Hosted on Acast. See acast.com/privacy for more information.

Tá Gabriel Rosenstock ar dhuine de na filí is cáiliúla in Éirinn. File, fear haiku agus fear tanka go príomha é. Is aistritheoir, úrscéalaí, gearrscéalaí agus drámadóir é freisin. Scríobhann sé filíocht do pháistí agus do dhaoine fásta araon. Chomh maith leis sin, tá drámaí agus aistí scríofa do dhaoine fásta aige agus scéalta do pháistí d’aoisghrúpaí éagsúla. I measc na leabhar véarsaíochta do pháistí atá scríofa aige tá Dánta Duitse, An tOchtapas agus Rainn Eile agus Frog is Fiche.

Suigh siar agus éist leis cúpla scéilín scanrúil á insint ag Gabriel! 

Hosted on Acast. See acast.com/privacy for more information.

Is as Bré i gCo. Chill Mhantáin í Majella Ní Dhomhnaill ach tá cónaí uirthi anois i mBaile Átha Cliath lena fear céile agus lena mbeirt pháistí óga. Bhuaigh a saothar, Mise do Mhamó, duais i gComórtais Liteartha an Oireachtais sa bhliain 2019 agus d’fhoilsigh LeabhairCOMHAR é sa bhliain 2020. Ba é seo an chéad úrscéal a scríobh sí d’fhoghlaimeoirí fásta. Tá a céad chnuasach gearrscéalta, Cuimhní Poircealláin, ar na bacáin faoi láthair. Tá duaiseanna buaite ag a cuid gearrscéalta i gComórtais Liteartha an Oireachtais thar na blianta chomh maith le comórtais de chuid Manchester Irish Language Group agus Books Ireland. Bhuaigh an chéad dráma raidió a scríobh sí, Bíobla Don Bheirt Againn, duais i gComórtas A11 - Dráma Raidió i gComórtais Liteartha 2022 agus beidh sé á chraoladh ar stáisiúin raidió pobail agus tráchtála ar fud na tíre amach anseo.

Is uaigneach an saol a bhíonn ag Cecily Ní Bhaoill. Alcólach a bhí inti fadó agus, mar thoradh air sin, ní bhíonn teagmháil ar bith aici lena hiníon fhásta ná lena beirt gharpháistí. Anois, tá a gariníon ag déanamh réidh lena Céad Chomaoineach a dhéanamh agus, thar aon ní eile, ba bhreá le Cecily bheith i láthair. An féidir léi teagmháil a dhéanamh leis an teaghlach sula mbeidh sé ródhéanach?

Suigh siar, lig do scíth agus éist le Majella ag léamh blaiseadh de Mise do Mhamó!

Hosted on Acast. See acast.com/privacy for more information.

Is scríbhneoir scripte agus úrscéalaí é Richie Conroy a oibríonn ar go leor cláracha teilifíse agus scannáin don aos óg. Tá gearrscéalta dá gcuid foilsithe sa leabhar Saibhreas (Mentor Press). Ba é Dialann Emily Porter: An Jailtacht (LeabhairCOMHAR) a chéad úrscéal. Tá aitheantas faighte aige agus gradaim bronnta air dá shaothair go náisiúnta agus go hidirnáisiúnta. Bhí sé mar scríbhneoir cónaithe in Ollscoil Chathair Bhaile Átha Cliath sa bhliain 2021.

Suigh siar agus éist le Richie ag léamh blaiseadh de Dialann Emily Porter: Thíos Seal Thuas Seal. Tá Emily Porter sona sásta. Tá sí féin agus Cian ag dul amach ‘go hoifigiúil’, tá sí san idir bhliain anois agus tá múinteoir nua ar scoil atá spreagúil, cineálta agus an-dathúil. Ach, ní fada go dtosaíonn rudaí ag dul in olcas don déagóir bocht. Tá fadhbanna le réiteach aici agus ar a bharr sin, tá rún mór le scaoileadh ag Mam agus Daid a athróidh saol Emily.

Hosted on Acast. See acast.com/privacy for more information.

Is as Cúirt Mhic Shéafraidh, Co. Chorcaí, do Mharie ó dhúchas. Is léachtóir le teanga agus le litríocht na Gaeilge í in Institiúid Oideachais Marino, Baile Átha Cliath.

Bhronn Éigse Éireann, i gcomhar le Cumann Múinteoirí Éireann, ‘Duais Chuimhneacháin Séamus Heaney’ uirthi sa bhliain 2014. B’údar í Marie freisin, ar Teagmháil agus Tnúthán: Staidéar ar an Apastróf i bhFilíocht na Nua-Ghaeilge (An Sagart, 2008); Leathbhádóirí: Úrscéal don Fhoghlaimeoir Fásta (LeabhairCOMHAR, 2017); Giolcaireacht sa Ghairdín: Pictiúrleabhar do Pháistí (LeabhairCOMHAR, 2018) agus Dún do Shúile: Pictiúrleabhar do Pháistí (LeabhairCOMHAR, 2021).  I gcomhar le hAodán Mac Suibhne, scríobh sí trí théacsleabhar do mhúinteoirí bunscoile: Cóir Ghaoithe: Cúrsa Ullmhúcháin don Scrúdú le hAghaidh Cáilíochta sa Ghaeilge (Institiúid Oideachais Marino, 2006); Í a Labhairt: Cúrsa Gaeilge Idirmheánach do Mhúinteoirí Bunscoile (Institiúid Oideachais Marino, 2008) agus Sruth na Maoile: Ábhar Tacaíochta d’Oiriúnú le hAghaidh Cáilíochta sa Ghaeilge (Institiúid Oideachais Marino, 2009).

Sa bhliain 2018, bhí sí ina comhúdar ar thairiscint inár éirigh léi maoiniú a ghnóthú ón Roinn Oideachais chun Baitsiléireacht san Oideachas trí Mheán na Gaeilge a sholáthar in Institiúid Oideachais Marino agus sa bhliain 2020 bhí sí ar dhuine de chomheagarthóirí an ríomh-irisleabhair phiarmheasta, COMHARTaighde 6. Tá sí ainmnithe i measc an bhuíon scríbhneoirí 2023 do Portráidí na Scríbhneoirí na Gaeilge.

Suigh siar, lig do scíth agus éist le Marie ag léamh blaiseadh dá scéal Nuair a Stadann an Ceol, scéal faoi Róisín, atá ar ais i mbun staidéir tar éis di dul ar ollscoil agus cúpla bliain a chaitheamh ag obair. Tá cairde nua aici agus tá go leor ceoil á sheinm ach tá deacrachtaí móra pearsanta aici freisin.

Hosted on Acast. See acast.com/privacy for more information.

Is iriseoir, craoltóir, múinteoir, aistritheoir agus aisteoir í Máirín. Tá dhá úrscéal Fraincise aistrithe go Gaeilge aici i gcomhar le BARZAZ – Khalil (le Yasmina Khadra, 2021) agus Na Ríthe Beaga (Les Enfants sont Roi, le Delphine de Vigan, 2022).

Tá trí leabhar do dhaoine óga sa tsraith Dialann Dúradáin aistrithe aici i gcomhar le Futa Fata – Leadaí na Leisce, An Fhírinne Shearbh & Dialann Dlúthchara. Tá trí leabhar sa tsraith Dónall Dána aistrithe aici i gcomhar le Cló Iar Chonnacht – An Peileadóir Mór, Peigí Phusach agus Lá Báistí.

I measc na sraitheanna atá déanta aici do RTÉ Raidió na Gaeltachta, tá Cúinne na bhFilí (cúrsaí litríochta), Céim ar Chéim (cúrsaí oideachais), Flosc (ceol & óige) agus An Chraobh ar an bhFál (sraith chartlainne). Tá ceardlanna scileanna raidió déanta aici le déagóirí i gcomhar le Pobal Rua, ceardlanna scríbhneoireachta i gcomhar le Fighting Words agus ceardlanna drámaíochta do pháistí i gcomhar le Tuismitheoirí na Gaeltachta. 

Is teagascóir teanga, litríochta agus iriseoireachta í le hAcadamh na hOllscolaíochta Gaeilge ag leibhéil 7- 9 den Chomhchreat Náisiúnta Cáilíochtaí. Tá Gaeilge, Béarla agus Fraincis líofa aici agus MA sa Phleanáil Teanga. 

Lig do scíth agus éist le Máirín ag léamh caibidil ó Khalil, scéal faoi Moslamach fir 23 bliain d’aois ag triail ar chathair Pháras le crios pléascach fáiscthe lena chliabh.

Hosted on Acast. See acast.com/privacy for more information.

Is as Co. Chorcaí é Mícheál Ó Laoghaire agus is iar-mhúinteoir bunscoile é. Tá trí chnuasach gearrscéalta dá chuid foilsithe ag Coiscéim; Bás Bharra, An Deireadh Seachtaine agus Tearmainn Mheabhail. Mar aon leis na cnuasaigh filíochta, tá cúig úrscéal dá chuid foilsithe ag Coiscéim; Comhcheilg, Comhar an gCarad, An tAonarán, Maraigh Dev agus Fómhar an Spealadóra.

Bhuaigh Mícheál an dara duais i gComórtas A1 – Úrscéal Ficsean Ginearálta i gComórtais Liteartha an Oireachtais lena saothar Cuairt an Uachtaráin sa bhliain 2020 agus d’fhoilsigh Coiscéim é sa bhliain 2021 faoin teideal Fómhar an Spealadóra. Faoi láthair, tá Coiscéim ag ullmhú an chead úrscéil eile uaidh An Tríú hInsint agus táthar ag súil go bhfoilseofaí é roimh dheireadh an bliana.

Nuair a aimsítear coirp beirt ógbhean ag bun faille in iarghúltacht na Breataine Bige, meastar ar dtús gur timpiste thragóideach a bhain dóibh. Isteach leis an Fiannóglach Diarmaid Ó Buachalla agus Maurice du Valle, gníomhaire de chuid sheirbhís slándála na Fraince, chun dul i mbun fiosraithe. Conas mar a éireoidh leo?

Lig do scíth agus éist le Mícheál ag léamh sliocht as Diarmaid Ó Buachalla – Uisce Faoi Thalamh.

Hosted on Acast. See acast.com/privacy for more information.

Is i mBéal Feirste a rugadh agus a tógadh Fionntán agus tá sé ina Ollamh le Nua-Ghaeilge in Ollscoil Mhá Nuad ó 2017. Is i réimse an léinn is mó a bhfuil saothair foilsithe aige. D’fhoilsigh Cló Ollscoil Chorcaí saothar leis sa bhliain 2019 darb ainm Revivalism and Modern Irish. Bhí sé ina eagarthóir ar Léachtaí Cholm Cille 52 – Stair agus Ficsean ó Beatha Cholm Chille go Bealach na Spáinneach (2022) agus Léachtaí Cholm Cille 51 Scríobhaithe an Tuaiscirt, 1650–1900 (2021).

Bhuaigh a chnuasach gearrscéalta, Litir ó mo Mháthair Altrama agus Scéalta Eile (Móinín, 2005) an chéad duais i gComórtas A13 - Prós Cruthaitheach, Cnuasach Gearrscéalta nó Úrscéal Gairid i gComórtais Liteartha an Oireachtais sa bhliain 2004. Is é Béal na Péiste an chéad úrscéal a scríobh Fionntán agus é foilsithe ag Cló Iar-Chonnacht. Seoladh an leabhar i gCultúrlann McAdam Ó Fiaich i mBéal Feirste i mí Aibreán 2023. 

Suigh siar agus éist le Fionntán ag léamh an chéad chaibidil dá shaothar buacach, Béal na Péiste.

Beidh an scéal ina iomlán uait i ndiaidh don bhlaiseadh beag seo a chloisteáil agus is féidir an leabhar a cheannach anseo.

Hosted on Acast. See acast.com/privacy for more information.

Is scríbhneoir cruthaitheach í Annemarie a bhfuil úrscéalta, gearrscéalta agus splancscéalta scríofa aici le blianta beaga anuas. Ghlac sí páirt i Scéim Meantóireachta Fhoras na Gaeilge in 2021-2022, scéim a thug deis di forbairt a dhéanamh ar a cuid scileanna scríbhneoireachta. Is ball í de dhá ghrúpa scríbhneoireachta Gaeilge, agus cabhraíonn sí le scéim Fighting Words na Gaeilge.

Tá Annemarie ina cónaí san Éiceaphobal i gCloch Shiurdáin, Co. Thiobraid Árann. Rugadh i mBaile Átha Cliath í, áit ar chaith sí blianta ag obair mar leabharlannaí. Is eagarthóir, aistritheoir agus múinteoir Gaeilge anois í.

San eagrán seo, cloisfear Annemarie ag léamh trí chaibidil óna scéal buacach, An Seol atá Fút. Is é seo an chéad úrscéal do dhéagóirí óna peann agus tá eagarthóireacht ar siúl faoi láthair chun é a fháil réidh le foilsiú. Is scéal seoltóireachta é, le téamaí LADTA+.

Buaileann Ríona agus Mealla le chéile ag campa seoltóireachta samhraidh, agus bíonn seachtain iontach acu le chéile amuigh ar an bhfarraige. Tosaíonn roinnt de na seoltóirí eile ag cur isteach orthu agus tá dainséar ann ón bhfarraige freisin. Bíonn ar na cailíní dul i ngleic leis an dainséar agus leis an mbagairt, fad is atá caidreamh nua ag fás eatarthu.

Hosted on Acast. See acast.com/privacy for more information.

Is as Inis Meáin, Oileáin Árann í Éadaoin Ní Dhomhnaill. Bhain sí céim amach i Léann an Aistriúcháin agus i mBéarla sa bhliain 2021 ó Ollscoil na Gaillimhe agus beidh sí ag tabhairt faoi mháistreacht sa scríbhneoireacht i mbliana.

Tá Éadaoin ag cur isteach ar Chomórtais Liteartha an Oireachtais don Scríbhneoir Óg le cúpla bliain anuas agus tá roinnt duaiseanna buaite ag a gcuid iarrachtaí. Sa bhliain 2019, bhuaigh sí an chéad áit i gComórtas B6: Scéal – Roinn A (faoi 21) lena scéal Contúirt na gCurach agus sa bhliain 2021, bhuaigh sí an chéad áit sa gcomórtas céanna lena scéal Toirtín. Is sa bhliain 2022 a chur Éadaoin iarratas isteach ar Chomórtais Liteartha an Oireachtais do Dhaoine Fásta den chéad uair le Katie ar an gCás, an chéad úrscéal a scríobh sí do dhaoine óga. Sa bhliain 2016, bhuaigh Éadaoin an tríú háit i gComórtas Uí Chonaire, comórtas scríbhneoireachta le haghaidh scríbhneoirí óga, lena scéal Brioscaí Sinsir.

San eagrán seo, cloisfear Éadaoin ag léamh trí chaibidil óna scéal buacach, Katie ar an gCás, scéal faoi chailín óg darb ainm Katie, a thosaíonn fiosrúchán lena cara Páidín nuair a ghoidtear pacáiste óna Dhaideo. An éireoidh leo greim a fháil ar an ghadaí? Éist agus faigh amach! 

Hosted on Acast. See acast.com/privacy for more information.

Tá cónaí ar Dhiarmuid i Machaire Rátha, Co. Dhoire agus tá sé mar bhall den chumann scríbhneoireachta nuabhunaithe i gCarn Tóchair, Contae Dhoire. Tá cúlra drámaíochta aige agus tá drámaí scríofa aige don amharclann agus d'ócáidí faoin aer.

Lig do scíth agus éist le Diarmuid ag léamh a ghearrscéal Cluiche Liathróid Láimhe?, scéal faoi cad a tharlaíonn do dhéagóir as Béal Feirste agus é ar tí an scolaíocht a fhágáil ina dhiaidh.

Hosted on Acast. See acast.com/privacy for more information.

Tá Caitríona 13 bliain d’aois agus is as An Teach Mór, Indreabhán i gCo. na Gaillimhe di. Tá sí sa dara bliain i gColáiste Chroí Mhuire Naofa ar an Spidéal.

Glacann sí páirt go minic sna comórtais amhránaíochta, agallamh beirte agus lúibíní ag Oireachtas na Samhna, ach ba í seo an chéad bhliain di i mbun pinn sna comórtais liteartha.

Bíonn Caitríona ag imirt camógaíocht agus liathróid láimhe agus seinneann sí an fhidil. Tá baint mhór aice le Ceoltóirí Chois Fharraige agus tá alt eile léi le léamh ar an suíomh www.taiscecf.ie, i gcuimhne ar an gceoltóir Johnny Connolly - cara mór eile de chuid an Oireachtais!

San eagrán seo den phodchraoladh, cloisfear Caitríona ag léamh An tOireachtas trí Shúile Gasúir, cuntas ar a thaithí ar Oireachtais na Samhna ó bhí sí dhá bhliain d’aois!

Hosted on Acast. See acast.com/privacy for more information.

Is as Leac Fhinín Lios a' Chraosaigh Maigh Chromtha Co. Chorcaí do Mhéabh agus tá sí naoi mbliana déag d'aois. I ndiaidh na hArdteiste tá súil aici staidéar a dhéanamh ar an gceol san ollscoil agus b'fhéidir an Ghaeilge leis. Tá sí ag freastal ar Oireachtas na Samhna ó bhí sí thart ar ocht mbliana d'aois agus tá duaiseanna buaite aici sna comórtais Agallaimh Beirte agus Comórtais Liteartha faoi sé bhliain déag d'aois.

Bhuaigh Méabh An Dara Duais i gComórtas B8 – Dán: Roinn B (faoi 21) sa bhliain 2021 lena dhán An Préachán.

Hosted on Acast. See acast.com/privacy for more information.

Scríobh sí an chéad véarsa den dán seo i rith na dianghlasála nuair a bhí an scoil dúnta agus breis ama á chaitheamh aici lasmuigh. Scríobh sí an dara véarsa nuair a bhí sí ar ais ar scoil.

Tá suim ag Aisling sa cheol traidisiúnta agus sa spórt. Seinneann sí an consairtín agus imríonn sí cispheil.

Éist le hAisling anseo ag léamh a dhán M’abhainn a bhuaigh an dara duais i gComórtas B7 – Dán: Roinn A (faoi 16) i gComórtais Liteartha an Oireachtais 2022.

Hosted on Acast. See acast.com/privacy for more information.

Rugadh agus tógadh Cathal i mBaile na hAbhann, Co. na Gaillimhe. D'fhreastail sé ar Scoil Cholmcille ar an Tulach agus é ag fás aníos agus ansin chuaigh sé ar aghaidh chuig an meánscoil i gColáiste Chroí Mhuire sa Spidéal. Faoi láthair, tá sé ag freastal ar Ollscoil na Gaillimhe agus é ag déanamh staidéar ar an mhatamaitic agus an eolaíocht agus tá suim aige a bheith ag obair sna seirbhísí airgeadais amach anseo.

Suigh siar agus tabhair cluas do Chathail ag déanamh cur síos ar aistear Shéamuisín Óg ó Co. an Chláir go dtí Co. na Mí chun Sí an Bhrú a aimsiú.

Hosted on Acast. See acast.com/privacy for more information.

Tá sí paiseanta faoin Ghaeilge agus tá suim ar leith aici sa léitheoireacht agus an scríbhneoireacht. Is maith léi peil Ghaelach agus tá bua na haisteoireachta aici chomh maith. Tá go leor duaiseanna bainte aici sna gnéithe seo.

Ba mhaith le Cara a bheith ina mhúinteoir nuair a fásann sí aníos.

Éist le Cara ag léamh a shaothar bhuacach Crann Siógach a bhuaigh an dara duais i gComórtas B5 – Scéal: Roinn A (faoi 16) i gComórtais Liteartha an Oireachtais 2022. 

Hosted on Acast. See acast.com/privacy for more information.

Rugadh agus tógadh í le Gaeilge faoin tuath gar do Chluain Meala agus tá sí sáite sa chultúr Gaelach ón gcliabhán. Tá an suim aici sa cheol traidisiúnta agus an C.L.G. Seinneann sí an consairtín, an chruit agus an pianó. Imríonn sí peil Ghaelach le Tráchtálaí Chluain Meala. Bíonn sí ag freastal ar cheardlanna ceoil timpeall na tíre lena deartháir gach samhradh, áit a mbíonn spórt agus scléip acu.

Seo í Naoise ag léamh a shaothar buacach Cogadh don Chorn a bhuaigh an chéad duais i gComórtas B1 – Aiste: Roinn A (faoi 16) i gComórtais Liteartha an Oireachtais 2022.

Hosted on Acast. See acast.com/privacy for more information.

Tá Mícheál ag scríobh le blianta fada anois agus clúdaíonn a cuid scríbhneoireachta réimse leathan seánraí ó úrscéalta, drámaí agus tá aistriúcháin déanta ar ghearrscéalta leis chuig Albáinis, Rómáinis agus Cróitis. Bhunaigh sé an comhlacht foilsitheoireachta Cló Iar-Chonnachta sa bhliain 1985.

Is iomaí duais liteartha atá bainte amach ag Mícheál le roinnt blianta anuas, ina measc tá an Irish Book Award (1988), Príomhdhuais Litríochta Hennessy (1997) agus Gradam Choilm de Bhailís (1995). I measc na nduaiseanna atá bainte amach aige i gComórtais Liteartha an Oireachtais tá Duais an Mhaolánaigh a bhain sé in 1985, 2000 agus 2001, duais Chomórtas Cuimhneacháin Dhonncha Uí Chéilleachair sa bhliain 2000 agus duais Chomórtas Cuimhneacháin Sheáin Uí Éigeartaigh i 1999. Tá duaiseanna i gComórtais Liteartha an Oireachtais bainte aige dá gcuid saothar drámaíochta agus scripteanna teilifíse chomh maith.

San eagrán seo den phodchraoladh, cloisfear Mícheál ag léamh na scéalta An Diabhal ar an Ól, An Clann Craiceáilte agus Cuairteoirí, óna leabhar An Diabhal ar an Ól, leabhar ina dhéantar athinsint ar scéalta béaloidis ón gCian-Oirthear. D’fhoilsigh Cló Iar-Chonnachta é sa bhliain 2013.

Hosted on Acast. See acast.com/privacy for more information.

Foilsíodh leabhar gearrscéalta, Súil sa bhliain 2018, úrscéal i bhfoirm véarsaíochta, Múscail, a Ghiorria, sa bhliain 2020, agus an eipic, An Craiceann agus a Luach sa bhliain 2021. Tá gearrscéalta foilsithe aici in Comhar, Irish Writing, agus Bláth na dTulach.

Tá saibhreas teanga ar leith ina cuid scríbhneoireachta a thagann ón traidisiún béil.

Hosted on Acast. See acast.com/privacy for more information.

Maidir leis an bPrós, tá dosaen úrscéal curtha i gcló aige le scór bliain anuas agus duaiseanna bainte amach ag cuid acu i gComórtais Liteartha an Oireachtais thar na blianta. Ina measc sin, tá Trasna na dTonnta (Comhar, 2001); Bás i mBaile an Ghorta (Comhar, 2003); An bhFaca Éinne Agaibh Roy Keane? (Coiscéim, 2003); Míle Murdar! (Comhar, 2005); Tóraíocht Taisce (Cois Life, 2012); Fianaise (LeabhairComhar, 2012). Tháinig Fianaise Bhreise (LeabhairComhar) mar chomharba ar an gcéad cheann sa bhliain 2019 agus tá súil aige go gcríochnófar an thriológ ar an bhliain seo chugainn.

Maidir le gearrscéalta, tá neart duaiseanna buaite aige thar na blianta le scéalta aonair i gComórtais Liteartha an Oireachtais. D’fhoilsigh Cló Iar-Chonnacht an dá bhailiúchán gearrscéalta Na Lucha ag Rince (2009) agus Daoine a Itheann Daoine (2010). Bhuaigh Daoine a Itheann Daoine an phríomhdhuais i gComórtas Liteartha an Oireachtais sa bhliain 2009.

Faoi láthair tá saothar próis bunaithe ar a thréimhse ollscoile agus a shaothar iriseoireachta seolta ar aghaidh go dtí Coiscéim aige agus tá cnuasach filíochta dinnseanchais agus bailiúchán nua gearrscéalta ar na bacáin.

Hosted on Acast. See acast.com/privacy for more information.

Is as Conamara ó dhúchas d’Áine. Tá duaiseanna i gComórtais Liteartha an Oireachtais bainte ag Áine Durkin dá bhlag, Mise Áine (2010), agus dá cnuasach filíochta/amhrán ‘Mise Áine, An Bhean Istigh’ (2017). Bhain amhráin léi duaiseanna ag an bhFéile Idirnáisiúnta Pan Cheilteach (2013, 2018, 2019, 2020) agus ó Ros Na Rún/Raidió na Gaeltachta (2013). Bhain an t-amhrán a chum sí, ‘Ní Thuigim,’ an chéad áit ag an bhFéile Idirnáisiúnta Pan Cheilteach, 2019. Bhain sí Gradam Choilm de Bhailís (2019) agus cuireadh a hainm le ‘Portráidí na Scríbhneoirí Gaeilge’ sa bhliain 2020.

Tá saothar léi foilsithe sna hirisí Comhar, An Gael, Biseach, agus Gaelscéal; sna leabhair ‘Gaillimh; Díolaim Cathrach’ (curtha in eagar ag Brian Ó Conchubhair, Cló Iar Chonnacht) ‘I mBun Pinn’ (Glór na nOileán f/c Comhairle Ceantar na nOileán), Windows Publications, agus A Page From My Life (Harper Collins le Ray D’Arcy Show.) Bíonn ailt léi le léamh go minic sa bhforlíonadh míosúil, Súil Thart, sa Donegal News.

Bhí sí mar aoi fhile ag Éigse an Spidéil, Féile Chois Fharraige, agus An Cúirt Festival thar na blianta, agus bíonn saothar léi le cloisteáil ar RTÉ Raidió na Gaeltachta (Iris Aniar, An Cúinne Dána, Aistí ón Aer), Raidió na Life i mBaile Átha Cliath, agus Raidió Fáilte i mBéal Feirste.  Ghlac sí páirt i bhFéile Liú Lúnasa, agus bíonn sí páirteach sa Chúirt Filíochta ag an An tOireachtas, agus sa bhFéile Idirnáisiúnta Pan Cheilteach, go rialta.

Is féidir í a fháil ar na meáin shóisialta ag @MiseÁine ar Twitter/Facebook/Instagram agus is í údar an bhlag ‘Mise Áine ag Rámhaille.’

Hosted on Acast. See acast.com/privacy for more information.

Bronnadh Gradam Filíochta Mhichíl Uí hAirtnéide 2021 ar Cheaití don chnuasach céanna agus más drámatúil é an leabhar Agallamh sa Cheo, Cnoc Bhréanainn, ní ceart iontas a bheith orainn mar is drámadóir í Ceaití Ní Bheildiúin chomh maith le file.

D’fhoilsigh Coiscéim trí chnuasach eile óna peann: Meirge an Laoich (2013) Púca Gan Dealramh (2010) agus An Teorainn Bheo (2007), cnuasach eile a bhain duais Oireachtais amach sa bhliain 2007. Stáitsíodh dhá ghearrdhráma dá cuid sa Lab, sa Daingean, Port na Mammies (2010) agus Triúr (2013).

Seo í Ceaití ag léamh mír a trí óna cnuasach buacach.

Hosted on Acast. See acast.com/privacy for more information.

Is iomaí leabhar atá foilsithe ag Diarmuid Johnson: cuid acu i mBéarla; cuid acu i mBreatnais; agus cuid acu i nGaeilge. I measc na leabhar Gaeilge sin, tá dhá chnuasach filíochta: Súil Saoir (CIC 2004) agus Rún na mBradán (Coiscéim 2015); mar aon le trí leabhar na Teamhrach, Conaire Mór, Tuatha Dé Danann agus Éadaoin (Leabhar Breac, 2017, 2018, 2020).

Maidir le Seacht dTír Seacht dTeanga, is éard atá ann ná cur síos ar thaisteal an scríbhneora san Eoraip le tríocha bliain anuas, cuid de na daoine a casadh air agus cuid den tuiscint a fuair sé ar chultúr na hEorpa. Tá duaiseanna éagsúla buaite ag Diarmuid Johnson: Gradam Uí Shúilleabháin; Leabhar na Bliana - An Post; agus Saothar Próis na Bliana i gComórtais Liteartha an Oireachtais in 2017, 2018 agus 2021 ina measc.

Chaith sé blianta maithe ina léachtóir ollscoile leis an Léann Ceilteach éagsúla in Éirinn agus san Eoraip. Chaith sé seal ina iriseoir (Foinse, Cuisle, Gaelscéal), agus seal ina chraoltóir páirtaimseartha raidió le RTÉ Raidió na Gaeltachta. Faoi láthair, is sa Bhruiséil atá sé lonnaithe. Foilseofar Ceallach - Cín Lae Fíréin AD 590 - 623 i mbliana (2022). I láthair na huaire, is ag obair ar leabhar faoi ghnéithe de stair an phróis atá sé.

Tá léargas ar a shaothar ilghnéitheach ar an suíomh seo: www.diarmuidjohnson.net

Hosted on Acast. See acast.com/privacy for more information.

Is scríbhneoir filíochta, amhráin agus gearrscéalta chomh maith le craoltóir raidió le Raidió Fáilte é Seán Ó Muireagáin arbh as Béal Feirste dó ó dhúchas. D’fhoilsigh an teach fhoilsitheoireachta, Éabhlóid, cnuasach gearrscéalta óna pheann in 2018 darb ainm Gáire in Éag, atá suite i dtuaisceart na hÉireann i rith tréimhse na dTrioblóidí. Ainmníodh an leabhar seo do Ghradam Leabhar na Bliana An Post 2019.

Is gníomhaí ar son phobal na Gaeilge ar fud na tíre é Seán agus bhí baint aige le bunú Gaelscoileanna i dtuaisceart na hÉireann ar feadh 40 bliain.

Sa sliocht seo den scéal, cloisfidh tú An tÉascaitheoir agus é ag machnamh ar an tréimhse a chaith sé féin mar phrintíseach agus é ag ullmhú don phrintíseach nua a bheidh faoina chúram agus é i mbun traenála. 

Hosted on Acast. See acast.com/privacy for more information.

Is file, scríbhneoir próis, taighdeoir, iar-mhúinteoir meánscoile agus iar-chraoltóir le RTÉ Raidió na Gaeltachta í Áine Uí Fhoghlú, arb as Gaeltacht na Rinne di. 

Tá an chéad duais i gComórtais Liteartha an Oireachtais buaite ag a cuid leabhar do dhéagóirí, ina measc Pincí sa Ghaeltacht, a bhain duais in 2011 agus LabhairAmach.com, a bhain duais in 2017. Tá an dá leabhar ar churaclam an Teastais Shóisearaigh i láthair na huaire. 

D’fhoilsigh Coiscéim dhá úrscéal a scríobh Áine don fhoghlaimeoir fásta: Crúba na Cinniúna agus Uisce Faoi Thalamh. Bhuaigh an dá shaothar an chéad duais i gComórtais Liteartha an Oireachtais. D’fhoilsigh Cló Iar-Chonnacht an scéal Éalú, a bhain an chéad duais amach i gComórtais Liteartha an Oireachtais in 2012.

Tá trí chnuasach filíochta foilsithe aici: Aistear Aonair; An Liú sa Chuan; agus Ar an Imeall. Tá an ceathrú cnuasach, Mná dár mhair, le foilsiú i mbliana. Bronnadh Gradam Filíochta Mhíchíl Uí Airtnéide uirthi in 2008, chomh maith le gradaim fhilíochta eile.

Sa mbliain 2019, d'fhoilsigh Áine cnuasach seanchais agus béaloidis ó Ghaeltacht na nDéise, Scéalta agus Seanchas, Potatoes, Children & Seaweed, bunaithe ar shraith d'agallaimh fhístéipe a rinne sí i dtús na nóchaidí. 

Seo í Áine ag léamh caibidil 5 agus 6 ón leabhar Fóir Orm.

Hosted on Acast. See acast.com/privacy for more information.

D’fhoilsigh An Gúm é sa bhliain 2020.

Is scríbhneoir agus scoláire é Alan Titley a bhfuil naoi n-scríofa aige agus an deichiú ceann idir lámha aige faoi láthair. Ar a bharr seo, tá ceithre chnuasach gearrscéalta dá chuid foilsithe agus an cúigiú ceann ar an mbealach. Fairis sin, léiríodh drámaí stáitse agus raidió a scríobh sé in Amharclann na Mainistreach, ar RTÉ agus ar an BBC. Tá dhá chnuasach filíochta leis i gcló agus is iad atá téagartha. Bíonn colún seachtainiúil ar chúrsaí reatha, cúrsaí cultúir srl. aige i The Irish Times. Tá scripteanna teilifíse scríofa aige agus d'aistrigh sé dhá úrscéal le Máirtín Ó Cadhain go Béarla. Tá aistí liteartha scríofa aige chomh maith: Chun Doirne agus Nailing Theses ina measc.

Seo é Alan Titley ag léamh an chéad dá chaibidil don saothar. 

Hosted on Acast. See acast.com/privacy for more information.

Sa phodchraoladh seo, léann Eoghan Mac Cormaic na caibidlí: Turas chuig an Cheis Fhada; Stair an Cheis Fhada; agus Gearradh Gruaige. 

Bhuaigh Eoghan Mac Cormaic Duais Dhonncha Uí Chéilleachair i gComórtas Liteartha an Oireachtais sa bhliain 1992 dá shaothar Caibín an Phápa. Sna tríocha bliain ó shin i leith, d'fheidhmigh sé ag amanna éagsúla mar údar ar Saoirse agus Cúlchaint. Bhí sé mar cholúnaí leis An Phoblacht; agus foilsíodh ailt leis i Lá, Gaelscéal, Foinse, An Timire agus foilseacháin eile. Bhí sé i gcomhluadar Pádraig Ó Baoill ar Ár Seacht nDícheall (faoi fhás na Gaeilge i mBaile Locha Riach) agus mar chomh-eagarthóir leis an Bhaoilleach ar Carachtair Áitiúil, Tionchar Náisiúnta, a scrúdaigh gníomhaíocht chultúrtha agus réabh-oideach deichiú de bhunús Bhaile Locha Riach i stair na hÉireann. Rinne sé comh-eagarthóireacht le Nóra Welby ar Glór 50 (Stair Ghlór na nGael) agus tá leabhair Tráth na gCeist, crosfhocail agus réimse cluichí Gaeilge cruthaithe agus foilsithe aige le fiche bliain anuas.

Hosted on Acast. See acast.com/privacy for more information.

Ar dtús, tá réamhrá againn ó Uachtarán an Oireachtais, An tOllamh Gearóid Denvir, agus ansin beidh scoth na scríbhneoirí ó mheánscoileanna agus ó institiúidí tríú leibhéal éagsúla ag léamh a gcuid saothair bhuacacha.

Is léir go bhfuil féith na cruthaíochta acu go léir agus is cinnte go mbeidh tuilleadh dá gcuid saothar á léamh againn amach anseo má gcloíonn siad leis an gceird.

Déanaimid comhghairdeachas arís leo as na duaiseanna a bhuaigh siad i mbliana.

Sa chuid seo, cloisfidh tú;

An Coimisinéir Gramadaí le Amhlaoibh Ó Síocháin Ó Beoláin, Mainistir Fhear Maí, Co. Chorcaí (Comórtas B5)

Athrú Tobann le Fionnán Ó Baoighill, Ard Aidhin, Co. Bhaile Átha Cliath (Comórtas B5)

agus Toirtín le Éadaoin Ní Dhomhnaill, Inis Meáin, Co. na Gaillimhe (Comórtas B6)

An Chaora le Amhlaoibh Ó Síocháin Ó Beoláin, Mainistir Fhear Maí, Co. Chorcaí (Comórtas B7)

Tuar na hAimsire le Gormfhlaith Ní Shíocháin Ní Bheoláin, Mainistir Fhear Maí, Co. Chorcaí (Comórtas B8)

agus An Préachán le Méabh Ní Chonaill, Maigh Chromtha, Co. Chorcaí (Comórtas B8)

Tá súil againn go mbainfidh sibh ar fad taitneamh as an eagrán speisialta seo.

Nollaig Shona agus bliain nua faoi mhaise daoibh go léir!

Hosted on Acast. See acast.com/privacy for more information.

Ar dtús, tá réamhrá againn ó Uachtarán an Oireachtais, An tOllamh Gearóid Denvir, agus ansin beidh scoth na scríbhneoirí ó mheánscoileanna agus ó institiúidí tríú leibhéal éagsúla ag léamh a gcuid saothair bhuacacha.

Is léir go bhfuil féith na cruthaíochta acu go léir agus is cinnte go mbeidh tuilleadh dá gcuid saothar á léamh againn amach anseo má gcloíonn siad leis an gceird.

Déanaimid comhghairdeachas arís leo as na duaiseanna a bhuaigh siad i mbliana.

Sa chuid seo, cloisfidh tú:

An tAthair Seán Ó Gallchóir le Conor Ó Gallchóir as Gort a’ Choirce, Co. Dhún na nGall (Comórtas B2)

Mo Bhaile Fearainn: Ard na Caithne na Gréige le Sibéal Ní Shéaghdha, Baile an Fheirtéaraigh, Co. Chiarraí; (Comórtas B3)

Paddy Varnish Varian: Saor Cloiche agus Trodaí na Saoirse le Grace de Búrca, Tuaim, Co. na Gaillimhe; (Comórtas B3)

agus Tábhacht na Fiontraíochta don Óige le Liam Ó hÓgáin, Dún Chaoin, Co. Chiarraí. (Comórtas B4)

Tá súil againn go mbainfidh sibh ar fad taitneamh as an eagrán speisialta seo.

Nollaig Shona agus bliain nua faoi mhaise daoibh go léir!

Hosted on Acast. See acast.com/privacy for more information.

Údar: Catherine Foley

Foilsithe ag LeabhairCOMHAR

Bronnadh an chéad duais i gComórtais Liteartha an Oireachtais 2016 ar an mbailiúchán seo. Dialann bliana ar shaol Gaeltachta atá sa leabhar seo a d'fhoilsigh LeabhairCOMHAR i mí Aibreán 2020. Ceann de buanna suaithinseacha an leabhair seo ná an réimse grianghraf atá glactha ag RoseAnn Foley, an deirfiúr is óige ag Catherine

Seo Catherine ag léamh caibidlí 1-3 ón mbailiúchán.

Is scríbhneoir cruthaitheach, craoltóir raidió, scríbhneoir teilifíse agus iriseoir í Catherine Foley. Is iar-léachtóir le Coláiste na hOllscoile, Corcaigh agus iar-bhall foirne de chuid The Irish Times chomh maith í. Tá trí nóibhille Ghaeilge scríofa aici don fhoghlaimeoir fásta – Sorcha sa Ghailearaí (2003), An Cailín Rua (2004) agus Samhradh an Chéasta (2010). Tá láithreoireacht agus léiritheoireacht déanta aice ar chláracha TG4, an sraith Pobal ag Guí ina measc.

D’fhoilsigh Coiscéim a céad bailiúchán filíochta, Ag Marú Maicréal sa bhliain 2019. Sa bhliain 2018, d’fhoilsigh Mercier Press a leabhar Beyond the Breakwater: Memories of Home. Bhuaigh sí dhá dhuais i gComórtais Liteartha an Oireachtais sa bhliain 2020 - an chéad áit dá saothar, Oscail an doras agus tiocfaidh siad don chomórtas Cur Chun Cinn na Gaeilge (Urraithe ag Conradh na Gaeilge) agus an chéad áit dá saothar, Scéalta Grá, bailiúchán gearrscéalta don chomórtas Ábhar Léitheoireachta don Fhoghlaimeoir Fásta.

Hosted on Acast. See acast.com/privacy for more information.

Rugadh Michelle Nic Pháidín in Albain ach bhog a teaghlach go Gaeltacht Ghaoth Dobhair agus gan í ach ina tachrán. Fuair sí a cuid oideachais uilig trí mheán na Gaeilge agus thug sí aghaidh ar an iriseoireacht ag an tríú leibhéal.

Scríobh Michelle le Foinse agus Lá nuair a thosaigh sí ag obair mar iriseoir. Chaith sí tréimhsí ag obair don Irish Daily Mirror agus don Star on Sunday agus tá obair mar shaorisireoir déanta aici don Irish Times, don Irish Independent agus don Irish Examiner thar na mblianta.

Tá suim mhór ag Michelle i gcúrsaí teanga agus bhí sí ina cathaoirleach ar Choiste Comhairleach na nÓg agus ina ball de Choimisiún na Gaeltachta. Bhain sí an dara háit i gcomórtas liteartha an Oireachtais sa bhliain 2004 leis an ngearrscéal ‘Baile na mblaincéad.’ Bhain sí Corn Mháire Nic Dhonnachadha don amhránaíocht ar an sean-nós an bhliain céanna.

Tá dhá leabhar scríofa ag Michelle, An tIriseoir (Foilsithe ag Cois Life, 2016) agus Fuascailt an Iriseora (Foilsithe ag Cois Life, 2018). Bhain An tIriseoir Gearrliosta Ghradam Uí Shuilleabháin amach sa bhliain 2017 i ndiaidh don leabhar an dara háit a bhaint amach sa rannóg ficsean i gcomórtas liteartha an Oireachtais 2016.

D’éirigh le Fuascailt an Iriseora Gearrliosta ‘Leabhar Gaeilge na Bliana’ ag Gradaim An Post a bhaint amach sa bhliain 2018.  

Hosted on Acast. See acast.com/privacy for more information.

Seo Anna ag léamh caibidlí 1 agus 2 den úrscéal.

Scríbhneoir: Anna Heussaff

Tá an-aitheantas bainte amach ag Anna as a cuid úrscéalta do léitheoirí fásta, don aos óg agus d’fhoghlaimeoirí fásta. Trí úrscéal go dtí seo atá ina sraith bleachtaireachta do léitheoirí líofa: Bás Tobann (Cois Life 2004), Buille Marfach (CIC 2010) agus Scáil an Phríosúin. Trí cinn atá ina sraith mistéire do léitheoirí óga freisin, Vortex (Cois Life 2006), Hóng (CIC 2012) agus Sárú (CIC 2017), ina bhfuil cluichí físeáin fite le heachtraí an scéil. Is i rang comhrá d’fhoghlaimeoirí fásta atá an t-úrscéal grá Cúpla Focal (Cois Life 2007) suite.

Bronnadh mórdhuais Oireachtais ar fhormhór a cuid úrscéalta agus thuill Hóng Duais Speisialta na Moltóirí ó CBI/Leabhair Pháistí Éireann sa bhliain 2013. Tá a cuid leabhar don aos óg ar an liosta molta don tSraith Shóisearach.

Tá cónaí ar Anna ina cathair dhúchais, Baile Átha Cliath. Chaith sí blianta ina léiritheoir raidió agus teilifíse le RTÉ sular thosaigh sí ar an scríobh cruthaitheach. Léann sí go rialta ag féilte agus ag ócáidí eile, agus cloistear ar na meáin Ghaeilge í. Tá sí páirteach sa scéim Scríbhneoirí sna Scoileanna agus sa Scéim Meantóireachta. 

Hosted on Acast. See acast.com/privacy for more information.

Is as Bréanainn sa Leitriúch i gContae Chiarraí do Mhícheál Ó Ruairc ach tá cónaí air i mBaile Átha Cliath ó 1980. Go dtí seo tá cúig leabhar do pháistí foilsithe aige agus leabhar amháin do mhic léinn ollscoile. Chomh maith leis sin tá trí úrscéal do dhaoine fásta, sé chnuasach filíochta agus bailiúchán amháin gearrscéalta maraon le sraith leabhar don Fhoghlaimeoir Fásta.

Tá iliomad duaiseanna buaite aige as a shaothar próis agus filíochta thar na blianta. Bhuaigh an bailiúchán gearrscéalta Daoine a Itheann Daoine (Cló Iar-Chonnacht, 2010) an chéad duais i gComórtais Liteartha an Oireachtais in 2009. Bhuaigh Fianaise (LeabhairCOMHAR, 2012) an chéad duais in 2012. Bhuaigh  an  bailiúchán dhátheangach Dambatheanga:Damlanguage (Arlen House, 2014) an chéad duais in 2014. D’fhoilsigh Arlen House cnuasach nua filíochta dá chuid Treaspásóir: Trespasser in 2019. 

Hosted on Acast. See acast.com/privacy for more information.

Foilsithe ag LeabhairCOMHAR

Bronnadh an chéad duais i gComórtais Liteartha an Oireachtais 2018 ar an úrscéal seo agus bhain an leabhar gearrliosta Ghradam Uí Shúilleabháin amach sa bhliain 2019.

Rinneadh cur síos ar Phroinsias Mac a’ Bhaird mar ‘Dan Brown na Gaeilge’ nuair a foilsíodh Rún an Bhonnáin (LeabhairCOMHAR, 2010) agus is cinnte go bhfuil an bheocht, an mhistéir agus an phlotaireacht bhríomhar chéanna, a choinneodh i do shuí mall san oíche thú, san úrscéal seo uaidh.

Seo Proinsias ag léamh caibidil a haon agus a dó as an leabhar.

Údar: Proinsias Mac a’ Bhaird

Is as Árainn Mhór Thír Chonaill do Phroinsias. Bhain a chéad leabhar Cogar san Fharraige (Coiscéim, 2002) le béaloideas Árainn Mhór. Tá trí chnuasach filíochta scríofa aige, dhá úrscéal, An Tairiscint (Coiscéim, 2005) agus Rún an Bhonnáin (LeabhairCOMHAR, 2010), Fatwa (Coiscéim, 2019) agus leabhair do dhaoine óga. Tá gearrscéalta, drámaí agus amhráin scríofa aige chomh maith.

Is iomaí duais atá bainte aige as a chuid scríbhneoireachta. Léann sé go rialta ag féilte litríochta agus ealaíne agus scríobhann sé ó am go céile in irisí liteartha agus sna meáin eile. An fharraige, saol an oileáin, ceol, béaloideas agus an stair is mó a mhúsclaíonn a dhúil.

Hosted on Acast. See acast.com/privacy for more information.

Faoin Leabhar

Úrscéal comhaimseartha, ina gcuireann muid aithne ar Chormac Mac Guidhir, ógfhear atá ag tráth ina shaol a bhfuil sé gafa le fearg, le fuath agus le fonn díoltais! Chonaic sé an crá croí a d’fhulaing a athair de bharr, mar a fheiceann Cormac é, spídiúlacht agus fheannadóireacht chleas an airgid, lucht na mbanc, ach go háirithe.

Scéal díoltais atá anseo ar leibhéal amháin ach, mar is dual do Ó Laighléis, tá i bhfad níos mó ná leibhéal amháin sa scéal seo! Inseacht chineálta, ealaíonta, dhrámata ar úrscéal nach mbeidh tú in ann a leagan uait go mbeidh an leathanach deireanach alptha agat. Saothar atá eisceachtúil ar an uile bhealach! Seo chugat dhá chaibideal as chun blaiseadh beag a thabhairt duit ar an scéal.

Faoin Údar

Is úrscéalaí, gearrscéalaí agus drámadóir é Ré Ó Laighléis a bhfuil aitheantas agus gradaim bronnta air dá shaothair go náisiúnta agus go hidirnáisiúnta. Scríobhann sé i nGaeilge, i mBéarla agus i bhFraincis, agus do léitheoirí den uile aois, agus tá an-chuid dá scríbhinní aistrithe go teangacha éagsúla. Le blianta fada anuas, tá éileamh mór air chun léamhanna agus ceardlanna a thabhairt anseo in Éirinn, sa Bhreatain, san Eoraip agus i Meiriceá Thuaidh.

Is as Sail an Chnocáin i mBaile Átha Cliath dó, ach tá cónaí air sa Bhoireann i gContae an Chláir ó 1992 i leith.

Hosted on Acast. See acast.com/privacy for more information.

Faoin Údar

File, scríbhneoir agus léachtóir is ea Áine Ní Ghlinn. Tá sí ina Laureate na nÓg don tréimhse 2020 – 2022.

Tá 31 leabhar foilsithe aici - 5 chnuasach filíochta do dhaoine fásta, 2 chnuasach filíochta do dhaoine óga, cnuasach miotaseolaíochta d'fhoghlaimeoirí fásta, drámaí, scéalta agus úrscéalta do dhaoine óga (idir dhéagóirí agus pháistí).

Bronnadh Patrick Kavanagh Fellowship uirthi sa bhliain 2019.

I measc na nduaiseanna atá buaite aici tá Duais Fhoras na Gaeilge, Seachtain na Scríbhneoirí, Lios Tuathail 2019 & 2020, Duais de hÍde, Féile Bhéal na mBuillí 2019 & 2020, Gradam Reics Carló Leabhar na Bliana faoi thrí do na leabhair Daideó (2014), Hata Zú Mhamó (2016) & Boscadán (2019) agus duaiseanna Oireachtais do dhrámaí agus úrscéalta do dhaoine óga.

Hosted on Acast. See acast.com/privacy for more information.

File, múinteoir agus eagarthóir is ea é Louis de Paor. As Corcaigh ó dhúchas, tá sé anois ina chónaí i nGaillimh - áit atá sé ina Stiúrthóir ar Ionad an Léinn Éireannaigh in Ollscoil na hÉireann, Gaillimh.

Hosted on Acast. See acast.com/privacy for more information.

Is é Páid Ó Neachtain, mac an údair, atá ag léamh an tsaothair. 

Hosted on Acast. See acast.com/privacy for more information.