Hvað ertu að lesa?

Sokkalabbarnir og heimsókn í Seljaskóla

Tue, 24 Mar 2026 12:37:41 GMT

Þáttur dagsins er stútfullur af snillingum!

Fyrst segir bókaormurinn Allan Magnús frá Sokkalöbbunum. Svo heimsækjum við Seljaskóla. Þar heyrum við í bókasafnsfræðingnum Dröfn segja frá dularfullri rannsókn á öskudaginn og lestrarátaki fyrir páskana. Að lokum keppa sex bókaormar úr skólanum í spurningaleikjum um barnabækur.

Hosted on Acast. See acast.com/privacy for more information.

Risaland, furðulegur fjársjóður og að teygja sig í klósettpappírinn

Mon, 09 Mar 2026 12:55:48 GMT

Hverjir eru þessir risar? Hvað er Risaland? Af hverju eru hlutir svona hátt uppi eða langt í burtu?

Birna Daníelsdóttir segir frá bókinni Ég bý í Risalandi sem byrjaði sem lokaverkefni í Myndlistarskólanum. Hún lærði líffræði en tók u-beygju og starfar sem listakona í dag.

Bókaormurinn Gabríela Rós rýnir í bókina, boðskapinn og rúllar upp Tímaröðinni.

Hosted on Acast. See acast.com/privacy for more information.

Kötturinn og ég: myndasaga um hugarheim katta og samband þeirra við eiganda sinn

Tue, 03 Mar 2026 12:20:47 GMT

Hvað gerist þegar stelpa kemur með kött heim til sín? Geta manneskja og köttur orðið bestu vinir? Hvernig á að kveðja besta vin sinn?

Brynhildur Jenný segir frá myndasögunni Kötturinn og ég. Hún uppljóstrar hvernig hún skipalagði söguna,. hvað henni fannst erfiðast að teikna og hvaða verkefni eru framundan.

Bókaormurinn Sindri rýnir í söguna og spreytir sig í leiknum Hitt eða þetta þar sem hann velur sitt drauma gæludýr.

Hosted on Acast. See acast.com/privacy for more information.

Flóttinn á norðurhjarann

Tue, 03 Mar 2026 12:14:00 GMT

Hvað eru móðuharðindin? Af hverju þurfti fólk á Íslandi að flýja? Hvernig bregst 12 ára stelpa við í þessum aðstæðum?

Nanna Rögnvaldardóttir segir frá bókinni sinni, Flóttinn á norðurhjarann. Hún lýsir móðuharðindunum, köldum vetrum og erfiðri lífsbaráttu fullorðins fólks og krakka.

Bókaormurinn Hildur Sif segir hvað henni fannst um bókina og hvort hún haldi að hún hefði hagað sér eins og aðalpersónan í þessum aðstæðum en þær eru einmitt jafn gamlar. Í lok þáttar reynir hún að raða atburðum úr sögunni í rétta röð í Tímaröðinni.

Hosted on Acast. See acast.com/privacy for more information.

Velkomin í Voðagerði! Hér er allt að óttast ...

Tue, 03 Mar 2026 12:12:54 GMT

Af hverju heitir bærinn Voðagerði? Hvað er Lilja með inn í sér? Kemur önnur bók um bæinn?

Höfundarnir Hilmar Örn og Blær svara þessum spurningum og fleirum ásamt því að segja frá því hvert þau sóttu innblástur og hvernig samstarfinu var háttað.

Bókaormurinn Aría Valdís greinir bókina og spreytir sig í leiknum Hitt eða þetta þar sem hún endar á að velja voðalegasta hlutinn í bókinni.

Hosted on Acast. See acast.com/privacy for more information.

Sólgos: hvað gerist þegar rafmagnið fer af?

Tue, 03 Mar 2026 12:12:39 GMT

Sólgos er ungmennabók sem segir frá því þegar rafmagnið fer af. Aðalpersóna bókarinnar er unglingsstelpan Unnur sem þarf að takast á við breyttar aðstæður og vona að mamma sín komist heim frá útlöndum einn daginn.

Arndís Þórarinsdóttir segir okkur hvernig hún fékk hugmyndina að bókinni og hvað kom henni á óvart við rannsóknarvinnuna. Bókaormarnir Edda Björk og Bjartur rýna í bókina.

Hosted on Acast. See acast.com/privacy for more information.

Fellihýsageymslan, pissandi eðlur og bréf frá forseta Íslands

Tue, 03 Mar 2026 12:12:30 GMT

Af hverju ákvað Marta Magnúsdóttir að skrifa um fellihýsageymslu? Af hverju koma eðlur við sögu og hvernig gekk henni að skrifa bréf frá Guðna Th. til aðalpersónanna í bókinni?

Í þessum þætti fáum við svör við öllum þessum spurningum og fleirum. Bókaormurinn Friðmey Ósk rýnir í bókinni og spreytir sig í Tímaröðinni.

Hosted on Acast. See acast.com/privacy for more information.

Drottningin af Galapagos og fleira um Freyju og Frikka

Tue, 03 Mar 2026 12:12:14 GMT

Felix Bergsson segir frá ævintýrunum um Freyju og Frikka og þá aðallega bókinni Drottningin af Galapagos, sem kom út á prenti fyrir jól. Auk þess sviptir hann hulunni af næstu bók um tvíburana.

Bókaormurinn Kristín María rýnir í Drottninguna af Galapagos og spreytir sig í leiknum Hver sagði hvað?

Hosted on Acast. See acast.com/privacy for more information.

Brandarabíllinn og fleiri ævintýri í Bjarkarey

Tue, 03 Mar 2026 12:12:03 GMT

Hvað gerist þegar Matti prófar bíl sem keyrir af stað þegar einhver segir brandara? Nær hann að stoppa með því að lesa fréttir um efnahagsmál?

Sváfnir segir okkur frá bókinni sinni, Brandarabíllinn. Hann segir hvernig hugmyndin kviknaði út frá bílnum Chitty Chitty Bang Bang og hvernig honum gekk að myndlýsa bók í fyrsta skipti.

Bókaormurinn Markús segir okkur frá bókinni og spreytir sig í leik sem gengur út á að raða atburðum úr bókinni í tímaröð.

Hosted on Acast. See acast.com/privacy for more information.

Listinn hennar Skjóðu og kettlingar jólakattarins

Tue, 03 Mar 2026 12:11:50 GMT

Fyrsta bókin um Skjóðu segir frá því þegar hún reynir að undirbúa komu jólanna á einni nóttu. Höfundar bókarinnar, Anna Bergljót og Andrea Ösp, segja okkur hvernig bókin varð til og hverju við eigum von á frá Skjóðu á næstunni. Bókaormurinn Högni segir frá bókinni og reynir að raða atburðum í rétta tímaröð.

Hosted on Acast. See acast.com/privacy for more information.

Bækur og bókasafnsviðburðir ársins

Tue, 03 Mar 2026 12:11:18 GMT

Í þessum þætti gerum við upp bókaárið með hjálp Hugrúnar, frá bókasafni Hafnarfjarðar, og bókaormanna Hrannars og Róberts Mána.

Hvaða bækur voru vinsælar á árinu? En viðburðir? Hverju má búast við í bókaútgáfu á næsta ári?

Hosted on Acast. See acast.com/privacy for more information.

Jólapakkið og fleiri jólabókadagatöl

Tue, 03 Mar 2026 12:10:57 GMT

Vissuð þið að það eru ekki bara til dagatöl með súkkulaði? Það eru líka til bókadagatöl!

Í þætti dagsins kynnumst við einu slíku, Jólapakkinu. Höfundarnir Helga og Kristín segja frá sögunni sem skiptist í 24. kafla, einn fyrir hvern dag fram að jólum. Bókaormurinn Katrín Sólveig segir frá bókaflokkunum Handbók fyrir ofurhetjur, Lára og Ljónsi og Þín eigin saga. Auk þess uppljóstrar hún hvaða jólasögu hana langar að lesa og hvað henni finnst mega bæta við Bókatíðindi.

Hosted on Acast. See acast.com/privacy for more information.

Galdrakarl, snúðar og töfraheimurinn Oz

Tue, 03 Mar 2026 12:10:41 GMT

Galdrakarlinn í Oz er sígild saga sem verður sett upp í Borgarleikhúsinu í janúar. Við rýnum í söguna og persónurnar með hjálp leikstjórans Þórunnar Örnu og leikaranna Einars Jósefs og Þórunnar Emblu.

Hosted on Acast. See acast.com/privacy for more information.

Benjamín dúfa: 30 ár frá bíómyndinni

Tue, 03 Mar 2026 12:10:24 GMT

Benjamín dúfa er falleg saga um vináttu og ævintýri í hversdagsleikanum. Friðrik Erlingsson, höfundur bókarinnar, heimsækir okkur í þessum þætti og segir frá bókinni og bíómyndinni upp úr henni. Bókaormurinn Haraldur Orri segir til dæmis frá dagbókum Kidda klaufa og bókaflokknum Bekkurinn minn.

Hosted on Acast. See acast.com/privacy for more information.

Einar Áskell: bækurnar og leikritið

Tue, 03 Mar 2026 12:10:14 GMT

Hver er Einar Áskell? Hvað gerir hann einstakan og af hverju lifa bækurnar um hann enn góðu lífi?

Sigþrúður svarar þessum spurningum en hún er mikill aðdáandi bókanna og vann lengi við barnabókaútgáfu. Við heyrum líka í leikurunum Elísabetu og Vilhjálmi sem leika í leiksýningu um Einar Áskel í Hörpu. Við endum svo þáttinn á að heyra í Krumma bókaormi sem er að lesa ýmislegt skemmtilegt eins og Skólastjórann eftir Ævar Þór og Harry Potter bókaflokkinn.

Hosted on Acast. See acast.com/privacy for more information.

Manga bækur og Anime teiknimyndir

Tue, 03 Mar 2026 12:10:02 GMT

Hvað eru manga bækur? Hvaðan koma þær? Hvernig teiknum við manga persónu?

Guðbrandur svarar öllum þessum spurningum og fleirum. Bókaormar þáttarins eru Leó og Kaj sem eru í Anime klúbbi Borgarbókasafnsins og segja frá manga bókum eins og One Piece og Dragonball.

Hosted on Acast. See acast.com/privacy for more information.

Bold fjölskyldan og barnabókmenntahátíðin Mýrin

Tue, 03 Mar 2026 12:09:48 GMT

Gunnar Theodór segir frá Mýrinni sem er alþjóðleg barnabókmenntahátíð haldin hérlendis. Við heyrum í bresku höfundunum Julian Clary og David Roberts sem eru á landinu vegna Mýrarinnar. Þeir gera bækurnar um Bold fjölskylduna og ætla að segja okkur frá sköpunarferlinu. Bókaormurinn Liljar Páll segir okkur frá bókum eins og Dularfulla hjólahvarfið, Afmælisráðgátan, Harry Potter og Hundmann. Auk þess fjallar hann um höfundana Sigrúnu Eldjárn og Bergrúnu Írisi.

Hosted on Acast. See acast.com/privacy for more information.

Nornir, valkyrjur og hrekkjavakan

Tue, 03 Mar 2026 12:09:24 GMT

Gleðilega hrekkjavöku! Rit- og myndhöfundurinn Kristín Ragna segir okkur frá bókunum sínum um nornir og valkyrjur. Bókaormurinn Viktoría Dís segir frá sínum uppáhalds bókum.

Hosted on Acast. See acast.com/privacy for more information.

Fimmtíu ár frá kvennafrídeginum

Tue, 03 Mar 2026 12:09:15 GMT

Í ár eru liðin fimmtíu ár frá kvennafrídeginum sem átti sér stað þann 24. október 1975. Linda Ólafsdóttir segir okkur frá bókinni sinni Ég þori! Ég get! Ég vil! og sýningunni í Borgarbókasafninu með myndum úr bókinni. Bókaormarnir Steinunn Birna og Sandra segja okkur hvað þær eru að lesa og hverjar þeirra uppáhalds kvensöguhetjur eru.

Hosted on Acast. See acast.com/privacy for more information.

Andrésblöð, Syrpur og Disney bækur

Tue, 03 Mar 2026 12:09:06 GMT

Hvaða Disney-bækur eru vinsælar um þessar mundir? Hver er munurinn á Andrésblöðum og Syrpum? Er erfitt að finna íslensk nöfn á erlendar sögupersónur?

Svala, útgáfustjóri bókaútgáfunnar Eddu, svarar þessum spurningum og fleirum. Hún fræðir okkur um Disney- og Marvel-bækur og útskýrir útgáfuferlið á Andrésblöðum og Syrpum. Bókaormurinn Tómas Ingi segir frá bókunum Heyrðu Jónsi! og Star Wars tilraunir.

Hosted on Acast. See acast.com/privacy for more information.

IBBY á Íslandi og barnabókaspurningakeppni

Tue, 03 Mar 2026 12:08:45 GMT

Kristín Björg, formaður IBBY á Íslandi, kynnir störf félagsins sem hefur það markmið að styðja við barnamenningu. Embla kannar vitneskju hennar um íslenskar barnabækur með spurningakeppni þar sem höfundar eins og Gunni Helga, Arndís Þórarinsdóttir og Sigrún Eldjárn koma við sögu. Auk þess mælir hún með barna- og unglingabókum fyrir haustið. Bókaormurinn Lorenzo segir meðal annars frá fuglinum Dúbba og dýrunum í Hálsaskógi.

Hosted on Acast. See acast.com/privacy for more information.

Svakalega lestrarkeppnin og Málæði

Tue, 03 Mar 2026 12:08:34 GMT

Blær og Eva Rún segja frá Svakalegu lestrarkeppninni fyrir 1.-7. bekk og Harpa Rut kynnir verkefnið Málæði fyrir 8.-10. bekk. Bókaormurinn Steinar Áki segir frá sínum uppáhalds bókum.

Hosted on Acast. See acast.com/privacy for more information.

Að bjarga gömlum bókum

Tue, 03 Mar 2026 12:08:25 GMT

Hvað eru handrit? Hvaðan koma þau? Hafa bækur breyst mikið frá því í gamla daga?

Í þessum þætti segir Eyþór frá handritunum sem hann safnar og hvernig hann bjargar gömlum bókum. Hann segir okkur líka frá fyrstu íslensku barnabókinni sem er talsvert frábrugðin barnabókum nútímans. Bókaormurinn Óttar Benedikt segir frá Artewis Fowl, Gretti og Syrpum.

Hosted on Acast. See acast.com/privacy for more information.

Afmælisveisla: Múmínálfarnir 80 ára

Tue, 03 Mar 2026 12:08:15 GMT

Múmínálfarnir eiga 80 ára afmæli í ár! Við höldum upp á það með því að fræðast um söguheiminn, persónurnar og höfundinn, Tove Jansson. Svo spjöllum við við múmínsérfræðingana Elínborgu Unu og Vilhjálm Snæ.

Hosted on Acast. See acast.com/privacy for more information.

Afmælisveisla: Lína Langsokkur 80 ára

Tue, 03 Mar 2026 12:08:05 GMT

Lína Langsokkur á 80 ára afmæli í ár og í tilefni þess sýnir Þjóðleikhúsið samnefnda sýningu í haust. Í þættinum heyrum við í leikstjóra sýningarinnar, Agnesi Wild, leikurunum Heiðu og Sindra og leikkonunni Birtu sem leikur sjálfa Línu.

Hosted on Acast. See acast.com/privacy for more information.

Hollráð og meðmæli Lestrarklefans

Tue, 03 Mar 2026 12:07:50 GMT

Hvernig á að gagnrýna bók? Hvað er gott að hafa í huga við lesturinn?

Rebekka Sif og Díana Sjöfn frá Lestrarklefanum segja okkur frá því hvernig þær skrifa um bækur og hvaða barna- og unglingabókum þær mæla með. Bókaormurinn Egill segir okkur frá bókunum Víti í Vestmannaeyjum, Bekkurinn minn: Varúlfurinn og Geimurinn.

Hosted on Acast. See acast.com/privacy for more information.

Hvernig á að skrifa glæpasögu?

Tue, 03 Mar 2026 12:07:40 GMT

Rithöfundurinn Ragnheiður Gestsdóttir segir okkur hvernig hún skrifar glæpasögur en hún hefur líka skrifað barna- og unglingabækur á borð við 40 vikur og Leikur á borði. Vinkonurnar Oddný og Alba segja frá því sem þær lærðu í sumarsmiðju Ragnheiðar: Búum til glæpasögur.

Hosted on Acast. See acast.com/privacy for more information.

Sumarbækur og spá fyrir haustið

Tue, 03 Mar 2026 12:07:29 GMT

Hvað voru krakkar að lesa í sumar? Hvaða viðburði buðu bókasöfn upp á? Hvað er fram undan í haust?

Í þessum fyrsta þætti vetrarins svörum við þessum spurningum og fleirum með hjálp Heiðrúnar Dóru, bókasafnsfræðings, og Ágústs Arnar, bókaorms.

Hosted on Acast. See acast.com/privacy for more information.

Nýjustu verkefni Láru, Ljónsa og Atla

Tue, 03 Mar 2026 11:56:57 GMT

Birgitta Haukdal segir frá nýjustu verkefnum Láru, Ljónsa og Atla sem eru meðal annars uppskriftabók og tónlist. Bókaormurinn Sigurður Þór rýnir í bókina Lára fer á fótboltamót og nefnir líka bækurnar Orri óstöðvandi: heimsfrægur á Íslandi og Vinkonur 1: Bekkjardrottningin.

Hosted on Acast. See acast.com/privacy for more information.

Blaéyg

Tue, 03 Mar 2026 11:56:45 GMT

Rósa Ólöf Ólafíudóttir segir okkur frá bókinni Bláeyg og bókaormurinn Helga Arya rýnir í hana auk þess að segja frá fleiri bókum sem hún hefur lesið undanfarið.

Hosted on Acast. See acast.com/privacy for more information.

Baukað og brallað í Skollavík

Tue, 03 Mar 2026 11:56:32 GMT

Guðlaug Jónsdóttir segir okkur frá bókunum sínum: Baukað og brallað í Skollavík og Í huganum heim. Hún segir frá því hvers vegna hún fór að skrifa sögur fyrir krakka og lýsir hinni ímynduðu Skollavík. Bókaormurinn Ásthildur segir frá seinni bók Guðlaugar og öðrum bókum með hún hefur lesið nýlega. Anna Frank og Frida Kahlo koma meðal annars við sögu.

Hosted on Acast. See acast.com/privacy for more information.

Tónlistarævintýrið Tumi fer til tunglsins

Tue, 03 Mar 2026 11:56:23 GMT

Í þessum þætti fáum við til okkar Jóhann G. Jóhannsson sem skrifaði bókina Tumi fer til tunglsins og samdi tónlistarævintýri upp úr sögunni. Við spjöllum líka við Lilju Cardew sem myndlýsti bókina og svo rýnir Una Margrét bókaormur í bæði bókina og tónlistina.

Hosted on Acast. See acast.com/privacy for more information.

Skrímsli og samstarf höfunda frá mismunandi löndum

Tue, 03 Mar 2026 11:56:05 GMT

Áslaug segir frá því hvernig skrímslin urðu til og hvernig hún skrifar sögurnar um þau ásamt tveimur öðrum höfundum. Bókaormurinn Hólmar Dagur segir okkur hvað nýjasta bókin um skrímslin kennir okkur og af hverju honum finnst gaman að lesa.

Hosted on Acast. See acast.com/privacy for more information.

Gling Gló og hjátrúafulla amman

Tue, 03 Mar 2026 11:55:51 GMT

Hrafnhildur Hreinsdóttir skrifar bækurnar um Gling Gló sem eru orðnar fjórar talsins. Í hverri bók er tekin fyrir hjátrú sem Gling Gló kynnir sér ásamt vini sínum, Óbó, og ömmu sinni. Hrafnhildur segir okkur hvaða hjátrú er áhugaverðust og hvað er það eina leiðinlega við að gefa út bók, að hennar mati. Bókaormurinn Ísold talar meðal annars um nýjustu bókina um Gling Gló, Huldu Völu dýravin og bækur um krúttleg dýr.

Hosted on Acast. See acast.com/privacy for more information.

Jólasveinn sem fer í sumarfrí, leysir ráðgátu og bjargar lambi

Tue, 03 Mar 2026 11:54:54 GMT

Hvað gerir jólasveinn þegar ekki eru jól? Eva Rún segir frá hvernig jólaplata varð innblástur fyrir bókaflokkinn um Stúf og hvernig hún fær hugmyndir að sögum. Bókaormurinn Loki rýnir í bókina Stúfur og björgunarleiðangurinn og útskýrir af hverju hann elskar Andrésblöð, en þau Eva Rún deila þeim áhuga.

Hosted on Acast. See acast.com/privacy for more information.

Einar, Anna og safnið sem var bannað börnum

Tue, 03 Mar 2026 11:54:32 GMT

Hver eru Einar og Anna og af hverju var safnið þeirra bannað börnum? Margrét Tryggvadóttir svarar þessum spurningum með því að segja okkur frá bókinni Einar, Anna og safnið sem var bannað börnum. Bókaormurinn Katla rýnir í bókina og segir okkur hvað hún hefur verið að lesa.

Hosted on Acast. See acast.com/privacy for more information.

Byggingarnar okkar

Tue, 03 Mar 2026 11:54:16 GMT

Alma rithöfundur og Alma bókaormur fjalla um bókina Byggingarnar okkar. Alma rithöfundur segir okkur hvað felst í því að vera sérfræðingur í varðveislu bygginga og hverju krakkar hafa áhuga á í tengslum við byggingarlist. Alma bókaormur segir okkur frá sínum uppáhaldsbyggingum og af hverju hana dreymir um að verða arkitekt.

Hosted on Acast. See acast.com/privacy for more information.

Bekkurinn minn bækurnar

Tue, 03 Mar 2026 11:53:55 GMT

Yrsa Þöll og Iðunn Arna segja okkur frá bókaflokknum Bekkurinn minn þar sem fjallað er um nýja aðalpersónu í hverri bók. Þær uppljóstra hvernig þær velja næstu aðalpersónu og skipta á milli sín verkum í ferlinu. Bókaormurinn Elísa Ósk segir frá nýjustu bók seríunnar og sinni uppáhalds.

Hosted on Acast. See acast.com/privacy for more information.

Álfheimar Ármanns Jakobssonar

Tue, 03 Mar 2026 11:53:45 GMT

Ármann Jakobsson skrifar allt frá fræðibókum fyrir fullorðna yfir í ævintýri fyrir krakka. Í þessum þætti segir hann okkur hvað honum finnst skemmtilegast við barna- og unglingabækur og af hverju hann skrifaði bókaflokkinn um Álfheima. Bókaormurinn Arnþór Ísar segir okkur svo frá síðustu bók seríunnar.

Hosted on Acast. See acast.com/privacy for more information.

Textar og teikningar Ránar Flygenring

Tue, 03 Mar 2026 11:53:36 GMT

Í þessum þætti fjöllum við um bækurnar Vigdís, Eldgos og Tjörnin sem eru skrifaðar og teiknaðar af Rán Flygenring. Rán deilir með okkur hvað henni finnst erfiðast að teikna og hvort teikningar hennar hafi breyst mikið frá fyrstu bókinni sem hún myndlýsti. Bókaormurinn Birgitta segir okkur frá Tjörninni sem er nýjasta bók Ránar.

Hosted on Acast. See acast.com/privacy for more information.

Bókaútgáfa í Bandaríkjunum og ungmennabækur Hildar Knúts

Tue, 03 Mar 2026 11:53:24 GMT

Hildur Knútsdóttir segir frá reynslu sinni af bókaútgáfu í Bandaríkjunum og útskýrir hver munurinn á ungmenna- og fullorðinsbókum er, að hennar mati. Hún segir líka frá bókinni Kasia og Magdalena sem bókaormurinn Arnþór Rúnar kafar dýpra í.

Hosted on Acast. See acast.com/privacy for more information.

Saga Fíusólar og uppátæki Obbuló í Kósímó

Tue, 03 Mar 2026 11:52:50 GMT

Hvernig persóna er Fíasól og í hverju lendir hún í nýjustu bókinni? Þessum spurningum ætla rithöfundurinn Kristín Helga Gunnarsdóttir og bókaormurinn Aníta Tryggvadóttir að svara. Kristín Helga segir okkur líka hvernig Fíasól fékk nafnið sitt og af hverju þau Halldór Baldursson byrjuðu að skrifa bækur um leikskólabarnið Oddnýju Lóu. Bókaormurinn Aníta telur upp hvaða bækur hún hefur verið að lesa og hvaða bók er hennar uppáhalds.

Hosted on Acast. See acast.com/privacy for more information.

Stórkostlega sumarnámskeiðið

Tue, 03 Mar 2026 11:52:12 GMT

Í þessum þætti rýnum við í bókina Stórkostlega sumarnámskeiðið. Sólrún Ylfa, myndhöfundur bókarinnar, segir okkur frá því hvernig myndirnar færast af blaði í bók og hvaða myndir henni fannst skemmtilegast að teikna. Tómas Zoëga, textahöfundur bókarinnar, les upp einn kafla í bókinni og bókaormurinn Davíð segir okkur hvað honum finnst um bókina.

Hosted on Acast. See acast.com/privacy for more information.

Bækur Sigrúnar Eldjárn um safnið og mýrina

Tue, 03 Mar 2026 11:51:58 GMT

Sigrún Eldjárn segir frá bókunum Sigrún í safninu og Fjársjóður í mýrinni. Hún lýsir því hvernig var að búa á Þjóðminjasafninu og af hverju hún teiknar persónur gjarnan í strigaskóm. Bókaormurinn Kristján Breki rýnir í þriðju bókina um krakkana í Mýrarsveit, Fjársjóður í mýrinni.

Hosted on Acast. See acast.com/privacy for more information.

Bækur, lag, leikrit og þættir um Orra óstöðvandi

Tue, 03 Mar 2026 11:31:02 GMT

Hvernig varð Orri óstöðvandi til? Hvaðan fékk hann nafnið sitt? Hvað heitir næsta bók um Orra? Bjarni Fritzson svarar öllum þessum spurningum og fleirum! Bókaormurinn María Mist hefur lesið allar bækurnar um Orra og rýnir í nýjustu bókina, Orri óstöðvandi: heimsfrægur á Íslandi.

Hosted on Acast. See acast.com/privacy for more information.

Gleðilegan Öskurdag!

Tue, 03 Mar 2026 11:30:45 GMT

Framundan er öskudagur og í tilefni þess ætlar Ævar Þór að segja frá Skólaslit 3: Öskurdagur. Hann segir líka frá fleiri bókum sem hann hefur skrifað og við komumst að því hvað heillar hann við hrollvekjur. Bókaormurinn Benjamín rýnir í Öskurdag og segir frá bókum sem foreldrar hans lásu þegar þau voru yngri.

Hosted on Acast. See acast.com/privacy for more information.

Draugagangur og derby

Tue, 03 Mar 2026 11:30:20 GMT

Ásrún hefur skrifað bækur um hin ýmsu dýr. Hins vegar inniheldur nýjasta bók hennar engin dýr heldur drauga! Ásrún talar um áhuga sinn á skrifum og hvernig hún fékk hugmyndina að skrifa bók um roller derby. Álfrún bókaormur rýnir í Draugagang og derby auk þess sem hún segir frá öðrum bókum sem hún hefur verið að lesa.

Hosted on Acast. See acast.com/privacy for more information.

Dans á rósum

Tue, 03 Mar 2026 11:30:11 GMT

Dans á rósum er fyrsta bók Auðar og fjallar um danskrakkana Bibbu, Telmu og Bjarma. Auður segir okkur frá áhuga sínum á sviðslistum og hvernig hún fór að því að gefa út bók nokkrum mánuðum eftir að hún fékk hugmyndina. Bókaormurinn Saga segir okkur aðallega frá Dans á rósum en nefnir líka bækur eins og Bróðir minn ljónshjarta og Drengurinn með ljáinn.

Hosted on Acast. See acast.com/privacy for more information.

Hvíti ásinn

Tue, 03 Mar 2026 11:30:02 GMT

Jóhanna segir okkur hvernig hún byrjaði að skrifa sína fyrstu bók og útskýrir muninn á því að skrifa fréttir og sögur. Bókaormurinn Hekla segir okkur hvað henni finnst um bókina og deilir með okkur því sem hún hefur sjálf verið að skrifa.

Hosted on Acast. See acast.com/privacy for more information.

Undirheimar og bækurnar um Kidda og Lindu

Tue, 03 Mar 2026 11:29:44 GMT

Helgi Jónsson segir okkur frá því hvernig það kom til að hann fór að þýða bækurnar um Kidda klaufa og hver er helsti munurinn á Dagbókum Kidda klaufa og Leyndarmálum Lindu. Auk þess segir hann okkur frá nýju bókinni sinni, Undirheimar, og aðdáun sinni á kirkjugörðum. Bókaormurinn Tinna Karen segir okkur hvernig henni fannst Undirheimar og telur upp fleiri bækur sem hún hefur verið að lesa upp á síðkastið.

Hosted on Acast. See acast.com/privacy for more information.

Draugabækur Elísabetar Thoroddsen

Tue, 03 Mar 2026 11:29:34 GMT

Allt er svart í myrkrinu, Á eftir dimmum skýjum og Undir sjöunda þili eru bækur um Tinnu sem sér drauga. Elísabet Thoroddsen segir okkur frá því hvernig bækurnar urðu til og hverju við eigum von á frá henni næst. Bókaormurinn Arna Guðrún segir okkur frá þríleiknum og útskýrir af hverju þessar bækur eru öðruvísi en aðrar bækur sem hún les.

Hosted on Acast. See acast.com/privacy for more information.

Stellubækurnar eftir Gunna Helga

Tue, 03 Mar 2026 11:29:27 GMT

Gunnar Helgason segir okkur frá Stelluseríunni sem byrjaði á Mömmu klikk og endaði á Stella segir bless. Stelluserían fjallar um Stellu Erlingsdóttur sem á skrautlega fjölskyldu sem lendir í ýmsu. Bókaormur þáttarins heitir líka Stella Erlingsdóttir og ætlar að fjalla um Mömmu klikk og hvernig það er að lesa um persónu sem heitir það sama og hún

Hosted on Acast. See acast.com/privacy for more information.

Kóngsi geimfari

Tue, 03 Mar 2026 11:29:19 GMT

Rithöfundurinn Laufey og bókaormurinn Laufey fjalla um bókina Kóngsi geimfari. Bókin fjallar um páfagaukinn Kóngsa sem lendir í ýmsum ævintýrum ásamt Kela, bróður sínum. Kóngsi reynir að hjálpa Kela þegar hann byrjar í nýjum skóla en það endar allt með ósköpum. Bókaormurinn Laufey fjallar líka um bækurnar Hnotubrjóturinn og Kennarinn sem hvarf.

Hosted on Acast. See acast.com/privacy for more information.

Bannað að vekja Grýlu og Hinn eini sanni sveinn

Tue, 03 Mar 2026 11:29:11 GMT

Hjalti Halldórsson segir frá bókunum sínum sem komu út fyrir síðustu jól og nefnir nokkur atriði sem hann hefur lært síðustu ár sem rithöfundur. Bókaormurinn Einar fjallar um bókina Bannað að vekja Grýlu sem er einmitt eftir Hjalta.

Hosted on Acast. See acast.com/privacy for more information.

Barnabókaárið 2024 gert upp

Tue, 03 Mar 2026 11:28:57 GMT

Hvaða bækur voru vinsælar meðal krakka og unglinga á árinu? Hvaða bækur hlutu tilnefningar og verðlaun? Hvernig bækur ætli verði vinsælar á næsta ári? Embla leitar svara við þessum spurningum og fleiri með hjálp bókaormsins Róberts Mána og Ingibjargar sem er verkefnastjóri barna- og unglingastarfs Borgarbókasafnins.

Hosted on Acast. See acast.com/privacy for more information.

Barnabækur á Norðurlöndum og víðar um Evrópu

Tue, 03 Mar 2026 11:28:45 GMT

Hvernig barnabækur koma út í öðrum löndum en á Íslandi? Karitas segir frá barnabókum í Noregi og bókaormurinn Hjalti talar um Harry Potter bókaflokkinn og bækur eftir David Walliams sem eiga það sameiginlegt að koma frá Bretlandi. Auk þess fjallar Embla um barnabækur frá meðal annars Svíþjóð, Finnlandi og Ítalíu.

Hosted on Acast. See acast.com/privacy for more information.

Einstakt jólatré og jólabókaflóðið á Grundarfirði

Tue, 03 Mar 2026 11:28:16 GMT

Nú nálgast jólin og við höldum ótrauð áfram að undirbúa okkur. Í þessum þætti segir Embla frá nokkrum jólabókum sem er tilvalið að lesa yfir hátíðarnar og Benný Sif segir okkur frá jólabókinni sinni: Einstakt jólatré. Svo heyrum við í bókaormum á Grundarfirði sem spurðu rithöfunda spjörunum úr og fjölluðu um nýútkomnar bækur.

Hosted on Acast. See acast.com/privacy for more information.

Bræðurnir breyta jólunum og bækur Bergrúnar Írisar

Tue, 03 Mar 2026 11:28:03 GMT

Nú þegar jólasveinarnir fara að undirbúa komu sína, fjöllum við um jólasveinasöguna Bræðurnir breyta jólunum og fleiri bækur eftir Bergrúnu Írisi. Bókaormurinn Sigrún segir okkur hvað hún er að lesa og hvað hún myndi heita ef hún væri jólasveinn.

Hosted on Acast. See acast.com/privacy for more information.

Ævintýrið um Augastein og jóladagatal Þorra og Þuru

Tue, 03 Mar 2026 11:27:48 GMT

Desember er genginn í garð og þess vegna ætlum við að fjalla um bækur sem er tilvalið að lesa í aðdraganda jóla. Felix segir okkur frá Ævintýrinu um Augastein sem hefur verið sett upp sem leikrit margoft fyrir jólin. Svo segja Agnes og Sigrún okkur frá álfunum Þorra og Þuru sem sjá um jóladagatal Ríkisútvarpsins í ár. Í lok þáttar segir Embla okkur hvað bókaormar í Hafnarfirði eru að lesa.

Hosted on Acast. See acast.com/privacy for more information.

Lögfræðingar sem skrifa fantasíur

Tue, 03 Mar 2026 11:27:34 GMT

Kristín Björg Sigurvinsdóttir og Fanney Hrund Hilmarsdóttir eru báðar lögfræðingar sem skrifa fantasíur fyrir krakka og unglinga. Í þættinum rannsakar Embla hvort einhver tenging sé á milli lögfræði og ævintýrasagna og bókaormurinn Bára spyr Kristínu Björgu út í bækurnar hennar.

Hosted on Acast. See acast.com/privacy for more information.

Bækur sem hafa lifnað við í leikhúsi

Tue, 03 Mar 2026 11:27:14 GMT

Hvað eiga Blái hnötturinn, Mamma klikk og Emil í Kattholti sameiginlegt? Jú, þetta eru allt sögur sem hafa verið sagðar bæði í bók og leikhúsi. Í þessum þætti heyrum við Andra Snæ lýsa mismunandi uppfærslum á Bláa hnettinum um allan heim! Bókaormurinn Hrannar Þór segir okkur frá bókunum Bannað að drepa, LÆK og Versta vika sögunnar.

Hosted on Acast. See acast.com/privacy for more information.

Dagur íslenskrar tungu

Tue, 03 Mar 2026 11:26:50 GMT

Í þætti dagsins höldum við upp á dag íslenskrar tungu! Við fáum til okkar Önnu Sigríði sem segir okkur frá Jónasi Hallgrímssyni og nýyrðum hans og svo kíkja þeir Hjalti og Oddur líka til okkar og tala um Íslendingasögur. Í lok þáttarins heyrum við hvað bókaormar í Reykjanesbæ eru að lesa.

Hosted on Acast. See acast.com/privacy for more information.

Svakalega sögusmiðjan

Tue, 03 Mar 2026 11:26:40 GMT

Í þætti dagsins segja Blær og Eva Rún okkur frá Svakalegu sögusmiðjunni og við heyrum í hressum krökkum sem skrifuðu og teiknuðu sögur í sögusmiðjunni í Spönginni.

Hosted on Acast. See acast.com/privacy for more information.

Hryllilegar sögur og hræðilegar skreytingar

Tue, 03 Mar 2026 11:25:39 GMT

Hrekkjavakan er á næsta leiti og ekki seinna vænna að hefja undirbúning. Embla telur upp bækur sem gæti verið gaman að lesa yfir hrekkjavökuna og hjónin Bergþóra og Bragi segja frá glænýjum hryllingssögum sem þau skrifuðu fyrir krakka. Skólabókasafnsfræðingurinn Dröfn segir okkur hvernig hún skreytir skólabókasafnið í Seljaskóla fyrir hrekkjavökuna og í lok þáttarins komumst við að því hvaða furðuveru krökkum í Kringlunni finnst skemmtilegast að lesa um.

Hosted on Acast. See acast.com/privacy for more information.

Vísindabækur og skólatilraunir

Tue, 03 Mar 2026 11:25:27 GMT

Þessi þáttur er tileinkaður vísindum. Við spjöllum við Stjörnu-Sævar og heyrum hann lesa upp úr glænýju bókinni sinni, Kúkur, piss og prump. Við heyrum líka í tilraunasnillingum í Smáraskóla sem segja okkur frá ýmsum tilraunum sem hafa bæði heppnast og ekki. Auk þess kynnumst við viðburði á bókasöfnum þar sem krakkar geta spjallað við vísindafólk og drukkið kakó á meðan!

Hosted on Acast. See acast.com/privacy for more information.

Benedikt búálfur í bókum og leikritum

Tue, 03 Mar 2026 11:25:17 GMT

Benedikt búálfur er aðalumræðuefni þáttarins. Ólafur segir okkur hvernig hann skrifar bækurnar um Benedikt og Árni Beinteinn segir okkur hvernig er að leika hann. Við ætlum að kanna hversu vel Árni Beinteinn þekkir Benedikt búálf og heyrum auðvitað í bókaormi þáttarins sem er að þessu sinni hann Árni Fannar.

Hosted on Acast. See acast.com/privacy for more information.

Að opna bókabúð

Tue, 03 Mar 2026 11:25:03 GMT

Í þessum þætti fræðumst við um það hvernig maður opnar bókabúð. Við heyrum í Einari, sem opnaði nýlega bókabúðina Skáldu, og bókaormarnir Guðjón, Egill og Stella spyrja hann spurninga. Við kíkjum líka á opnun bókabúðarinnar og heyrum hvernig stemningin var við opnunina. Auk þess heyrum við bókafrétt frá lestrarofurhetjum í Vestmannaeyjum.

Hosted on Acast. See acast.com/privacy for more information.

Fjölbreytileiki í barnabókum

Tue, 03 Mar 2026 11:24:50 GMT

Af hverju er fjölbreytileiki í barnabókum mikilvægur? Við fáum að heyra mörg góð svör við þessari spurningu í þættinum. Hjónin Ingileif og María segja frá bókunum sínum og hún Sólborg sömuleiðis. Elísabet Thoroddsen les upp úr bókinni sinni, Á eftir dimmum skýjum, og bókaormurinn Alex talar um Hjartastopp bækurnar og þættina.

Hosted on Acast. See acast.com/privacy for more information.

Hjón sem skrifa barnabækur

Tue, 03 Mar 2026 11:24:40 GMT

Embla spjallar við rithöfundana Yrsu Þöll Gylfadóttur og Gunnar Theodór Eggertsson sem eru hjón. Hún spjallar líka við þau Gunnar Helgason og Björk Jakobsdóttur en það vill svo skemmtilega til að þau eru líka hjón sem skrifa barnabækur. Hún kemst að því hvort þau deili hugmyndum og hafi lesið allar bækur hins aðilans í hjónabandinu. Bæði hjónin taka þátt í leik þar sem kemur í ljós hversu vel þau þekkja bækur maka síns og sínar eigin! Bókaormur þáttarins er hann Gylfi sem segir okkur hvað hann er að lesa.

Hosted on Acast. See acast.com/privacy for more information.

Bækur og smiðjur sumarsins

Tue, 03 Mar 2026 11:24:30 GMT

Í þessum fyrsta þætti vetrarins fer Embla yfir nokkrar barnabækur sem komu út í sumar. Hún talar við rithöfunda framtíðarinnar og listakonuna Lóu. Auk þess les Hjalti Halldórsson upp úr bókinni sinni, Gestur úr geimnum.

Hosted on Acast. See acast.com/privacy for more information.

Kiddi klaufi og kveðjustund

Thu, 26 Feb 2026 15:26:22 GMT

Í þessum síðasta þætti fyrir sumarfrí fara Embla og Karitas yfir bestu augnablik þáttaraðarinnar og mæla með bókum til að lesa í sumar. Þær spjalla við Helga Jónsson sem þýðir Dagbækur Kidda Klaufa og fara á Borgarbókasöfnin í Kringlunni og Gerðubergi. Í Kringlunni hitta þær Ingibjörgu, verkefnastjóra barna- og unglingastarfs Borgarbókasafnsins, sem spáir fyrir um sumarbækur ársins og í Gerðubergi spjalla Embla og Karitas við hressa bókaorma.

Hosted on Acast. See acast.com/privacy for more information.

Slóttugar Strandanornir

Thu, 26 Feb 2026 15:26:03 GMT

Í þessum þætti halda Embla og Karitas upp á 20. þáttinn af Hvað ertu að lesa og afmælið hennar Karitasar, sem fékk að velja sér bók í tilefni dagsins. Fyrir valinu varð bókin Strandanornir eftir Kristínu Helgu Gunnarsdóttur, sem kíkti til þeirra í spjall. Bókaormurinn Úa lét sig heldur ekki vanta í umræðuna um þessa skemmtilegu sumarbók.

Hosted on Acast. See acast.com/privacy for more information.

Sagan af Sveindísi Jane og barnabókaflóð í FG

Thu, 26 Feb 2026 15:25:46 GMT

Í þessum þætti af Hvað ertu að lesa? fjalla Embla og Karitas um bókina Sveindís Jane: Saga af stelpu í fótbolta. Fanney, sem spilar sem markvörður með Val og landsliðinu, kíkir við og talar um fótbolta. Auk þess kemur bókaormurinn Sara Bóel í heimsókn og talar um bókina um Sveidísi Jane, fótbolta og ýmsar aðrar íþróttir. Embla fer í útgáfuhóf í Fjölbrautaskólanum í Garðabæ, þar sem nemendur segja frá bókunum sínum.

Hosted on Acast. See acast.com/privacy for more information.

Skrímslavinafélagið og Hrím

Thu, 26 Feb 2026 15:25:18 GMT

Í þessum þætti af Hvað ertu að lesa? skoða Embla og Karitas þær bækur sem tilnefndar eru til Barna- og unglingabókmenntaverðlauna Norðurlandaráðs: Skrímslavinafélagið og Hrím. Myndhöfundurinn Sólrún Ylfa og rithöfundurinn Tómas Zoëga spjalla um Skrímslavinafélagið og við heyrum brot úr viðtali Jóhannesar Ólafssonar við Hildi Knútsdóttur um Hrím. Bókaormurinn Magnús Máni kíkir líka við.

Hosted on Acast. See acast.com/privacy for more information.

Hér kemur Lína Langsokkur!

Thu, 26 Feb 2026 15:25:05 GMT

Í þessum þætti af Hvað ertu að lesa? taka Embla og Karitas fyrir eina vinsælustu barnabók allra tíma: Línu Langsokk. Leikkonurnar Eydís Ósk Sævarsdóttir og Ilmur Kristjánsdóttir kíkja í heimsókn en þær léku báðar Línu með tuttugu ára millibili. Embla fær líka til sín leynigest og að sjálfsögðu kemur líka bókaormur.

Hosted on Acast. See acast.com/privacy for more information.

Söguheimur Láru og Ljónsa

Thu, 26 Feb 2026 15:24:46 GMT

Í þessum þætti af Hvað ertu að lesa? taka Embla og Karitas fyrir bókaflokk Birgittu Haukdal og þau Láru og Ljónsa. Birgitta kíkir við og ræðir um það hvaðan hugmyndin að bókunum kom og svarar spurningum bókaormsins Alexöndru Rutar sem þekkir sögurnar betur en flestir aðrir.

Hosted on Acast. See acast.com/privacy for more information.

Kóralína og hryllingsbækur

Thu, 26 Feb 2026 15:24:22 GMT

Í þessum þætti af Hvað ertu að lesa? kafa þær Embla og Karitas ofan í hryllingsbækur með aðstoð Rutar Guðnadóttur, rithöfundar og hrollvekjuaðdáanda. Bókaormurinn Klara kemur líka í heimsókn og spjallar um uppáhalds bókina sína, Kóralínu eftir Neil Gaiman.

Hosted on Acast. See acast.com/privacy for more information.

Blíðfinnur og bækurnar sem sitja í okkur

Thu, 26 Feb 2026 15:23:58 GMT

Í þessum þætti af Hvað ertu að lesa? kanna Embla og Karitas bækurnar sem fylgja okkur í hjartanu frá barnæsku. Bók vikunnar er Ég heiti Blíðfinnur en þú mátt kalla mig Bóbó eftir Þorvald Þorsteinsson. Einn stærsti aðdáandi bókanna um Blíðfinn, Ágúst Elí Ásgeirsson, kíkir í heimsókn og bókaormurinn Ásgeir Atli segir hvernig honum fannst bókin. Karitas fer á stjá í útvarpshúsinu og spyr fullorðna fólkið sem vinnur á RÚV hvaða barnabók situr enn í þeim.

Hosted on Acast. See acast.com/privacy for more information.

Artemis Fowl og LÆK

Thu, 26 Feb 2026 15:23:29 GMT

Í þessum þætti af Hvað ertu að lesa? fjalla Embla og Karitas um glæpasnillinginn Artemis Fowl. Þær fá þýðandann Guðna Kolbeinsson í heimsókn sem þýddi allar bækur Eoin Colfer um undrabarnið Artemis. Karitas kíkir á útgáfuhóf bókarinnar LÆK sem Gunnar Helgason og Bergrún Íris Sævarsdóttir skrifuðu með grunnskólabörnum í Reykjavík og bókaormurinn Ísak kíkir við í annað sinn.

Hosted on Acast. See acast.com/privacy for more information.

Silfurlykillinn hennar Sigrúnar

Thu, 26 Feb 2026 15:22:52 GMT

Í þessum þætti af Hvað ertu að lesa? halda Embla og Karitas upp á afmælið hennar Emblu sem er á morgun. Í tilefni dagsins fékk hún að velja bók

vikunnar og Silfurlykillinn eftir Sigrúnu Eldjárn varð fyrir valinu. Sigrún kemur í heimsókn og ræðir við Emblu um bókina og ævistarfið sem mynd-og rithöfundur og bókaormurinn Bára María segir sína skoðun á bókinni.

Hosted on Acast. See acast.com/privacy for more information.

Afmælisbarnið Vigdís: Bókin um fyrsta konuforsetann

Thu, 26 Feb 2026 15:22:34 GMT

Í þessum þætti af Hvað ertu að lesa? kafa Embla og Karitas í ævi og störf afmælisbarns dagsins: Vigdísar Finnbogadóttur. Mynd-og rithöfundurinn Rán Flygenring kíkir í heimsókn til þeirra til að ræða bókina sem hún skrifað og teiknaði um Vigdísi, Vigdís: Bókin um fyrsta

konuforsetann. Bókaormurinn Þóra Mila rekur líka inn nefið og ræðir sínar skoðanir á bókinni og þær Rán svara spurningunni: Hvað myndir þú gera efþú værir forseti?

Hosted on Acast. See acast.com/privacy for more information.

Glæpsamlegar ömmur David Walliams

Thu, 26 Feb 2026 15:22:04 GMT

Í þessum þætti af Hvað ertu að lesa? beina Embla og Karitas sjónum sínum að breska metsöluhöfundinum David Walliams, sem hefur slegið í gegn

um allan heim. Að þessu sinni lesa þær bókina Amma glæpon, en nýlega kom út framhaldsbókin Amma glæpon enn á ferð. Við heyrum viðtal sem var tekið við David í nóvember 2022 og bókaormurinn Ísak segir okkur hvað honum finnst um bókina.

Hosted on Acast. See acast.com/privacy for more information.

Ljóðaflóð Þórarins Eldjárn

Thu, 26 Feb 2026 15:21:07 GMT

Í þessum þætti af Hvað ertu að lesa? gæða Embla og Karitas sér á ljóðabókum Þórarins Eldjárn sem eru nú orðnar ansi margar. Þórarinn kíkir á þær og segir frá því hvernig hann fór að yrkja ljóð og bókaormurinn Bára María segir hvað henni finnst um kveðskapinn.

Hosted on Acast. See acast.com/privacy for more information.

Dúndurskot í dymbilviku: Fótboltasagan mikla og kvikmyndagerð

Thu, 26 Feb 2026 15:17:49 GMT

Í þessum þætti af Hvað ertu að lesa? eru Embla og Karitas orðnar mjög spenntar fyrir páskunum, sem eru á næsta leiti. Þær hita upp fyrir

sjónvarpshámhorfið með því að fjalla um bókina Víti í Vestmannaeyjum eftir Gunnar Helgason. Þættirnir, sem gerðir voru upp úr bókinni árið 2018,

eru nefnilega á dagskrá RÚV um páskana og þess vegna er það leikstjórinn Bragi Þór Hinriksson sem er gestur þeirra að þessu sinni. Bragi leikstýrði þáttunum og myndinni upp úr bókinni, en þar fyrir utan hefur hann leikstýrt fjölskyldumyndum á borð við Algjör Sveppi og leitin að Villa og Birta.

Bókaormurinn Magnús Máni kíkir svo auðvitað við til að segja okkur hvernig honum fannst bókin.

Hosted on Acast. See acast.com/privacy for more information.

Konurnar sem hrópuðu: Ég þori! Ég get! Ég vil! og listin að teikna

Thu, 26 Feb 2026 15:17:11 GMT

Í þessum þætti af Hvað ertu að lesa? fræðast þær Embla og Karitas um fyrsta Kvennafrídaginn sem var haldinn árið 1975 með því að lesa nýjustu

bók Lindu Ólafsdóttur, Ég þori! Ég get! Ég vil!

Linda kíkir einmitt við og ræðir við þær stöllur um bókina, hvernig hún varð til og hvernig henni hefur verið tekið. Hún kennir þeim líka að byrja að æfa sig í að teikna og svo mætir bókarormurinn Sara Bóel auðvitað líka og segir hvernig henni fannst bókin.

Hosted on Acast. See acast.com/privacy for more information.

Sagan af Tracy Beaker og þýðingar

Thu, 26 Feb 2026 15:12:56 GMT

Í þessum þætti af Hvað ertu að lesa? kynnast Embla og Karitas henni Tracy Beaker, aðalpersónunni í fyrstu bókum breska rithöfundarins Jacqueline Wilson. Þóra Sigríður Ingólfsdóttir, sem þýddi flestar ef ekki allar bækur Wilson sem komið hafa út á íslensku, kíkir við og útskýrir hvernig þýðingar

virka. Bókaormurinn Úrsúla Bergþórudóttir Bragadóttir kemur líka og ræðir skoðanir sínar á bókunum. Embla prófar hvort Karitas þekkir muninn á

þýddum bókum og íslenskum og þær stöllur kíkja líka á bókamarkaðinn á Laugardalsvelli.

Hosted on Acast. See acast.com/privacy for more information.

Að breyta heiminum og uppáhaldsbækurnar okkar

Thu, 26 Feb 2026 15:12:39 GMT

Í þessum þætti af Hvað ertu að lesa? taka Embla og Karitas fyrir splunkunýja bók, Að breyta heiminum eftir Ingibjörgu Valsdóttur. Ingibjörg kíkir einmittvið og segir frá ritferlinu, Gunnar Árni bókaormur ræðir sínar skoðanir á bókinni og Embla og Karitas rifja upp uppáhaldsbækurnar sínar.

Lestur: Jóhannes Ólafsson

Hosted on Acast. See acast.com/privacy for more information.

Matthildur í hinum ýmsu myndum

Thu, 26 Feb 2026 15:12:15 GMT

Í þessum þætti af Hvað ertu að lesa? kafa Embla og Karitas ofan í töfraheima Roald Dahl, nánar til tekið söguna um Matthildi sem hefur notið

gífurlegra vinsælda síðustu áratugi. Leikstjórinn Bergur Þór Ingólfsson kíkir í heimsókn og ræðir söngleikinn sem gerður var eftir sögunni og var setturá svið í Borgarleikhúsinu fyrir fimm árum. Alexandra Rut bókaormur kemur líka til okkar en hún er sérstök áhugamanneskja um söngleiki.

Hosted on Acast. See acast.com/privacy for more information.

Prakkarastrik Elíasar

Thu, 26 Feb 2026 15:12:02 GMT

Í þessum þætti af Hvað ertu að lesa? sökkva Embla og Karitas sér í bókaflokk Auðar Haralds um prakkarann Elías. Leikarinn Sigurður Sigurjónsson,

sem fór lengi með hlutverk Elíasar í Stundinni okkar, kíkir í heimsókn og Ásgeir Atli bókaormur segir okkur hvernig honum fundust bækurnar.

Hosted on Acast. See acast.com/privacy for more information.

Undraheimur Litla prinsins

Thu, 26 Feb 2026 15:11:53 GMT

Í þessum þætti af Hvað ertu að lesa? beina Embla og Karitas sjónum sínum að mest þýddu barnabók allra tíma, Litla prinsinum. Mars Proppé segir afhverju háni þykir vænt um bókina og bókaormurinn Klara, sem las hana bæði á íslensku og pólsku, segir okkur hvað henni finnst.

Hosted on Acast. See acast.com/privacy for more information.

Bækur ársins, Bjarni Fritzson og Handbók fyrir ofurhetjur

Thu, 26 Feb 2026 15:11:36 GMT

Í þessum fyrsta þætti Hvað ertu að lesa? fara þær Embla og Karitas yfir bækur ársins 2023. Bjarni Fritzson kíkir í heimsókn og þreytir hraðapróf um

bækur, við heyrum frá þeim Agnesi og Eliasi Våhlund, höfundum bókaflokksins Handbók fyrir ofurhetjur og veljum fyrstu bókaklúbbsbókina!

Hosted on Acast. See acast.com/privacy for more information.