anxo Lores e ao director do Diario de Pontevedra, Miguel Ángel Rodríguez. Tamén falaron da profesión de xornalista con Natalia Puga de Pontevedra Viva e entrevistaron a Lupe Murillo presidenta do F. C Pontevedra e directora dunha conserveira. Con todas elas e eles coñecemos a actualidade da cidade e descubrimos as súas lembranzas da infancia.

Hosted on Acast. See acast.com/privacy for more information.

Emociónate CEIP Mosteiro Bembrive

Mon, 12 Dec 2022 21:23:07 GMT

O alcalde de Vigo, Abel Caballero e o alcalde pedáneo de Bembrive protagonizaron as primeiras entrevistas do noso programa. O alumnado e profesorado do CEIP Mosteiro de Bembrive estivo á altura dos mellores magazines radiofónicos e realizou un programa divertido e emocionante. Abel Caballero desvelounos o segredo de como chegar a todo e fíxonos un par de recomendacións e confidencias que poderás escoitar ao longo do programa. Tamén falamos da escola de familias do centro e Adrián, bombeiro responsable do departamento de seguridade do equipo de bombeiros de Vigo compartíu con nós os momentos máis fermosos e tamén os máis duros da súa profesión. Queres divertirte? Dalle ao play!!!

Hosted on Acast. See acast.com/privacy for more information.

Emociónate CEIP A Lomba de Vilagarcía

Mon, 12 Dec 2022 21:12:49 GMT

O profesorado e o alumnado do CEIP A Lomba de Vilagarcía recibíronnos cos brazos abertos e despois de ter realizado un bo traballo sobre o guión do programa. Con todas elas e eles recibimos á concelleira de urbanismo Paola Maria Móchales e ao concelleiro de Ensino, Miro Serén e xuntos explicáronnos o moito que lles gusta traballar coa infancia e coa mocidade no deseño dunha vila máis segura e na que todas as persoas poidan ser máis autónomas. O exitoso ciclista Gustavo César Veloso falounos da súa traxectoria e de como escoitaba a radio e Jesús Nogueira, músico e director da Banda de Música de Vilagarcía, trasladounos ao mundo da música e adentrounos nos beneficios da mesma durante a infancia e ao longo das nosas vidas. A actriz e cantante Alba Nogueira achegounos unha perspectiva artística e da man da dirección do centro e do chef Rubén García despedimos o programana tomando boa nota de como acadaremos o éxito cos paladares infantís. Queda con nós!!!

Hosted on Acast. See acast.com/privacy for more information.

Emociónate Ceip Atín Cela Mos

Mon, 05 Dec 2022 17:02:49 GMT

As artistas mosenses Girls Gangs visitaron o noso programa e protagonizaron unha entrevista chea de vitalidade e ilusión. A alcaldesa Nidia Arévalo non quixo perderese o noso programa e foinos conducindo pola actualidade do seu concello ao tempo que o alumnado entrevistaba a presidente de AFAGA ( A Asociación de Familiares de enfermos de Alzheimer e outras demencias de Galicia) e ¿sabedes por que o entrevistamos? Pois porque o CEIP Atín de Mos realiza unha actividade conxunta cos usuarios e usuarias de AFAGA e así o alumnado cartéase e comparte amizade con eles e elas. Unha actividade que ten moito éxito e que desperta moito interese entre os nenos e as nenas.

Xulio Simón, investigador, profesor, autor da Xulipedia. Licenciado en Filoloxía pola Universidade de Barcelona, a partir da década dos 80 do século pasado creou unha cronoloxía da literatura galega –xunto coa portuguesa,catalá, española e a universal– que abrangue de 1850 a 2004 e que se publica dende 2007 como unha wiki co nome de Xulipedia. Curioso, ¿non?

O músico Xulio Lorenzo puxo un broche de luxo ao programa e tocounos algunha peza logo de responder a algunhas das nosas preguntas. Agardámolo!

Hosted on Acast. See acast.com/privacy for more information.

Emociónate Cpi Manuel Suárez Marquier O Rosal

Wed, 30 Nov 2022 16:30:24 GMT

Sabedes o que é un cabaqueiro? A alcaldesa do Rosal e Pepe Buraco fálanos na lingua dos antigos telleiros e da riqueza cultural e económica que supuxo esta profesión nesta terra tan rica. A Coral da Agrupación Musical do Rosal celebrou o seu 18 aniversario cun concerto de outono no auditorio municipal e con nós estivo a directora da coral para compartirnos os segredos de tantos anos de traxectoria e os beneficios do canto para as persoas.

O mundo do viño e os adegueiros locais tamén nos acompañaron para informarnos de que o viño do Rosal conquista ao mundo enteiro e sigue estando de moda nos mercados internacionais.

As profes e o alumnado do colexio Suárez Marquier do Rosal son auténticos/as profesionais da radio e todo o centro educativo dende os máis cativos aos maiores participaron no programa locutando e como público. Foi un auténtico pracer compartir con eles e elas este divertido e interesante programa cheo de recordos que fan de memoria histórica e que recrean os tempos nos que os nenos e as nenas levagan outro tipo de vida.

Hosted on Acast. See acast.com/privacy for more information.

Emociónate Cep de Riomaior Vilaboa

Thu, 24 Nov 2022 16:30:02 GMT

Queres vivir un dos momentos máis emotivos da radio? Pois escoita este programa no que a emoción invade cada segundo. O alcalde deu a benvida a un programa no que nos saltaron as bágoas coa emotiva e ilusionante entrevista que o alumnado lle fixo a Carlos Núñez. ¿Quen sabe se grazas a este momento radiofónico descubriríamos a un grande músico? Xa nos contaredes.

Nesta terra de músicos afamados e exitosos non tivemos outra opción que deixarnos levar por tan fermosa xente e seguir dando conta da actualidade da man da música e de Sheila Patricia gañadora do premio Martín Códax. En tempos onde a folktronica chegou a un público masivo, hai que sinalar a Sheila Patricia como unha pioneira deste xénero. O seu canto tradicional demostra a riqueza do son galego que mestura con diversas formas de música electrónica, desde sofisticadas bases minimalistas ata explosións polirítmicas ultramodernas de son.

A música de Sheila Patricia está influenciada polas innumerables viaxes por América Latina durante a súa infancia que a levaron a ter un corazón cheo de melodías e ritmos das máis diversas orixes. Desenvolveu unha perspectiva única que toma elementos do fado, o jazz ou a música folk arxentina. O seu proxecto é unha investigación continua das diferentes linguas do folk.

Daniel Figueira, director da banda de música de Vilaboa e profesor tamén do conservatorio de Cambados amosounos por que é tan importante a música e a educación musical para as persoas.

Iris, Alba, Antón, Diego e Eva son alumnos do CEIP Rio Maior pero tamén gañadores de moitos campionatos e torneos e non daría o programa para enumeralos. No programa saberemos que é o que os move para chegar ao máis alto dos podios.

Hosted on Acast. See acast.com/privacy for more information.

Emociónate Ceip Coutada Beade - Vigo

Wed, 23 Nov 2022 16:30:40 GMT

Saben que dende o CEIP Coutada de Beade descubrimos os segredos do xornalismo e o fulminante cambio que levou a profesión? O afamado xornalista Fernando Franco tivo un oco para darnos a súa visión do xornalismo, da radio e de como mudaron os tempos, a tecnoloxía, as ferramentas e os formatos nos que traballan na actualidade os profesionais da comunicación. Tivemos a sorte de recibir o agasallo da súa experiencia e sabedoría da súa traxectoria a través dunha entrañable entrevista.

O xornalista e escritor Manrique Fernández non quixo perder a ocasión de falar da radio e dos novos tempos e aproveitou para interpretar xunto ao alumnado do CEIP COUTADA de Beade unha escea da súa obra "Hermes, aprendiz de mago".

Teresa Barberana da Asociación Galega Audiovisual Inclusiva (AGAIN) organizadora da VII edición do Festival de Cinema Inclusivo tamén nos acompañou e nos falou das obras gañadoras e de todos os e as cineastas e creadores que pasaron por esta edición.

Por último, Helena Ocampo, membro da directiva de ALBORADA pero tamén directora do documental Alborada falou da emoción e do que significa recibir un dos premios do Festival de Cinema Inclusivo. No 1982, un grupo de cidadás/áns preocupadas/os pola irrupción do consumo de drogas, que afectaba especialmente á xente máis nova, viu a necesidade de crear esta asociación e agora o documental dirixido por Javier Álvarez e Helena Ocampo gaña este premio que dá unha visión intimista do traballo e as problemáticas que se atopan na asociación a través de declaracións exclusivas de traballadores e internos. Na proxección participaron os directores da película e Jesús Cancelo, director da Asociación Alborada.

Hosted on Acast. See acast.com/privacy for more information.

Emociónate CPI A Cañiza secundaria

Mon, 21 Nov 2022 16:30:19 GMT

O alumnado voluntario da radio escolar do CPI da Cañiza recibíunos no seu centro educativo acompañado do seu profesorado e do equipo directivo. Xuntos fixemos un programa de radio no que houbo moitas sorpresas e no que descubrimos que o nome da Cañiza está en todo o mundo e non só polas súas riquezas gastronómicas, tamén porque ser un lugar único no mundo donde se estuda a posible caída dun meteorito. Si, escoitan vostedes ven, un meteorito!!!. O profesor Evaristo Alfaya explícanos como traballa, dende hai anos, con centros de investigación de todo o mundo para evidenciar que no Montouto hai probas e indicios da súa hipótese.

A creadorar Andreia Costas achegaranos ao mundo da poesía, do relato e das creación audiovisuais, tamén ao mundo da muller e con ela conversaremos arredor de identidade de xénero.

Loucost son Rives (Álex) e Darío DK (Darío) representan ao mundo do rap na Cañiza e con eles tamén conversamos. A que agardan para darlle a play????

Hosted on Acast. See acast.com/privacy for more information.

Emociónate Ceip Mestre Martínez Alonso de Mos

Thu, 17 Nov 2022 19:59:01 GMT

No CEIP Mestre Martínez Alonso de Mos vivimos momentos entrañables da man do seu conserxe que se vai xubilar. O alumnado entrevistou ao gaiteiro e compositor Xulio Lorenzo que nos tocou varias pezas e así recibimos á atleta mosense Soledad Castro. Con elas aprendemos como superar os grandes retos e brindounos importantes leccións de vida. O arqueólogo Mario Fernández falounos dende Londres sobre o castro de Petelos e os seus estudos na capital británica. Despedimos o programa da man dunha familia excepcional, a de Ialma e Antonio Barrios que xunto aos seus pequenos protagonizaron unha fermosa entrevista.

Hosted on Acast. See acast.com/privacy for more information.

Emociónate Ceip Seara de Moaña

Thu, 17 Nov 2022 19:55:14 GMT

A alcaldesa Leticia Santos foi a encargada de dar comezo a rolda de entrevistas que nos levaron a coñecer un pouquiño da actualidade do Concello de Moaña. Rubén García, presidente da Comunidade de Montes Veciñais en Man Común de Domaio, tamén nos falou da xestión do monte e da importancia que ten para a sociedade. O gaiteiro Xosé Manuel Budiño fixo un oco na súa axenda para estar con nós a través do fío telefónico e protagonizar unha entrevista fermosa na que nos falou dos seus comezos e da súa xira. Como sempre o equipo directivo e as voces das familias falando da súa relación coa radio pecharon o noso programa.

Hosted on Acast. See acast.com/privacy for more information.

Emociónate CEIP Escultor Acuña de Coia - Vigo

Wed, 16 Nov 2022 17:36:53 GMT

Soñástedes algún día con vivir nun paraíso? Pois entón tedes que vos achegar ao CEIP Escultor Acuña de Coia, Vigo. Alí vivimos un dos programas máis especiais, arrodeados dunha comunidade educativa marabillosa, curiosa, participativa, innovadora e con gañas de cambiar o mundo. Impulsados polo seu ilusionador equipo directivo o alumnado entrevistou á delegada da Xunta de Galicia en Vigo, Marta Fernández Tapias; ao director Xerente da Cooperativa de Armadores de Pesca de Vigo, Edelmiro Ulloa Alonso; á escritora Raquel Castro e á empresa de formación, Formavigo. Todas xuntas e xuntos coñecemos un pouco dos potenciais de Vigo, falamos de cultura e de formación para nos despedir da man do equipo de dirección e dicir adeus co corazón en lingua de signos.

Hosted on Acast. See acast.com/privacy for more information.

Emociónate CPI da Cañiza primaria

Tue, 15 Nov 2022 19:51:06 GMT

O alcalde Luis Piña, a emprendedora Laura Santiso, o enxeñeiro agrónomo e emprendedor Jose Rodríguez Espiñeira e a dramaturga Marta Pérez foron os perfectos convidados no CPI da Cañiza donde responderon as preguntas do alumnado de sexto de educación primaria. Xuntos e xuntas falamos da actualidade local, das súas traxectorias, de cultura, de teatro e da importancia de crer nos soños e apostar por eles.

Hosted on Acast. See acast.com/privacy for more information.

Emociónate Mestre Valverde Mayo de Mos

Tue, 15 Nov 2022 19:48:07 GMT

A concelleira de Ensino Julia Loureiro e a profesora Montse do CEIP Mestre Valverde Mayo foron as encargadas de abrir este novo programa de Emociónate coa Radio. Con elas e cos nosos excelentes locutores e locutoras sexto de eduación primaria entrevistamos ao historiador local Javier Baquero que nos achegou algunhas pinceladas da fermosa historia de Mos. Tamén nos quixo acompañar o ciclista mosense Óscar Pereiro que nos falou de retos, da súa faceta de comentarista de televisión e tivo tempo para compartir con nós as súas ganas de volver a Mos. A directora do centro despedíu con nós este programa para dar paso á voz das familias e aos seus recordos de radio.

Hosted on Acast. See acast.com/privacy for more information.

Emociónate Ceip Otero Pedrayo de Vigo

Sun, 13 Nov 2022 18:09:47 GMT

Neste programa o alumnado tivo a oportunidade de entrevistar ao Presidente da Autoridade Portuaria de Vigo, Jesús Vázquez Almuiña, que nos abríu as portas do Porto de Vigo adiantándonos proxectos futuros e rescatando das súas lembranzas de infancia anécdotas e anceios. O propio presidente da Autoridade Portuaria deu a benvida á xornalista Lara Graña e ao locutor de radio Jacobo Buceta que falaron dos seus tempos de cativos na escola, do que querían ser e do que acabaron sendo. Non se perdan este fermoso e entrañable programa cheo de sorrisos!!!

Hosted on Acast. See acast.com/privacy for more information.

Emociónate Ceip da Laxe de Marín

Sun, 13 Nov 2022 18:05:49 GMT

A alcaldesa de Marín, María Pilar Ramallo Vázquez, foi a primeira entrevistada no programa. A alcaldesa estivo acompañada da concelleira de Ensino, Marián Sanmartín García e con elas demos paso ao historiador, mestre e xornalista Julio Santos que nos achegou relatos entrañables do seu paso como mestre nas illas Cíes e tamén os seus primeiros tempos como locutor de radio. Cos profesores David e Nuria demos paso á actualidade de Radio Laxeira e, como non podía ser doutro xeito, comezamos e rematamos o programa escoitando as voces das familias.

Hosted on Acast. See acast.com/privacy for more information.

Emociónate Ceip Pazo da Merced de As Neves

Sun, 13 Nov 2022 18:04:36 GMT

Neste programa estivo o alcalde de As Neves, Xosé Manuel Rodríguez Méndez, a concelleira de Ensino, Pilar González Casas, a xornalista e escritora, María Xosé Porteiro, o director da adega Señorío de Rubios e do Hotel Nande, Jose Antonio Méndez, entre outras persoas.

Hosted on Acast. See acast.com/privacy for more information.

Emociónate Ceip O Hio de Cangas

Sun, 13 Nov 2022 17:27:24 GMT

O segundo episodio de Emociónate coa radio foi grabado no CEIP DO HIO de Cangas do Morrazo, donde nos axudou un equipo de nenos e nenas e mestres de este centro público modélico, onde existe unha gran vocación en todo o equipo directivo. Foi un dos centros donde máis doado resultou gravar o programa. Estivo a alcaldesa de Cangas e concelleira de Ensino, Victoria Portas; Morucha, unha traballadora do sector do Mar nunha conserveira, o director do FIC Bueu, Manu Pena, a emprendedora, Sandra Bastón, o investigador local amigo do colexio José Manuel González Martínez, e o profesor e investigador Anxo Coya

Hosted on Acast. See acast.com/privacy for more information.

Emociónate CEIP Pena de Francia de Mos

Sun, 13 Nov 2022 13:32:08 GMT

Primeiro programa de Emociónate coa radio, gravado no CEIP PENA DE FRANCIA de Mos coa magnífica axuda do seu alumnado, profes e equipo directivo do Centro. Como convidados e convidadas estiveron Román Rodríguez, CONSELLEIRO DE CULTURA, EDUCACIÓN, FORMACIÓN PROFESIONAL E UNIVERSIDADES DA XUNTA DE GALICIA, Nidia Arévalo, ALCALDESA DE MOS, Francisco Domínguez, xerente da ASOCIACIÓN DE EMPRESARIOS DE MOS, Noelia Sías, mellor florista de España, Verónica Romero, Alpinista, Xulio Lorenzo, autor de la música del himno de Mos, e Antonio Barros e Ialma, que fixeron a letra.

Hosted on Acast. See acast.com/privacy for more information.